Сионы анхилуун үнэр

Саад хавчлага ерөөл болсон нь

Шатам халуун наран дор гэр бүлүүд маань тунхаглалын наадамд нэг сэтгэлээр оролцож, Хойд Энэтхэг даяар Сионы анхилуун үнэр түгээсэн юм. Би Шиллонг сүмийн ивээлтэй үүх түүхээс та бүхэнтэйгээ хуваалцмаар байна. Хэдэн сарын өмнө Шиллонг сүмийн залуучууд багийн хоёр ах дүүг сайн мэдээ тунхаглаад явж байхад нь протестант сүмийн пастор болон гишүүд тэднийг бүчээд зогсчихсон саад хийж байжээ. Тухайн үед үүнийг нь харсан олон хүн байж. Тэдний дундаас нэг эгч болж байгаа явдлыг хараад сэтгэл нь эмзэглэж, гэртээ харих замдаа нулимсаа барьж дийлээгүй гэнэ лээ. Тэрээр яагаад тэгж бодсоноо мэдэхгүй ч яг л өөрт нь болон гэр бүлд нь тийм зүйл тохиолдож байгаа юм шиг санагдан, манай хоёр ах дүүд санаа нь зовж байж л дээ. Тэгээд маш чухал нэг шийдвэр…

Энэтхэг, Шиллонг сүм

Нутгаасаа олж авсан шинэ хүсэл мөрөөдөл

Намайг дунд сургуульд орох үеэр гэрийн маань санхүүгийн байдал илт дордож, би аав ээжээсээ тусдаа амьдрах болов. Шинээр суурьших болсон газар маань нагац эгчийн амьдардаг Америк орон. Ингээд би хайртай гэр орныхноосоо хагацан, харьд цагаачилсан юм даа. Аз болоход дэлхийн нөгөө өнцөг дэх амьдрал маань тийм ч муу байсангүй. Сургуульд миний үеийн солонгос хүүхдүүд олон байв. Бас би америк хүүхдүүдтэй ч дорхноо дотноссон. Намайг Америкт ирээд нэг их удаагүй байхад эмээ маань надад санаа зовсондоо араас ирлээ. Тийм болохоор надад ганцаардсан, гадаадад орхигдсон мэт мэдрэмж огтхон ч төрж байгаагүй ээ. Гэхдээ л би Солонгосоо их санана. Хэдэн жил өнгөрч, Солонгосоос илүү Америкт дасал болсон ч зүрх сэтгэл минь нутагтаа тэмүүлсэн хэвээр. Хэрвээ би Америкт тэр чигтээ үлдсэн бол коллежоо төгсөөд…

И Мин Гюү / Солонгос, Соннам

Өөрчлөлт

Би ээжийнхээ гэдсэнд байхаас л Бурханы сүмд явдаг байж билээ. Энэ нь нэг ёсондоо эхийн хэвлийд байх үеийн итгэл гэсэн үг юм даа. Би ээжийнхээ итгэлээс хамааралгүй болж, өөрийнхөө итгэл дээр зогсох болсон үе маань миний дунд сургуульд байсан үе л дээ. Сургууль дээрээ өөр шашинтай олон найзтай байсан болохоор “Намайг тэнгэрийн хаанчлал руу хөтлөх үнэн нь юу юм бол?” гэж би гайхах болов. Энэ асуултынхаа хариуг би нэг их удсангүй оллоо. Сион дээр Библи хичээнгүйлэн үзээд ирэхээр шинэ гэрээний үнэнийг тодорхой ойлгох болов. Гэвч миний итгэлийн амьдрал ахлах сургуульд байхад маань нам зогсчихсон юм. Найзуудтайгаа цаг нөхцөөх маш дуртай байсан маань миний амьдралын тэнцвэрийг алдагдуулчихсан байж. Хичээлдээ явах дургүй болж, гэртээ байнга шөнө аажуу ирнэ. Заримдаа арайхийн ганц мөргөл…

Жан Е Жин / Солонгос, Ансан

Хамгийн их баяр хөөр

Далаа давсан урт үстэй, сахалтай, тас хар нүдний шилтэй, жинсэн хослол, кобой гутал өмссөн билиг танхай нэгэн. Энэ миний үнэнийг ухаарахаас өмнөх төрх. Тухайн үед киноны зураг авалтанд ороод үс, сахлаа ургуулсан байсан юм. Жүжигчин гэдэг ажлыг хийгээд, ганц нэг бүтээл найруулан, багагүй кинонд дүр бүтээсэн би өөрийн авьяасандаа сэтгэл хангалуун, бусдад таалагдах гэхээс илүү өөрийнхөөрөө амьдарч ирсэн хүн. Харин итгэлийн амьдралын тал дээр тийм байгаагүй. Бурханд итгэдэг, Библийг мэднэ гэж яриад байгаа хэрнээ Библиэ уншаад ойлгохгүй. Бурханы үгийг олигтой тайлбарлаж өгдөггүй пастортаа Бурханд итгэхээсээ илүү итгэвч, юунд ч юм гомдох, юуг ч юм үгүйлэн сэтгэл өнчирнө. Нэг өдөр хамт сурч байсан оюутан цагийн найз над руу залгалаа. Бид хоёр сүмийн талаар ч ярьж, найз маань миний явдаг сүмд мөнх…

М.Дорждагва / Монгол, Улаанбаатар

​Эцэст нь ерөөл өгөх гэж

2016 оны 2 сарын 17-нд хүү маань бага сургуулиа төгсөв. Гэрээсээ 2 цаг явах зайд ажилладаг нөхөр маань надтай цуг хүүгийнхээ хонхны баярт оролцохоор бүр ажлаасаа чөлөө авав. Төгсөлтийн баяр дээр нь төгсөгчдийн нэрийг нэг нэгээр дуудаж, сертификат гардуулж байлаа. Зарим нь шагнал авахаар тайз руу дуудагдана. Хүү маань ч шагнал авсны нэг нь байсан юм. Баярласандаа болоод нүдэнд минь нулимс цийлэгнээд ирлээ. Хүмүүс хүүг маань ямар нэг хичээлдээ сайн байсан болохоороо шагнал авч байна гэж бодсон байх. Харин хүү маань хөнгөн атлетикийн арга хэмжээнүүдэд авьяастай хүүхдүүдэд гардуулж байсан хөнгөн атлетикийн шагнал авсан юм. Нөхөр бид хоёрт энэ шагнал ямар их утга учиртайг биднээс өөр хэн ч мэдэхгүй л дээ. Зургаан жилийн өмнө бага сургуульд орохоосоо өмнө ханиад нь хүндэрснээс…

Солонгос Гүми, И Сүн Дог

Тэнгэр Эцэг Эхийг ухаарсны дараа

Би Дани улсад төрсөн л дөө. Харин намайг 12 нас хүрэхийн алдад ээж бид хоёр Шведийн Малмо хот руу нүүсэн. Өсөж торнихын хэрээр би хувиа хичээсэн амьтан болж, энэ амьдралын утга учрыг олж харахгүй байв. Дани руу буцаж нүүж ирээд юм л бол зугаа цэнгэлд автдаг байв. Илүү хүчирхэг, гоё биетэй харагдах гэж маш их дасгал хийнэ. Тэгээд Швед рүү дахиж нүүгээд амьдралаа шинээр эхлэхээр сургуульдаа эргэж орсон юм. Нэг өдөр хэн нэгэн манай хаалгыг тогшив. Тэнгэр Эхийн тухай ярих гэсэн юм гэсээр хоёр солонгос хүн үүдэнд маань зогсож байлаа. Тэд англиар тийм ч сайн яриагүй тул юу яриад байгааг нь би огт ойлгосонгүй. Гэсэн ч нэг л сонирхлыг минь татаад байв. Тэд цаасан дээр бичиж тайлбарлах гэж оролдоно. Би…

​Симон Линдхардсен / Швед, Малмо

Хайраар соёрхож өгсөн ерөөл

Манай гэр бүл хоорондоо их дотно бас бие биедээ их нээлттэй. Аав ээж хоёр маань яг л миний найз шиг байж, хамт байхад уур амьсгал үргэлж хөгжилтэй байдаг. Манай найзууд ах нартайгаа үе үе муудалцдаг талаараа ярьдаг ч, харин ах бид хоёр хоорондоо үнэхээр эв түнжинтэй. Тийм болоод ч тэр үү, ахлах сургуульд байхдаа нэг найзаараа дамжуулан үнэнийг хүлээж авахад хамгийн түрүүнд гэрийнхэн маань санаанд орж байсан юм. Хөдөө орон нутгаас дөнгөж хот руу нүүж ирээд байсан болохоор би муу найз нөхөдтэй таарахвий гэж ихэд санаа зовдог байлаа. Харин Сионы гэр бүлүүд ийм хүмүүс байдаг билүү гэж бодогдохоор үнэхээр сайхан сэтгэлтэй хүмүүс байв. Библийн үгс маш тодорхой, ойлгомжтой. Би яагаад энэ дэлхийд төрсөн, үхсэний дараа хаашаа явах вэ гэх мэт…

Ким Хе Жи / Солонгос, Анян

Эхийг сэтгэлдээ тээж сэрсэн минь

Өвөөгийнхөө 80 насны ойг тэмдэглэхээр арван жилийн дараа төрсөн нутагтаа очлоо. Миний санахад өвөө маань хатуу, хүчтэй хүн байсан юм даг. Юманд маш уйгагүй, махруу. Өвөө маань ургац хураахаас бусад үед үр тариагаа ганцаараа арчилж торддог байж билээ. Тиймээс би өвөөгөө нэлээн бадриун тэнхээтэй байсныг нь л лав мэддэг юм. Тэгтэл хамгийн сүүлд харснаасаа хойш арван жилийн дараа өвөөгөө хараад бүр гайхаж орхив. Өвөө маань маш тамир муутай болсон байв. Арайхийн явж, удаан ярьж ч чадахгүй байв. Ихэнхдээ л хөдөлдөг сандал дээрээ сууж өнжинө. Харин босож зогсохоор бол хүнээр туслуулах хэрэг гарна. Намайг хэн гэдгийг маань таньж ядан байсан өвөөдөө мэндлэхээс өөр юу хийх ёстойгоо би мэдэхгүй байлаа. Өвөөгийнхөө өрөвдмөөр хүнд байдалд байгааг хараад гэнэт нэг хүн санаанд орлоо. Энэ…

Жомэри Суплео / Филиппин Мандалуйон

Эх өчүүхэн залбиралд ч хариулдаг

Анхны хүүхдээ төрүүлснээс таван сарын дараа юмдаг. Би нэг өдөр амрахаар хэвттэл гэнэт нэг бодол санаанд орж ирээд нойрыг минь хулжааж орхив. “Намайг үхэхээр юу болох бол?” Энэ бүхэн яагаад гэнэт сонирхол төрүүлээд байгаа талаар мэдэх ч юм алга. Гэхдээ л би үхлийн дараах амьдралыг сонирхсон хэвээрээ л байв. Магадгүй би дөнгөж л хүүхдээ асрах ёстой ээж болж байсан болохоороо ч тэр үү, үхэхээс бүр ч их айх болов. Яг тэр үеэрээ Бурханы сүмийн хэдэн хүнтэй таарсан юм. Үнэндээ бол би Бурханы сүмийнхэнтэй хүүгээ гэдсэнд байхын л харьцаатай байсан л даа. Сүмийнхнээс Амралтын өдрийн тухай сонсоод тэр өдөр би үнэхээр гайхсан. Харин эгч маань буддист байсан тул би сүмийнхэнтэй уулзахаа больсон байсан юм. Тэгээд үнэний талаар сурах боломж дахиж олдоогүй…

Ким Гён Сүг / Солонгос, Усан

Миний амьдралын шилжилтийн цэг, Эхийн хайр

Би Финляндын нэгэн шашин шүтлэггүй гэр бүлд төрж өссөн. Багадаа хашаан дотроо савлуурдаж тоглож байхдаа надад үхэх цаг байгаа даа гэж боддог байлаа. Хэзээ нэг өдөр би гэж хүн байхгүй болно гэж бодохоос л хэцүү санагдаж, энэ үнэнийг хүлээн авах ч хэцүү байсан юм. Байнга л би ер нь яагаад энэ дэлхий дээр байгаа юм бол, миний амьдралын зорилго яг юу юм бол, үхсэний дараа юу тохиолдох бол гэж гайхдаг байлаа. Өсвөр насанд ирээд энэ мэт бодлууд маань бүр л хүчтэй болов. Харин энэ бүхний хариуг хаанаас ч олохгүй байлаа. Мэргэжлийн сургуулиа төгссөний дараа би Америкт очин “au pair” (Аu pair: америк айлд байрлангаа гэр орных нь ажлыг хийн цалин авч, хажуугаар нь хэл яриа сурах хөтөлбөр) хийсэн юм. Хэдэн…

Петра Ийда Эмилиа Руокожарви / Финлянд, Хельсинк

Нэг сүнс хөтлөх хүртэл

Үнэнийг хүлээн авахаасаа өмнө би Бурханд итгэдэг болох гэж нэлээн оролдсон боловч ийм юм тохиохгүй л байв. “Итгэл үнэмшилтэй байна гэдэг ч миний хийх ажил биш юм байна даа. Үхсэний дараа Бурхантай уулзах болов уу?” гэх бодол төрнө. Янз янзын бодол давхцан сэтгэл хямарна. Өдөр бүр “Энэ амьдрал дуусаад надтай юу тохиолдох бол? Би хаашаа явдаг бол?” гэх зэргээр өөрөөсөө асууна. Сурахад хамаг л цаг заваа зориулан зүтгэж, хийх ёстой зүйл маань ердөө энэ гэж өөрийгөө тайвшруулавч яагаад ч юм сэтгэл нэг л хоосон оргиж, яг ч тийм аз жаргалтай байж чадахгүй л байлаа. Ирээдүйгээ төлөвлөхөөр яах ч аргагүй юм бүхэн утга учиргүй хоосон санагдана. Надад аз жаргал, баяр хөөр авчирч чадах зүйлийг би хайж гарав. Нэг тиймэрхүү л байсан…

Мариа Клеофе Кучилло Гутиеррез / Перу, Лима

Дэлхий дахинаа агаарын долгионоор дамжин уянгалах амийн дуу

Ням гаргийн оройн 10 цагт хүмүүс баяр хөөртэй амралтын өдрүүдээ үдэн, шинэ 7 хоногт бэлдэнэ. Одод түгсэн намуухан энэ үдэш студийн дэлгэцнээ шууд эфирийн улаан гэрэл анивчин, дэлхийг гэрэлтүүлэн, сүнсийг сэргээх радио нэвтрүүлэг гурван цаг үргэлжилнэ. New Song Radio (Шинэ дуу радио) нэвтрүүлэг ийн эхэлнэ. Дэлхийн өнцөг булан бүрээс ирсэн Сионы анхилуун үнэр, шинэ дууны сүр жавхлант, эгшиглэнт аялгуу радиогоор уянгалахад Елохим Бурханы ивээл нигүүлсэл бөмбөрцгийн нөгөө талд ч хүртэл түгж байгааг бид мэдэрдэг. Шинэ дуу бол Елохим Бурханы аврал хайранд талархал, яруу алдрыг өргөх хүсэлтэй ариун хүмүүсийн дуу хөгжим юм. Хаана ч, хэзээ ч сонсож дуулж болдог шинэ дуу нь цаг завгүй амьдралдаа цуцсан бидний сэтгэлийг Бурханы хайраар гэрэлтүүлж, амьдруулж, сул дорой сүнсэнд минь хүчийг өгдөг. Ертөнцийн бүх хүнд…

New Song Radio нэвтрүүлгийн баг / АНУ, Нью Йорк

​Бурханы хайрыг ухаарсан минь

Эгч маань Протестант сүмд явж байх үеэр энэ явдал болсон юм. Нэг өдөр эгчийн бүх бие шарх болчихсон орж ирэв. Би бүр гайхаж юу болсныг нь асуулаа. Тэрээр сүм дээр нь болсон шашны зан үйлээс болоод ингэж хөхөрч няцарсан гэнэ. “Сүм итгэгчдээ ингэж өвтгөх нь яалаа гэж зөв байдаг юм бэ? Тийм газар Бурхан байхгүй нь лавтай!” Би тэр сүмийг нь сэжиглэн, Бурхан тэнд байхгүй гэдэг дүгнэлтэнд хүрлээ. Эгч маань ч тэгсхийгээд тэр сүмд явахаа болив. Цаг хугацаа өнгөрч, эгч маань Бурханы сүм гэдэг нэртэй өөр сүмд явах болсон байв. Тийм аймаар юм болж, хаширсан хэр нь яагаад дахиад сүмд яваад байгааг нь би огт ойлгосонгүй. Тиймдээ ч Бурханы сүмдээ урихад нь би эрс татгалзсан юм. Манай эгч итгэлийн амьдралдаа…

Ган Ён Сүг / Солонгос, Инчон

Бурхан сайн мэдээний ажлыг удирдаж, сайн мэдээнд өөрсдийгөө зориулж буй гэр бүлүүд хамт байгаа тул

Одоо би Бразилын Сан Паулуд зөнчийн хувиар сайн мэдээний үүрэг гүйцэтгэж байгаа. Бурханы ивээлийг биеэрээ мэдэрснийхээ дараа сайн мэдээний төлөө ямар сэтгэлтэй байх ёстойгоо би сурч авсан юм. Тэгээд би энэ бичвэрээрээ дамжуулан ухаарсан зүйлээ та бүхэнтэй хуваалцахыг хүслээ. Сан Паулу Бурханы сүм Рибейран Прето салбар сүмийг удирддаг л даа. 2019 онд Рибейран Прето салбар сүм Бурханы ивээлээр шинэ ариун газартай болсон юм. Рибейран Прето хот нь Сан Паулугаас 300км зайтай байсан тул сүмийн гэр бүлүүд маань барилгын ажилд очиж туслах хэцүү байв. Иймд талархах, санаа зовох зэрэгцэн байлаа. Яаралтай тус дэм шаардлагатай байхад Сан Паулу хотод барилгын салбарт ажилладаг нэг ах дүү санаанд оромгүйгээр барилгын ажилд туслахаа хэлэв. Тэрээр өмнө нь Сионд бараг ирдэггүй байсан тул би түүнийг сүмийн…

Сол Юүн Дог / Бразил, Сан Паулу

Итгэл нь сонсохоос

“Ойрд сүмд явж байгаа юм уу?” “Та номлогч юм уу?” Сүүлийн үед танилуудын маань надад байнга хэлдэг үг энэ. Тэдний ингэж хэлэхийг сонсоод “Би зөв л яваа юм байна” гэж бодоод санаа амарч байлаа. Тэдний ингэж асууж байгаа нь миний гадаад байдал, үг яриа, үйл хөдлөл өмнөхөөсөө өөр болсон болоод тэр шүү дээ. Би 19 жилийн өмнө эхнэрээ дагаж үнэнийг хүлээн авсан юм. Эхлээд сүмийн талаар ямар ч мэдэгдэхүүнгүй байснаа сүмийнхэнтэй спортын арга хэмжээ болон янз бүрийн үйл ажиллагаанд оролцон аажмаар сүмдээ татагдаж, бүх мөргөлөө сахидаг болсон доо. Харин өдөр тутмын маань амьдрал итгэгч хүний амьдралаас хол байлаа. Хэзээ ч билээ дээ, би ажлаасаа гараад хувийн бизнес эрхэлж эхэлсэн болохоор юу нь нэн түрүүнд гэдгээ ч мэдэхгүй байнгын л завгүй…

Хан Чан Хён / Солонгос, Пусан

Бурханыг хайж, үгэнд нь ойр байх үед

2020 оны гуравдугаар сард “Ковид-19” тархсаны улмаас Филиппиний засгийн газрын зүгээс нийслэл хотдоо олон нийтийн хорио цээрийн дэглэмийг чангатгах ажил хэрэгжүүлэв. Манай Библийн төв байдаг Бакур хот нийслэлээс нэлээд хол зайтай байдаг тул яах нь тодорхойгүй байв. Тиймээс итгэлээ босгон бэхжүүлж байсан Тирсо ах дүү, түүний эхнэр Жэйн нар гэр бүлийнхэндээ сайн мэдээ тунхаглахыг хүслээ. Эхнэр бид хоёрыг Бакур дахь Библийн төвд ажилладаг байсан болохоор ах дүү эгч дүү хоёр биднийг гэртээ урив. Тэдний хичнээн зүтгэлтэй байгааг нь мэдэрсэндээ бид тэдний амьдардаг Дасмариняс руу явахаар яаравчлав. Биднийг тэнд очиход тэдний хүү нь, охин нь бас эгч дүүгийн ээж биднийг угтав. Бурханы гүн гүнзгий нууцыг Библиэр судалсныхаа дараа тэд даруугаар шинэ амийн ерөөл хүлээн авахыг хүсэж улмаар хоёр хоногийн дараа ирж,…

Марк Сумегюн / Филиппин, Мандалуйон

Тэнгэр Эцэг Эхтэй хамт алхах нь

Нэг ням гарагт би хамаатныхаа надад танилцуулсан, манай гэрийн ойр байдаг нэг сүм рүү очиж, Бурханы сүмийнхэнтэй уулзлаа. Тэд надад загалмайг шүтээн гэдэг талаар ёстой л зангилаа тайлах мэт ойлгомжтой зааж өглөө. Итгэл сүсэг ихтэй христчин аав ээжийгээ дагаад би багаасаа л хүзүүндээ загалмайн зүүлт зүүж, загалмайгаа бариад унтахаараа л тайван амардаг байж билээ. Загалмайг шүтээн гэсэн нь итгэлийг маань орвонгоор нь эргүүлэх мэт таагүй санагдлаа. Гэвч Библиэр баталсан болохоор тэднийг үгүйсгэх арга байсангүй. Хэд хоногийн дараа би Бурханы хүүхэд болж, гэртээ байсан бүхий л загалмайн дүрсээ хаяж, сэтгэлээсээ ч бас гаргаж орхив. Үнэнийг мэдэж авчихаад зүгээр суугаад байж чадсангүй. Гэрийнхэндээ, бас миний бодсоноос ч илүүгээр загалмайд ач холбогдол өгч Библи дээрээ, цүнхэн дээрээ, бүр гутал дээрээ ч хүртэл загалмайн…

Паг Чан Жон / Солонгос, Чэжү

Эхийн хайр шингэсэн “мети пюри”

2019 оны дөрөвдүгээр сард би Солонгост болсон эмэгтэй зөнч нарт зориулсан олон улсын манлайллын чуулга уулзалтанд оролцсон юм. Би Энэтхэгтээ буцаж ирээд, зөнчийн эхнэрийн хувьд сүмээ хэрхэн аз жаргалтай болгох вэ, сайн мэдээний ажилд яаж дэмжлэг үзүүлэх вэ гэж гүн бодсон юм. Тэгээд сүмээс холдсон итгэгчдэд, мөн уулзахад хэцүү байдаг гэр бүлүүддээ Эхийн хайр дамжуулах тухай нэг бодол төрсөн юм. Сион байдаг Нави Мумбай бол амьдралын өртөг өндөртэй гэдгээрээ алдартай газар. Нэг хүн гэр бүлээ авч явах амаргүй болохоор гэрийн эзэгтэй нар нь ч өдөрт нэг юм уу хоёр гурван айлд үйлчлэгчийн ажил хийдэг. Ийм туйлдам хүнд нөхцөл байдалд ч гэр бүлүүд маань мөргөлөө сахихыг нь хараад, тэд үнэхээр л мундаг итгэлтэй юм даа гэж бодогддог юм. Тиймээс Нави Мумбай…

Сон Жү Хы / Энэтхэг, MH Улхаснагар

Бурханы үгийн дагуу

“Европын сайн мэдээ ч бас сайн болно” гэж тэнгэр Эх биднийг ерөөсөн билээ. Европын сайн мэдээний саад өндөр байсан урт удаан цаг хугацаанд бид тэвчээртэй байх хэрэгтэй байлаа. Харин тэнгэр Эхийн ерөөлийн үг бидэнд маш их урам хүч болов. Пентэкостын өдрийн үеэр Төв Европын сүмүүд нэгдмэлээр явуулсан тунхаглалын наадмын турш Ариун Сүнсний гайхамшигт түүхийг биеэрээ мэдэрснийхээ дараа бүх юм гарцаагүй Бурханы үгээр болно гэдэгт бид бүр илүү итгэлтэй байх боллоо. Пентэкостын өдрийн өмнө ба дараа бидний огт төсөөлж байгаагүй зүйлс Дюссельдорф Сионд их гарлаа. Сион руу олон хүн иржээ. Шинэ хүмүүс маань Бурханы үгийг ихэд сонирхон, жинтэй асуултууд асууна. Хуучин гэр бүлүүд маань Бурханы үгийг дамжуулах чадварын чухлыг ухаарч, Библи сурахад өөрсдийгөө зориулж байлаа. Энэ бол их зөв зүйтэй эргэлт…

Герман, Дюссельдорф Бурханы сүм

Сионд ухаарсан гэр бүлийн хайр ба амьдралын утга учир

Өрх гэрийн тэргүүний хувиар мөнгө их олох нь л миний хийх ёстой ажил гэж би боддог байлаа. Би төрж өссөн нутаг Хятадын Шэньянд хоолны газар ажиллуулдаг байж байгаад бүр их мөнгө олох гэсэндээ аялал жуулчлалын хөтчөөр ажиллаж эхлэхээр онгоцоор 2 цаг нисдэг газар болох Шанхай руу нүүсэн юм. Хөл хүндтэй эхнэр маань асаргаа халамж сайтай байх үүднээс Шэньян руугаа буцах үед би ганцаараа үлдэх хэрэг гарав. Гэхдээ надад ханиа санах гэхээсээ илүү хариуцлага гэх мэдрэмж л төрөөд байлаа. Эхнэр хүүхэдтэйгээ баяр ёслолын үеэр л нэг уулзчихаад бусдаар тэднээсээ хол амьдарсаар дөрвөн жил гялс өнгөрлөө. Ажиллахад хэцүү болж би дахин сонголтын салаа зам дээр ирлээ. Танил нөхдөөсөө тус дэм аваад үргэлжлүүлж ажиллах уу, эсвэл энэ удаа аав ээжийнхээ суурьшсан Солонгос руу…

Солонгос, Чэжү / И Гүг Чоль