परमेश्वर सबै कुरा जान्नुहुन्छ
“यदि तपाईं अदृश्य माानिस बन्नुभयो भने के गर्न चाहनुहुन्छ ?”
योचाहिँ अलौकिक शक्तिसम्बन्धी प्रश्नोत्तरहरूमा प्रायः सोधिने प्रश्न हो ।
मानिसहरूका जवाफहरू फरक-फरक हुन्छन् । तर केही जवाफहरू भने सधैँ उस्तै हुन्छन्, जस्तै निःशुल्क रूपमा विभिन्न ठाउँहरू घुम्ने, आफूलाई मनपर्ने सामानहरू किन्ने, मनपर्ने व्यक्तिको पिछा गर्ने वा मन नपर्ने व्यक्तिलाई हैरान पार्ने, इत्यादि ।
जो सुकै भए पनि, मानिसहरूमा एउटा मिल्दो पक्ष हुन्छ । त्योचाहिँ अरू कसैले नहेरेको समयमा उनीहरू केही फरक गर्ने प्रयास गर्छन् । उनीहरू त्यस्ता कामहरू गर्न चाहन्छन् जुन उनीहरूले आत्म-चेतना वा प्रतिबन्धका कारण गर्न सक्दैनन् ।
परमेश्वरको दृष्टिमा सृष्टिको कुनै कुरा लुकेको हुँदैन । उहाँका नजरको सामुन्ने सबै कुरा स्पष्ट र खुला छन्, उहाँलाई नै हामीले लेखा दिनुपर्छ ।हिब्रू ४:१३
परमेश्वरको अगाडि कोही पनि अदृश्य हुन सक्दैन । परमेश्वरले हामीले सोच्ने, बोल्ने र गर्ने सबै कुरा जान्नुहुन्छ (भजन १३९:१-४) । गुप्त रूपमा गरिएका कार्यहरूलाई पनि नियालिरहनुहुने परमेश्वरको स्मरण गरौं । परमेश्वरले दिनुभएको विवेकअनुसार सोच्ने र व्यवहार गर्ने गऱ्यो भने लुकाउनुपर्ने कुरा केही हुँदैन ।
