Бурханы тусламж байхгүй бол бидний хүчээр бүрэн төгс хийж чадах зүйл ганц ч байхгүй юм. Тиймээс Бурхан биднээс Өөрөөс нь тусламж гуйгаасай гэж хүсдэг (Мат 7:7-8). Бидний нүдэнд харагдахгүй ч Бурхан залбиралд маань чих тавин, үргэлж бидэнд тусалдаг юм. Тийм болохоор бид үргэлж залбиралд өөрсдийгөө зориулах ёстой (1Тес 5:17).
Тэгвэл ямар сэдвээр залбирах ёстой вэ? Библиэр тодорхой судалж үзэцгээе.
- Эхлээд Бурханы хаанчлал болон зөвт байдлыг хай хэмээсэн (Мат 6:25-34).
- Мэргэн ухаан дутсан нэгэн мэргэн ухаан гуй хэмээсэн (Иак 1:5).
- Сорилтонд орохгүйн төлөө залбир хэмээсэн (Лук 22:40).
- Ариун Сүнс гуй хэмээсэн (Лук 11:13).
- Үгийн үүдийг нээж өгнө үү гэж залбир хэмээсэн (Кол 4:2-6).
- Сайн мэдээний нууцыг зоригтойгоор мэдүүлэхэд тусална уу гэж залбир хэмээсэн (Ефе 6:18-19).
- Итгэлд төгс зогсоож өгнө үү гэж залбир хэмээсэн (Кол 4:12).
- Үнэний сургаалыг төгс ухааруулж өгнө үү гэж залбир хэмээсэн (Дуу 119:18).
- Бусдыг уучлахын төлөө залбир хэмээсэн (Мар 11:25).
- Нүгэлдээ гэмшиж залбир хэмээсэн (Үйл 8:22).
- Итгэл хөрөхгүй байхаар залбир хэмээсэн (Лук 22:32).
Эдгээрээс гадна хувийн санаа зовоосон зүйл гарах үед ч залбирлаар Бурханаас чухалчлан гуйх хэрэгтэй юм. Юу ч гуйсан хүссэн бүхэн чинь өгөгдөнө гэж итгэвэл түүний дагуу болох болно (Мар 11:24). Мөн махан биеийн хүсэлдээ нийцүүлэн гуйсан залбиралд Бурхан хариулт өгөхгүй (Иак 4:2-3).
Есүс сайн мэдээний ажлыг залбирлаар гүйцэлдүүлж байгаа дүр төрхөө харуулсан байдаг. Есүс уг нь залбирахгүй байсан ч биднийг аврах хүч чадалтай төгс хүчит Бурхан шүү дээ. Гэтэл хичээнгүйлэн залбирвал Эцэг бүгдийг нь сонсож, хариулт өгнө гэж айлдаад залбирлын жишээ үзүүлсэн юм (Лук 11:9-13). Тасралтгүй залбир хэмээсэн Бурханы хүсэлд дуулгавартай байж, Бурханы ивээл болон ерөөлийг бүрэн дүүрэн хүртэх Сионы хүүхдүүд болцгооё.
- Тунгаах зүйлс
- Ямар залбирал Бурханаас хариулт авч чадахгүй вэ?
- Өөрийн залбирлаа эргэн харж, Бурханы хүссэн залбирлыг өргөцгөөе.