भाषा चयन गर्नुहोस् ।
७ अरब मानव-जातिलाई प्रचार गर्नको निम्ति पाइला चाल्दै, विदेश प्रचारको तयारी गरिरहेका सन्तहरूका निम्ति एउटा कार्यक्रमको आयोजना गरियो । त्यो नै मे २६ तारिखमा कोरियाको ओग्छन गो एन्ड कम प्रशिक्षण प्रतिष्ठानमा आयोजना गरिएको १६औँ विदेशी भाषा बाइबल प्रस्तुति प्रतियोगिता थियो । यो दिन विश्व सुसमाचारको ठूलो इच्छा राखेका पादरी कर्मचारीहरू, प्रचारकहरू गरेर ६,००० जना कोरियाली सन्तहरू र ७४औँ विदेश भ्रमण टोली सन्तहरू कोरियाको ओग्छन गो एन्ड कम प्रशिक्षण प्रतिष्ठानमा भेला भए ।
कार्यक्रमको पहिलो चरणमा गरिएको आराधनामा माताले “विश्वास लिएर अगमवाणीसँगै पाइला चाल्नेहरू परमेश्वरलाई प्रसन्न तुल्याउने नयाँ करारका कामदारहरू हुन्” भन्नुभयो । माताले, सन्तानहरू सबैले संसारलाई नै चकित पार्ने ठूलो विश्वासद्वारा परमेश्वरको महिमा प्रकट गर्न सकून् भनी प्रार्थना गरिदिनुभयो । अनि “बाइबलमा लेखिएको अगमवाणीलाई पढ्ने र सुन्ने मात्र होइनकि पालन गर्नेहरू नै आशिषितहरू हुन्” भनी बोध गराइदिनुभयो । उहाँले “बाइबलमा लेखिएअनुसार सारा जातिलाई प्रचार गर्नको निम्ति विश्वासको साथै भाषा पनि उत्तिकै महत्त्वपूर्ण हुन्छ । अगमवाणीलाई विश्वास गरेर विदेशी भाषा तयारी गर्नुभएकोले सुरुको मण्डलीको समयमा जस्तै पवित्र आत्माको शक्ति धारण गरेर सारा संसारमा सुसमाचार फैलाउनमा अग्रसर हुनुहोस्” भन्नुहुँदै सहभागीहरूलाई प्रोत्साहन दिनुभयो (प्रका १:३; मर्क १६:१५-१६; मत्ती २८:१८-२०; मत्ती २४:१३-१४; व्य २८:१-६, १३) ।
महासचिव पास्टर गिम जु छलले सन्तहरूको स्थिर रुचि र सहभागितासँगै विदेशी भाषामा बाइबल प्रस्तुति प्रतियोगिता १६औँ पल्टसम्म आयोजना गर्ने गराइदिनुभएका परमेश्वरलाई धन्यवाद चढाउनुभयो । उहाँले सबै सहभागीहरूले, परमेश्वरले दिनुभएको भाषाको दक्षतालाई पत्रुसको जस्तै विश्वास र पावलको जस्तै जोश लिएर आत्मा बचाउने एकदमै बहुमूल्य कार्यमा प्रयोग गर्न सकून् भन्ने इच्छा व्यक्त गर्नुभयो ।
माताले गर्नुभएको उद्घाटनसँगै कार्यक्रमको दोस्रो चरण आरम्भ भयो । त्यहाँको माहोल एकदमै जोशले भरिएको थियो । सेतो कपाल फुलेका पुरुषदेखि लिएर विद्यार्थी, सबै जना फरक-फरक उमेर समूहका भए पनि प्रस्तुतिप्रति सबै एकदमै उत्साहित बनेका थिए । सहभागीहरूलाई २४९ वटा समूहमा विभाजन गरिएको थियो । उनीहरूले स्पेनी, पुर्तगाली, रुसी, हिन्दी, मङ्गोलियाली गरेर २६ वटा भाषाहरूमा जोशका साथ सत्यता प्रस्तुति गरे । यस पटक बङ्गाली, क्यान्टोनिज, खमेर(क्याम्बोडियाली) जस्तो बुझ्न गाह्रो हुने भाषामा सहभागी हुने सन्तहरूको सङ्ख्या पनि बढेको थियो, जसले प्रत्येक सहर र महादेशमा जीवनको आशिषित खबर सुनाउने उनीहरूको उत्कण्ठित इच्छालाई दर्शाएको थियो ।
विदेशका सन्तहरूले आफ्नो मातृभाषाको समूहमा सहभागी भएर उदाहरणीय प्रस्तुति दिँदै कोरियाली सहभागीहरूको सत्यता प्रस्तुति पनि सुने । हङ्गेरीको बुडापेस्टबाट आएका ब्रदर गर्जलीले भने “हङ्गेरियाली भाषाचाहिँ कठिन उच्चारण र व्याकरणको कारणले सिक्न त्यति सजिलो नभए तापनि हङ्गेरिवासीझैँ गरेर प्रस्तुति तयार गरेका कोरियाली सन्तहरूलाई देखेर म एकदमै प्रभावित भएँ ।” मेक्सिकोको क्वेरेटरोकी सिस्टर इजेलले “२६ वटा भाषाहरूमा प्रतिस्पर्धा हुनु आफैमा ठूलो कुरा हो । म आफ्नो देशमा फर्केर गएँ भने कोरियाली सन्तहरूले जस्तै सारा शक्ति लगाएर सुसमाचार प्रचार गर्नेछु” भन्दै आफ्नो दृढ इच्छा जाहेर गरिन् ।
मुख्य हलमा प्रतिस्पर्धा जोडका साथ अगि बढिरहँदा, महासचिव पास्टर गिम जु छलले भाषा प्रशिक्षणमा सहभागी भएका सन्तहरूको निम्ति विशेष वक्तव्य दिनुभयो । उहाँले “सबै कुरा सोचाइको परिणाम हो । यदि सुसमाचारको निश्चित उद्देश्य लिएर प्रयास गरिरहनुभयो भने पवित्र आत्माको शक्ति धारण गरी त्यो उद्देश्य हासिल गर्न सक्नुहुनेछ” भन्नुभएर सहभागीहरूको मनमा आत्मविश्वास रोपिदिनुभयो ।
यस पटकको प्रतिस्पर्धामा ६० जना सहभागीहरू पुरस्कृत भए । पुरस्कृतहरूलाई माताले प्रमाण-पत्र दिनुभएर हात मिलाउनुभई बधाई दिनुभयो । फिलिपिन्समा सुसमाचार प्रचार गर्दा आफ्नो भाषा दक्षताको कमजोरी महसुस गरेर हरेक दिन आँसुद्वारा प्रार्थना गरेका ब्रदर यु जङ सु(छुन्छन, अङ्ग्रेजी भाषाका विजेता)ले भने, “मैले आफूमा भन्दा पनि पिता-मातामा भरोसा गर्दा शक्ति पाएको महसुस भयो । अब म घमण्डी नभई, सधैँ परमेश्वरको शक्तिको निम्ति बिन्ती गर्नेछु, र मलाई दिइएको यो सुसमाचारको मिसन पूरा गर्नेछु ।” विश्वविद्यालयमा जापानी भाषामा मेजर गरेकी सिस्टर सोङ जि ए(बुछन, जापानी भाषाकी विजेता)ले “सत्यतालाई विकृत नगर्नको निम्ति मैले व्याकरण एकदमै ध्यान दिएर सिकें । मलाई अझ प्रोत्साहन दिनको निम्ति परमेश्वरले यो पुरस्कार प्रदान गर्नुभएको हो भनी विश्वास गर्दछु । यसकारण राम्ररी तयारी गरेर, धेरै विपत्ति झर्ने जापानमा पनि विपत्तिबाट पार गराउने निस्तार-चाडको मार्ग निश्चय नै सुनाउनेछु ।”
प्रतिस्पर्धाको अन्तमा माताले “पिताको सुसमाचारको जीवनलाई पछ्याउने मनद्वारा परिश्रमसाथ तयारी गरिदिनुभएकोमा धन्यवाद । पिताले ‘मेरा भेडाहरूले मेरो सोर सुन्छन्’ भन्नुभएकोले भेटेजति सबैलाई आत्मविश्वाससाथ सत्यता सुनाउनुहोस्” भन्नुभएर समर्थन गरिदिनुभयो । सुसमाचारको भिजनलाई निश्चित गरेर साहस बटुलेका सहभागीहरूको आँखामा ७ अरब मानव-जातिलाई चाँडै नै मुक्तिको सन्देश सुनाउने सङ्कल्प चम्किरहेको थियो ।
