Тунхаглалын хүүрнэл

Тэвчээрээр олж авсан баяр хөөр

Намайг тэнгэр Эцэг Эхийн ивээлээр АНУ-ын Филадельфид сайн мэдээ тунхаглаж байх үед нэг ийм явдал болж билээ. Би нэлээн удаан сайн мэдээ тунхагласан боловч ямар ч үр жимсгүй байсан тул “Би яагаад үр жимсгүй байгаа юм бол?” гэж бодоод санаа минь зовж байлаа. Тэгж байтал Алтунад хийсэн богино хугацааны тунхаглалаар дамжуулан ная гаруй настай Каролин эгч дүүг Бурхан надад үр жимс болгон зөвшөөрөв. Долоо хоног бүр ирж очихын 8 цаг явж, эгч дүү бид хоёр Амралтын өдөр, Алгасал баяр, Елохим Бурханы талаарх үнэнийг хоёр сарын турш хичээнгүйлэн судалж үзсэн юм. Гэтэл нэг өдөр эгч дүүтэй холбоо барьж болохгүй болчихов. Маш санаа зовж, эгч дүү дээр эргэж очлоо. Юу болсон юм мэдэхгүй, эгч дүү нэг л хүйтэн өнгө аястай байв. Миний…

Шин Да Үн / Солонгос, Анян

Мутаред ч Бурханы хаанчлалыг байгуулсан нь

Дэлхийн өнцөг булан бүрд итгэхийн аргагүй хурдтайгаар Сион байгуулагдсан 2018 он. Зимбабве улсын Хараре Сионы гэр бүлүүд маань ч шинэ бүс нутагт сайн мэдээний атар эзэмшихээр бэлдлээ. Гэвч хүсэл тэмүүлэл дүүрэн боловсруулсан төлөвлөгөө маань эхнээсээ л бартаат замыг туулах хэрэгтэй боллоо. Богино хугацааны авралын зар тараая гэж сонгосон Мутаред тунхаглалынхаа хугацаанд байрлах газар олно гэдэг амаргүй ажил байлаа. Мутаред Сион байгуулахад минь туслахыг тасралтгүй залбиран гуйж, тохиромжтой газар хайсаар л байлаа. Тэгээд Мутаред амьдардаг нэг эгч дүүтэйгээ холбоо барив. ӨАБНУ-ын Дурбан Сионд үнэнийг хүлээн аваад, төрсөн нутаг Мутаред буцаж ирээд ажил хийж байсан эгч дүүгээс бид бүтэн жилийн турш сураг тасарсан байсан л даа. Хэдэн удаа холбогдох гэж оролдсон боловч түүнээс хариу байхгүй л байлаа. Гэвч бид Бурханд залбирсныхаа дараа…

Энос Мутазу / Зимбабве, Хараре

Чамайг сүүл болгохгүй, толгой болгоно

Австралид ирснээс хойш хэдийн 8 жил өнгөрчээ. Австралид анх ирж байх үедээ би үнэнийг хүлээн аваад хэдэн сар л болж байсан болохоор шинэ итгэгч байлаа. Тэнгэр Эцэг Эхийн хайр золиосыг мэдэх нь байтугай суурь үнэнийг ч олигтой мэддэггүй байлаа. Итгэмжтэй мундаг сайн мэдээний үйлчлэгч шиг гадаад сайн мэдээний үүргээр ч юм уу эсвэл төлөвлөөд гадаадад тунхаглах гээд ирсэн юм огт биш. Аделайд хотод 3 жил байх хоорондоо миний итгэл бага багаар өссөн гэх үү дээ. Библийн хичээл тасралтгүй үзэж, авралын зар тараах ажилд оролцонгоо сүнс маань аажим аажмаар өсөж байгааг мэдэрсэн. Сайн мэдээний үүрэг болон ерөөлийг ухаарсны дараа тэнгэр Эцэг Эхийнхээ хүлээж байгаа сүнсний ах дүү, эгч дүүсээ олж, Эцэг Эхдээ баяр хөөр өргөхсөн гэхээс үргэлж талархдаг болсон. Одоо би…

Чой Бён Ху / Австрали, Брисбен

Папуа Шинэ Гвинейд цуурайтсан сайн мэдээний ялалтын цуурай

600 орчим арал, 800 гаруй нутгийн уугуул хэл, нэр зүсийг нь үл мэдэх араатан амьтад, балар эртний ул мөрийг тэр хэвээр нь хадгалсан ширэнгэн ой, өвөрмөц өв соёл, биологийн төрөл зүйл байдаг орон бол миний төрсөн нутаг Папуа Шинэ Гвиней. Австралид амьдарч байхдаа үнэнийг хүлээн авчихаад хэн хүнээс илүү Бурханыг хайрладаг нутагтаа байгаа ар гэрийнхэндээ л нэн түрүүнд авралын ерөөл дамжуулах юмсан гэж хүссэн. Гэгэлзсэн сэтгэлээр Папуа Шинэ Гвиней рүү нисэж, үнэний үгийг тунхагласан боловч үр дүн нь урам хугармаар байв. Христэд итгэх итгэлээрээ барддаг шигээ тогтсон үзэл бодлынх нь хана ч тэр хэрээр зузаан байв. Харамсах сэтгэл тээсээр Сидней рүү буцахаас өөр аргагүй болсон юм. Цаг хугацаа өнгөрч сүнсээр бүрхэг харанхуй байсан Папуа Шинэ Гвинейд ч мөн итгэл найдварын…

Люсилл Рангири / Австрали, Сидней

Хатсан газрыг дэвтээх Эхийн хайр

Европ тивийн баруун хязгаарт орших Испани улсын газар нутагт Паул элч олон удаа тунхаглалаар явсан ч очиж чадаагүй байдаг. Паулын тэрхүү хүсэл тэмүүлэл дээр бид халуун сэтгэлээ нэмж, Испанийн Барселон хот руу тунхаглалын аян замд мордлоо. Явахаасаа өмнө итгэлээр бат шийдвэр гаргасан ч бодит байдлын хана харин өндөр байлаа. Нөхцөл байдал сайтай нийгмийн халамжийн тогтолцоонд дутах зүйлгүй амьдардаг испаничууд сүнсний ертөнц болон Бурханы тухайд ямар ч бодол эргэцүүлэл байхгүй нь илт байв. Нэг өдөр, хоёр өдөр, гурван өдөр... Бүтэн долоо хоног өнгөрчихөөд байхад Бурханы үгэнд анхаарлаа хандуулах хүнтэй бид таарсангүй. Мөн бид өөрсдөө ч аажмаар хүч тэнхээгүй болж эхлэв. Нэгэн гэр бүл харамссан сэтгэлээ нууж чадалгүй нулимс урсгав. Алс холыг харж, нулимсаа залгих эгч дүүг хараад, гав ганцаараа сайн мэдээ…

Ган Мин Жон / Солонгос, Дэгү

Боломж

Их сургуульд орсны дараа нэг хэсэг гэрээсээ сургууль хүртэл ирж очих гэж 4 цаг явдаг байв. Ядарсандаа ч сэтгэл дундуур байсан юм биш, гол нь зам зуур хамаг цагаа авчихаар сайн мэдээний ажилд анхаарах цаг хомс болдогт жаахан гонсгор байлаа. Цаашид энэ байдлаараа явцгүй санагдаж, тусдаа бие даан амьдрахаар шийдэв. Анх удаа бие даан амьдарч байгаадаа санаа зовж байсан ч Сионтой ойрхон болохоор байнга чуулганд сууж, хүсэж байсан залуучуудын сайн мэдээний үйл ажиллагаанд оролцож чадах болсондоо их баяртай байлаа. Гэвч бодоо ч үгүй байсан нэг урхи саад гарч ирэв. Бие эрүүл хэрнээ оюун санаа маань залхуу болов. “Ингэх гээгүй юмсан...” Аажмаар сүнс амьдруулах ажилд анхаарахаас илүү нүдэнд харагдах амьдрал, найз нөхөд зэрэгтээ илүү сонирхол татагдах боллоо. Ийм байдалдаа өөртөө дургүй…

Сон Ха На / Солонгос, Сөүл

Ерөөлийн мэдээ тунхаглах үзэсгэлэнтэй хөлийн алхаа

2017 онд бид Малайзад сайн мэдээний 300 хот байгуулахын төлөө сар бүр богино хугацааны тунхаглал өрнүүлж байгаа. Бурханы ерөөлийн боломжийг авахаар олон ах эгч дүү нар сайн дураараа явж, манай тунхаглалын баг сайн мэдээ огт тараагүй байсан Клуан руу явцгаасан юм. Атар газар хагалж, үнэнийг тараах үүрэг өгсөн Бурхандаа бид дахин дахин талархаж байлаа. Клуан нь Малайзын нийслэл Куала Лумпур хотоос дөрвөн цаг хагас яваад хүрэх газар. Бид таван өдөр 4 шөнийн богино хуваарь гаргаж явсан тул очингуутаа ачаагаа задалж, хүн ихтэй газар руу нь бушуухан явлаа. Клуаны хүмүүс энэ үеийн Аврагч Сүнс ба Сүйт бүсгүйн талаар огтхон ч сонсоогүй байв. Тэднийг үнэнд анхаарал тавин тэнгэр Эцэг Эх рүү хурдан ирээсэй гэж бид залбирцгаав. Өдөржин сайн мэдээ тараасан ч Бурханы…

Малайзын Клуанд хийсэн богино хугацааны тунхаглал

Японы өмнөд хязгаар хүртэл

Япон улс нь дөрвөн том арал бүхий үргэлжилсэн арлаас тогтдог бөгөөд эргэн тойронд нь тоо томшгүй олон жижиг арал байдаг. Тэр дөрвөн том арал дундаас Японы өмнө зүгт байдаг арал нь Кюшу арал юм. Кюшу арлаас онгоцоор хоёр цаг орчим өмнөд зах руу явбал Окинава гэж жижиг арал ч бий. Яг одоо нэг үйлчлэгч тэнд гэр сүм хариуцаж, хэдэн ах эгч дүү нар итгэлээ сахиж байгаа. Окинавад гэр сүм байгуулагдсанаас хойш багагүй хугацаа өнгөрч байгаа ч харамсалтай нь үнэнийг хүлээж авсан олон сүнс янз бүрийн итгэлийн шалгуур, урхи саадыг ялж чадалгүй унаж, тэр үйлчлэгчийн хүүхдүүд ч өөр нутаг руу шилжсэнээс болоод тийм ч олон итгэгч байгаагүй юм. Манай тэр үйлчлэгчид хэцүү л байсан баймаар. Гэвч тэрээр “Би ганцаардахгүй ээ. Эх…

У Сын Гвон / Япон, Осака

Шижир алтнаас илүү үнэ цэнэтэй сүнсийг хайх нь

Бурханы ивээлээр манай Кота Кинабалу Сион 2017 онд хамгийн анхны богино хугацааны тунхаглалаар явах ерөөл авлаа. Анхны аялал маань хоёрдугаар сард Папаранд, хоёр дахь маань Туаранд гуравдугаар сард болов. Папаранд гэдэг маань Сабагийн дүүргүүдийн нэг л дээ. Миний төрсөн нутаг болохоор хэдэн жилийн өмнө үнэнийг хүлээн авснаас хойшхи хамгийн том найдвар маань Папаранд тунхаглах байлаа. Тэнгэрийн хаанчлалын сайн мэдээ бүх үндэстэнд тунхаглагдана (Мат 24:14) гэж Библид зөгнөсөн ёсоор одоо зөгнөл биелэх цаг болж, намайг хамгийн ихээр баярлуулсан зүйл бол Бурхан намайг энэ богино хугацааны тунхаглалд оролцуулахаар сонгосон явдал юм. “Та нарын явах газар бүрд Сион байгуулагдана” гэсэн ерөөлийн үгээрээ тэнгэр Эх биднийг ерөөсөн юм. Эхийн эл үг биднийг сэргээн урам өгч, бид Ариун Сүнсээр дүүрэн байлаа. Манай богино хугацааны тунхаглалын…

Стеффи Акуилине Аделберт / Малайз, Кота Кинабалу

Тэвчээрийн үр жимс Чанад гарсан нь

Хүүхдүүдийнхээ төлөө өдөр шөнөгүй залбиран суугаа тэнгэр Эхийн ач ивээлээр Бопал Сион олон залуучуудтай байх ерөөл авсан газар. Гэрлэсэн ах эгч дүү нарын анхаарал халамжин доор бид зөвхөн авралын зар тараахад болон шинэ ах эгч дүү нарыг угтаж авахад л хамаг анхаарлаа хандуулдаг даа. Тиймээс бид бие биенээ нэн үнэлж хүндэлнэ. Авралын зар тараахаар цуглахдаа бид тэнгэр Эцэг Эхдээ сайн мэдээний ажил үүргийг биднээр гүйцэлдүүлж өгөөрэй гэж чин сэтгэлээсээ гуйсан юм. Эцэг Эх маань бидний залбирлыг сонсож, олон эрхэм нандин сүнсийг хайж олоход тусалсан. Тэдний дунд Сүшила гэж эгч дүү бий. Эхэндээ түүний хувьд тэнгэр Эхийг хүлээн авах амаргүй байсан ч “Харин дээр оршигч Иерусалим нь эрх чөлөөтэй, тэр бол бидний эх юм” гэсэн Галат 4:26 ишлэлийг уншаад үг дуугүй…

Шиванш Гупта / Энэтхэг, Бопал

Итгээд хийдэг хүнд өгөх ерөөл

Перу улсын Амазонас мужид байдаг 40 мянган хүн амтай Чачапояс хотод богино хугацааны тунхаглал хийх төлөвлөгөө гаргалаа. Сайн дураар тунхаглах хүсэлт гаргасан 38 гэр бүл дөрвөн баг болон, баг тус бүр 15 хоног тунхаглахаар болов. Авралын зар тарааж эхлэхийн өмнө бид тэнгэр Эцэг Эхийгээ бүрэн дүүрэн түшээд, үүргээ биелүүлэх тангараг өргөн, нэг сэтгэлээр Бурханаас тусламж эрэн залбиран гуйв. Тэгээд салбар сүмийн байр болгочихмоор гайгүй шиг барилга байшин, мөн авралын зар тараах тариан талбай хайхаар тунхаглалын багийнхнаас хэд хоногийн түрүүнд хоёр туслах зөнч явав. Том хот Лимад хүртэл том байшин сав олох гэж хоёр гурван сар болдог юм чинь алслагдсан хотод хэдэн өдрийн дотор гайгүй байр сав олох амаргүй л дээ. Харин бид гурван өдрийн дотор байраа олсон юм. Тэр өдөр…

Жорж Луиз Маза Кеведо / Перу, Лима

Сайн мэдээний үйлчлэгч олоод

Малайзын Кенингауд богино хугацаагаар сайн мэдээ тарааж эхлэхээс өмнө би олон ах эгч дүү нараа хайж олоод Сион байгуулагдахыг, тэнд сайн мэдээ цаашид ч тараагдахыг хүсэж байлаа. Тэнгэр Эх маань “Махан биеэр ч, сүнсээр ч эрүүл сайн мэдээний үйлчлэгч олоод, сүм байгуулаарай” гэж ерөөлийн үгээ айлдсан. Манай богино хугацааны тунхаглалын баг Эхийн үгийг биелүүлэх итгэл найдвар өвөрлөн, Малайзын зүүн хэсэгт оршдог Кенингау хотыг зорилоо. Куала Лумпураас Кенингау руу шууд нислэг байгаагүй тул бид Кота Кинабалу руу нисэж, тэндээсээ Кенингау хүртэл машинаар 100км орчим явах хэрэгтэй болсон юм. Мурий сарий, эгц цавчим уулын замаар 3 цаг гаруй явах зуураа бид олон Католик сүм байгааг харлаа. Тэдний зарим нь сүмийнхээ барилгын хажууд аварга том загалмайтай харагдана. Хурдхан шиг л тэнгэр Эцэг Эхийг…

Майкл Тан / Малайз, Куала Лумпур

​Бидний явсан газар бол эхлэл цэг

Би өмнө нь богино хугацааны тунхаглалаар явсан газар руугаа урт хугацааны тунхаглалаар явсан юм. Өмнө очихдоо Сион руу хөтөлсөн гэр бүлүүдээ харж хандаад их завгүй байлаа. Хуучин дурсамжаа санах цаг ч гарсангүй. Сайн мэдээний зорилго маань зөвхөн үр жимсний тоо нэмэх байсан болохоор би дотроо их ичиж байв. Тэгээд сайн мэдээний ажлыг авч явах сайн мэдээний үйлчлэгч олж, тэнгэр Эцэг Эхийгээ баярлуулъя гэсэн шийдвэрээр өдөр бүр сайн мэдээний талбай руугаа цаг гаруй алхаж хүрдэг байлаа. Ах эгч дүү нар маань тэнд сайн мэдээ ёстой уйгагүй тараасан болохоор ихэнх хүн Амралтын өдөр болон Алгасал баярын талаар хэдийн сонсчихсон байлаа. Харин тэд авралын мессежийг хоёр дахь удаагаа сонсохыг хүсэхгүй байсан болохоор би бараг 2 долоо хоног Библиэр авралын зар тарааж чадсангүй. Аажимдаа…

Чой Сү Хён / Солонгос, Сөүл

Зүүн Европын цэвдэг газар нэгдмэл байдлын цэцэгс дэлгэрнэ

2019 оны эхээр Эх биднийг “Та нар нэгдэх л юм бол Европын сайн мэдээ сайн болно” гэсэн үгээрээ ерөөсөн юм. Одоо тэр жил нь өнгөрлөө. Зүүн Европт Эхийн үг яг айлдсан ёсоор нь биелж байна уу гэлтэй. Өнгөрсөн хавар би Солонгост зөнчийн үүрэг хашиж байгаад Зүүн Европт байдаг Чех улс руу ирсэн юм. Европын сайн мэдээний хана тэр үед асар өндөр санагдаж билээ. Бурханы үгийг сурах гэхийн оронд өөрсдийнхөө мэдлэг, үзэл бодлоор бидэнтэй маргалдахыг хичээж байгаа хүмүүсийг хараад миний сэтгэл өвдөж, нөгөөтэйгүүр маш их талархаж, бас сүмээ авч явах гэж Чехэд удаан хугацаанд байсан солонгос гэр бүлүүдээ мөн сайн мэдээний төлөө хичээнгүйлэн зүтгэх чех гэр бүлүүдээ өрөвдөн хоолой зангирч билээ. “Тэдэндээ яаж урам хүч өгье дөө, байз. Тэнгэрийн гэр бүлээ…

Паг Сон Хён / Чех, Прага

Хоёр дахь боломж

Дунд сургуульд байхдаа аав ээжтэйгээ цуг Энэтхэг улсад анх удаа хөл тавьж байсан тэр өдрийг би одоо ч тодхон санадаг юм. Амьдралдаа анх удаа онгоцоор ниснэ гэхээс догдолж байсан ч Тамил Наду мужийн төвд орших Тиручираппалли хот миний хувьд цоо шинэ ертөнц байв. Амьсгал боогдом халуун нь ч шинэ зүйл байсан юм. Балчир хүүхэд байхдаа “Манайх зүгээр л Солонгос руугаа буцаад явчихаж болох биш үү?” гэж бодож байсан төдийгүй чулуун шалан дээр хөл минь өвдөж, хаанаас ч юм өдий төдийгөөрөө гараад ирдэг гүрвэлээс би байдгаараа айдаг байлаа. Нэг захаас нь нөгөө зах хүртэл нэг цаг ч явдаггүй жижигхэн хот байсан болохоор түргэн хоолны газар гээд байх юм бараг байдаггүй байж билээ. Намайг тэндхийн амьдралын хэв маягт дасан зохицоход Сионы гэр…

И Жүн Гон / Энэтхэг, TN Ченнай

Латехарыг үнэний гэрлээр гэрэлтүүлэх сайн мэдээний үйлчлэгчид

Ерөөл их аваарай. Елохист сэтгүүлээрээ дамжуулан Латехарын ах эгч дүү нарынхаа тухай ивээлтэй мэдээг хуваалцах гэж байгаадаа Бурхандаа талархал өргөмөөр байна. Латехар бол миний харьяалагддаг Ранчи Сионоос зуун километрийн зайд оршдог. Латехар дахь бүх хүнд авралын үнэнийг тунхаглах зорилготой сайн мэдээний ажлыг манлайлж байдаг ах дүү, эгч дүү нар энд байдаг юм. Латехар хотод үнэний гэрэл анх удаа гэрэлтсэнээс хойш нэг жил ч болоогүй байгаа л даа. 2020 оны 3 сард өөр бүс нутагт амьдардаг Волтер ах дүү дөнгөж шинэ ажилд орсон хүүдээ байр хайж Латехарт очсон тэр үеэс тэндхийн сайн мэдээ эхэлсэн юм. Ах дүүг тэнд байхад нь коронавирусын цар тахлаас болж хөл хорио тогтож, тэрээр тэндээ гацсан юм. Гэсэн хэдий ч тэрээр Бурханы хүсэл байж таараа гэж бодоод…

Гвон Сэ Жун / Энэтхэг, JH Ранчи

​Өөрчлөлтийн хүч

Саяхан нэг шинэ эгч дүү маань охин дүүгээ Бурхан руу хөтлөх ерөөл авсан юм. Тэрээр Бурханы үгэнд их дуртай. Цаг зав гарах л юм бол ажлаасаа тараад ядарсан байсан ч хамаагүй Библи сурах гээд Сион руу ирж, гэртээ очоод гэрийнхэндээ Бурханы үг дамжуулдаг байлаа. Тэгээд ээжийгээ хөтлөв. Харин корона вирусын улмаас хорио цээрийн дэглэм хэрэгжиж, тэрээр Сиондоо ирж Библи сурч, мөргөл сахиж чадахаа болив. Эгч дүү их харамсаж, урамгүй байлаа. Хамгийн муу нь тэрээр санхүүгийн бэрхшээлтэй тулгарч, хүндхэн үе тохиов. Тэгсэн ч тэрээр хүнд цагт нь Бурхан тусалсаар байгаад байнга талархан, итгэлээ алдсангүй. Ийм хүнд үедээ тэрээр Бурханд бүр ч итгэмжтэй байсан тул Бурхан түүнд дүүг нь сайн мэдээний үр жимс болгон өгсөн юм. Үнэндээ дүү нь эхэндээ эгчийгээ гэрийнхээ…

Лим Чиа Ки / Малайз, Куала Лумпур

​Майхан баярын Ариун Сүнсээр

Хэдэн жилийн өмнө эхнэр маань ажлын шаардлагаар таньдаг болсон нэгэн хэвлэлийн компанийн захирлыг “Бидний Эх” шүлэг зургийн үзэсгэлэнд урьсан юм. Тэрээр бидэнд Бурханы сүмийг мэднэ гээд, үзэсгэлэн үзээд сэтгэл нь их хөдөлж Библи сурлаа. Тэгтэл энэ хүн Бурханыг үнэхээр хайж байсан хүн болж таарав. Тэрээр залуудаа гэрт нь орж ирсэн дээрэмчинтэй тулалдаж байгаад хүнд бэртэж, тухайн үедээ бараг үхэх шахсан байжээ. Тэр цагаас хойш Бурханыг болон үхсэний дараах амьдралыг тэрээр сонирхох болж, өөр олон сүмд явсан байв. Гэвч алинд нь ч итгэл төрөөгүй гэнэ. Тэгж байтал Бурханы сүмд үнэн байгаа юм шиг түүнд санагдаж, Библи судалсаар байсан аж. Бага багаар итгэлтэй болж байсан ч санаанд оромгүй юм болж гэрийнхэн нь түүнийг эсэргүүцжээ. Тэгээд Бурхан руу ирэх эсэхдээ эргэлзэх болж. Тэр…

И Жон Хён / Солонгос, Инчон

Анх уулзсан мөчөөс хойш

Хэдэн сарын өмнө би Токиод байдаг найзаараа дамжуулан Кана гэдэг нэг эмэгтэйтэй уулзсан юм. Яг найзын маань хэлсэн ёсоор бид сайхан нөхөрлөж, анх уулзсан мөчөөс хойш л бид хоёр санаа нийлж байсан л даа. Байн байн уулзаж чадахгүй байсан ч утсаар ярилцан, яг нэг гэр бүл шиг л ойр дотно байлаа. Ийм үзэсгэлэнтэй даруухан сэтгэлтэй байсан болохоор нь түүнийг Бурханы хүүхэд байх гэж би бат итгэж, түүнтэй хамт тэнгэрийн хаанчлал явахыг хүсэж, хоорондоо ярилцах болгондоо түүний сүнс Бурханыг хайж байгааг нь мэдэрсэн юм. Алгасал баярын өмнөхөн Бурханы золиос хайрыг би түүнд дамжуулъя гэж шийдлээ. Тэгээд Бурханаас ерөөл гуйн залбирч, Токиод хамт хоолонд орохоор түүнтэй цаг товлов. Ажлынх нь хүн ч бас хамт ирлээ. Хооллож дуусаад харихаар галт тэрэг хүлээж байх…

Оба Мики / Япон, Осака

Ерөөлийн давалгаа давалгаалсан сайн мэдээний далайг чиглэн

Панамын суваг гэдгээрээ алдартай Панамын Бүгд Найрамдах Улс бол миний хувьд анхны богино хугацааны тунхаглалын дурсамж ихтэй орон. Хэдийгээр цаг хугацааны тухайд богино хугацаа байсан ч би гадаад ах эгч дүү нартайгаа хамт өдөржин авралын зар тарааж, Эхийн хайрыг хуваалцсан үнэхээр аз жаргалтай мөч байсан юм. Надад жаахан эвгүй санагддаг нэг зүйл байсан нь би испани хэлдээ тааруугаас болоод, Библийн үгийг ч тодорхой тайлбарлаж чадахгүйгээс болоод нутгийн ах эгч дүү нараасаа их тусламж авч байсан явдал. Ийм учраас би анхны богино хугацааны тунхаглалаас хоёр жил өнгөрсний дараа дахиад богино хугацааны тунхаглалаар явахдаа Панам улсыг сонгосон юм. Үнэнийг зоригтой тунхаглаж, өмнө авсан хайраа хоёр дахин нэмж хуваалцахаар шийдлээ. Явахаасаа өмнө би Библи сурч, испани хэл их үзсэн. “Гадаад хэл дээр Библийн…

У Жи Ён / Солонгос, Инчон