गीतमा मानिसहरूलाई एकीकृत गर्ने शक्ति रहेको हुन्छ । धुन र ताल मिलाएर सबैले सँगै गीत गाएमा एक-अर्कामा आत्मीयता बढ्छ । खेलकुद समर्थकहरू तथा परेड गर्ने सेनाहरू एकसाथ गीत गाउँदै एकै मनका हुन्छन् । खेलकुद रङ्गशालामा हौसलाको गीत हुन्छ, अनि सैन्य क्षेत्रमा सेनाहरूको गीत हुन्छ ।
योजस्तै, परिवारमा पनि ‘पारिवारिक गीत’ बनाउँदा कसो होला ? सुख-दुःखमा यहाँहरूको अमूल्य परिवार सधैँ साथमा रहन्छ । पारिवारिक गीत त्यति सिद्ध नभए तापनि त्यसमा ठूलो शक्ति रहेको हुन्छ । त्यसमा समाविष्ट प्रेम र विचारशीलताले एक-अर्काको निम्ति असीम ऊर्जा प्रवाह गर्छ ।
यो महिनामा आफ्नो परिवारसँगै पारिवारिक गीत रचना गरिहेर्नुहोस् । गीतको धुनसँगै यहाँहरूको परिवारमा खुशी पोखिनेछ ।
- सुझाव
- पारिवारिक गीत यसरी रचना गर्ने :
- परिवारको परिचय दिने विषयहरू समावेश गरेर गीतको बोल तयार गर्ने
- गीतमा पारिवारिक कहानी र स्मृति समावेश गर्ने
- बनिसकेका बाल-गीत लगायतका गीतहरूको बोल परिवर्तन गर्ने अथवा परिवारसँगै गीतको धुन सृजना गर्ने
- अवस्थाअनुसारका गीतहरू रचना गरेर सोहीअनुसार गाउने (बिहान उठ्दा गाउने गीत, घर फर्किने सदस्यहरूका निम्ति गीत, धन्यवादको गीत, माफी माग्दा गाउने गीत, खाना खाँदा गाउने गीत, जीवनका नियमहरूसम्बन्धी गीत इत्यादि)
- पारिवारिक गीतलाई यसरी प्रयोग गर्ने :
- पारिवारिक गीतको बोलअनुसार हाउभाउ गर्दै नाच्ने
- घरमा कुनै वाद्यवादन छ भने त्यसलाई प्रयोग गरिहेर्ने
- घरबाट टाढा रहेको परिवारका सदस्यहरूको निम्ति गीत गाएर रेकर्ड गरी पठाउने अथवा भिडियो कल गरेर गीत गाइदिने
- बिहान उठ्नको निम्ति अलार्ममा गीत सेट गर्ने
- सुत्न जानुअघि परिवारसँगै गीत गाउने