भाषा चयन गर्नुहोस् ।
मध्य ग्रीष्ममा तातिएको जुलाई १२ तारिख, त्योभन्दा अझ तातो जोशद्वारा सत्यता अध्ययन गर्ने विदेशका विश्वविद्यालय विद्यार्थीहरू लगायत कोरियाको राजधानी क्षेत्रका युवाहरूसहित २,२०० जनाभन्दा बढीले ‘सन् २०१९ Arise & Shine विश्वविद्यालय विद्यार्थी अन्तर्राष्ट्रिय बाइबल गोष्ठी’मा सहभागिता जनाए । कोरियाको नयाँ यरूशलेम फान्ग्यो मन्दिरमा आयोजित उक्त गोष्ठीमा न्यूजिल्यान्ड, यूक्रेन, संयुक्त राज्य अमेरिका, फिनल्यान्ड, मेक्सिको, मोजाम्बिक, भारत र चिलीबाट आएका ९ जना विश्वविद्यालय विद्यार्थीहरूले प्रस्तुति दिए ।
महासचिव पास्टर गिम जु छलले उद्घाटन समारोहमार्फत “एक कदमअगि देख्न नसकिने अनिश्चित आज र भोलिको दिन जिइरहेका ७ अरब मानव-जातिमाझ, एलोहिम परमेश्वरको शिक्षा पहिला ग्रहण गरेर आत्माको विगत, वर्तमान र भविष्यको बारेमा निश्चित उत्तर पाएका हामीहरू उठेर(Arise) सत्यताको ज्योति चम्काऔं(Shine)” भनेर जोड दिनुभयो (यशै ६०:१) ।
प्रस्तोताहरूले गणित, लेखा, सामाजिक विज्ञान जस्ता प्रमुख विषयहरूको आधारमा ‘सबैभन्दा नयाँ नाउँ,’ ‘दर्शक र पहिलो पेङ्ग्वीन,’ ‘मधुकोषमा रहेको परमेश्वरको प्रबन्ध,’ ‘भीडको पक्ष कि सत्यताको पक्ष’ इत्यादि शीर्षकमा प्रस्तुति दिँदै बाइबलभित्रको एलोहिम परमेश्वरको अस्तित्वलाई स्पष्टसँग वर्णन गरे । अनि परीक्षण, तथ्याङ्क, भिडियो र ऐतिहासिक उदाहरण लगायत विभिन्न तरिकाहरू प्रयोग गरेर उनीहरूले बाइबलका शिक्षाहरूबारे वर्णन गर्दै एक बुद्धिजीवी र ख्रीष्टियानको रूपमा नैतिक चेतना र जिम्मेवारीको भाव लिन प्रेरित गराए ।
“मानिस होस् या त कम्पनी, प्रत्येकको नाउँमा ठूलो प्रभाव रहेको हुन्छ । हाम्रो आत्माको जीवनसँग सम्बन्धित मुक्तिदाताको नाउँ अझ महत्त्वपूर्ण छ, अनि त्यो नाउँ केवल बाइबलले जानकारी दिन सक्छ । बाइबलमार्फत पहिला मुक्तिदातालाई ग्रहण गरेका हामीहरूले मुक्तिदाताको नाउँ सारा संसारमा सुनाउने मिसन पाएका छौं ।” इलोना एलिसा इन्केरी स्वोमिनेन, सामाजिक विज्ञान सङ्कायकी विद्यार्थी / हेल्सिङ्की विश्वविद्यालय, फिनल्यान्ड
“ठूलो ऋण र ब्याज भएको ऋणीलाई मुक्त गराउने ‘ऋण रद्दीकरण प्रणाली’ बाइबलमा पनि देखा परेको छ । त्यो नै पापले गर्दा अनन्त मृत्युको जोखिममा परेका आत्मिक पापीहरूलाई बचाउन परमेश्वरले आफ्नो जीवन नै बलिदान गर्नुभएर स्थापना गर्नुभएको नयाँ करारको व्यवस्था हो । प्रेम हुनुभएका परमेश्वरले हामीलाई विनादाम मुक्ति दिनुभएजस्तै, हामी पनि ७ अरब मानव-जातिलाई पाप-क्षमाको बाटोमा डोऱ्याऔं ।” एलियास आमेरिको मासिकाम, लेखा सङ्कायका विद्यार्थी / यूनिभर्सिडेड पोलिटेक्निका, मोजाम्बिक
प्रस्तोताहरूले सही तर्क र विश्वस्त सोरमा प्रस्तुति समाप्त गर्दैपिच्छे दर्शकहरूको ताली र प्रोत्साहनको आवाज गुञ्जियो । बिदाको दौरान गोष्ठीमा सहभागी भएका ब्रदर मुन सङ मिन(अङ्ग्रेजी शिक्षा सङ्कायका विद्यार्थी / होङइग विश्वविद्यालय, कोरिया)ले “बाइबलले परमेश्वरको अस्तित्व मात्र जानकारी दिने होइन, तर जीवनको लागि आवश्यक पर्ने पाठ पनि सिकाउँछ । मेरो एउटा सपनाचाहिँ शिक्षक बन्नु हो । विद्यार्थीहरूले किशोरावस्थालाई सुरक्षितसाथ पार गर्न सक्ने गरी उनीहरूलाई जीवनको सही दिशामा मार्गनिर्देश गर्ने शिक्षक बन्न चाहन्छु” भने ।
