रुख र घाँस

जङ्गलको एउटा ठुलो रुखले भुइँमा पलाएको धाँसलाई सोधेछ ।

“ओहो, यति सानो र कमजोर शरीर लिएर, तिमी कसरी बाँचिरहेका छौ ।”

घाँसले नम्र हुँदै जवाफ दिएछ ।

“म त बस आफ्नो ठाउँमा अडिग रहन्छु ।”

घाँसको मुखबाट शब्द निस्किन नपाउँदै अचानक तीव्र हावाहुरी चल्न थाल्यो । हावाहुरीको वेगसँगै घाँस हल्लिन थाल्यो, तर त्यसले त्यो सङ्कट टर्नका लागि धैर्यतापूर्वक पर्खियो । अनि त्यो रुखचाहिँ घाँसको खिल्ली उडाउँदै उभिरह्यो ।

हावाहुरीको बेग झन् झन् बढ्दैगयो । त्यो भयङ्कर आँधीलाई थेग्न नसकेर अन्ततः त्यो रुख घर्लम्मै ढल्यो ।

카카오톡 공유하기