अँध्यारो समुद्रमा यात्रा गर्ने जहाजलाई मार्गनिर्देशन गर्ने दीपगृहझैँ जीवनको यात्रामा तपाईंलाई सही बाटोमा डोऱ्याउने एक जना मार्गनिर्देशकको आवश्यकता पर्छ । यस्तो मार्गनिर्देशकलाई प्रायः ‘रोल मोडेल’ भनिन्छ । रोल मोडेल छ भने लक्ष्य अझ स्पष्ट हुन्छ, अनि तपाईं अझ प्रेरित हुनुहुनेछ ।
तर आफ्नो निम्ति कोही रोल मोडेल हुँदैमा सपना साकार हुने होइन । महत्त्वपूर्ण भनेको कार्य गर्नु हो । आफूले चाहेजस्तो व्यक्ति बन्ने सबैभन्दा निश्चित तरिका भनेको रोल मोडेलको नकल गर्नु हो । तिनको मनोवृत्ति, बोलीवचन र जीवनयापनको स्वरूप हेरेपछि तिनले जसरी बोल्न, तिनले जसरी सोच्न र तिनले जसरी व्यवहार गर्न सकिन्छ । निर्णय लिन गाह्रो हुने अवस्था आइपर्दा तपाईंले “यो अवस्थामा रोल मोडेल भएका भए तिनले कसो गर्नेथिए होलान् ?” भनेर आफैलाई सोध्न सक्नुहुन्छ । तब सजिलै उत्तर पाउनुहुनेछ ।
अमेरिकी मनोवैज्ञानिक विलियम जेम्सले “तपाईं केही कुरा चाहनुहुन्छ भने त्यो पहिल्यै पाइसकेझैँ व्यवहार गर्नुहोस्” भनेका छन् । तपाईंको रोल मोडेल को हुनुहुन्छ ? तिनीजस्तै बन्न चाहनुहुन्छ भने सानो बानीसमेत उस्तै बनाउन प्रयत्न गर्नुहोस् । ती कुराहरूलाई घरिघरि अभ्यास गर्नुभयो भने तपाईंले आफैलाई, आफूले चाहेअनुसारको मानिसमा परिवर्तन भएको पाउनुहुनेछ ।