हाम्रो परिवारको ‘एकदिने कक्षा’
लेख सुन्नुहोस्
3:38
हरेक व्यक्तिमा आ-आफ्नै प्रतिभा हुन्छ । चाहे बालक होस् या वृद्ध, सबै जनाबाट सिक्न सकिने केही न केही कुरा अवश्य हुन्छ । सिक्न सकिने कुरा भन्नाले कुनै विशेष प्रतिभा वा उत्कृष्ट सीप नै हुनुपर्छ भन्ने छैन । साइकल चलाउने, चाउचाउलाई स्वादिष्ट तरिकाले पकाउने, लुगा पट्याउने, कुनै मेसिन चलाउने वा कागजका खेलौनाहरू बनाउने जस्ता दैनिक जीवनका सानातिना गतिविधिहरूमा कोही थोरै मात्र पोख्त छ भने पनि, त्यो अरूलाई सिकाउन र अरूबाट सिक्न लायकको हुन्छ ।
यो महिना आफ्नो परिवारसँग ‘एकदिने कक्षा’ सञ्चालन गरिहेर्नुहोस् । एक-अर्कालाई सिकाउने र एक-अर्काबाट सिक्ने क्रममा, तपाईंको परिवार सँगै अगि बढ्न सक्छ । यसरी सँगै बिताएको त्यो समय एउटा अमूल्य सम्झना बन्नेछ !
- व्यवहारमा लागू गर्ने तरिका
- एक-अर्काबाट के सिक्न चाहनुहुन्छ भन्ने विषयमा कुराकानी गर्ने
- कक्षाको समयमा सिकाउने परिवारको सदस्यलाई ‘शिक्षक’ भनी सम्बोधन गर्ने
- शिक्षकको भूमिका निर्वाह गर्ने परिवारको सदस्यलाई आदरपूर्वक व्यवहार गर्ने
- विद्यार्थीलाई सिक्न गाह्रो हुँदा वा उसले गल्ती गर्दा समेत, शिक्षकले दयालु भएर राम्ररी सिकाइदिने
- विद्यार्थीले राम्रो गर्दा शिक्षकले खुलेर प्रशंसा गरिदिने
- वास्तविक कक्षाकोठामा भएझैँ गरी रमाइलो अभिनय खेल खेल्ने
