भाषा चयन गर्नुहोस् ।
संयुक्त राज्य अमेरिकाको IL सिकागो मण्डलीमा ‘परिवार कृतज्ञता दिवस’ कार्यक्रम
परिवारलाई व्यक्त गरेको भित्री मन, प्रेरणाद्वारा प्रसार हुँदै
संयुक्त राज्य अमेरिका
मार्च १७ तारिख, संयुक्त राज्य अमेरिकाको IL सिकागो मण्डलीमा ‘परिवार कृतज्ञता दिवस’ कार्यक्रमको आयोजना गरियो । व्यस्त कार्यतालिकाले गर्दा परिवारजन अथवा साथीहरूसित सामान्यतया व्यक्त गर्न नसकेको प्रेम, कृतज्ञता र क्षमायाचनालाई व्यक्त गर्नको निम्ति सन्तहरू आफैले यो कार्यक्रमको तयारी गरेका हुन् ।
कार्यक्रममा आमन्त्रित १०० जनाभन्दा बढी परिवारजन, कार्यक्रमस्थलको एक कुनामा प्रदर्शन गरिएका तस्वीरहरू अवलोकन गर्दै निरन्तर हाँसे । यस कार्यक्रममा बालकहरूले एकताबद्ध भएर प्रस्तुत गरेका मनोरम नृत्य र गीतले दर्शक वृन्दको मनमा उत्साह जगाइदियो ।
कार्यक्रमको मुख्य आकर्षणचाहिँ भिडियो पत्र थियो । “अहिलेसम्म मलाई हुर्काउन तपाईंले कति धेरै परिश्रम गर्नुभयो भन्ने मलाई राम्ररी थाहा छ,” “म सानो छँदा बुबाले काम मात्र गर्नुभएको चाहिँ परिवारको निम्ति रहेछ भन्ने थाहा थिएन । माफ गर्नुहोस्,” “आमा, तपाईं संसारको सबैभन्दा उत्कृष्ट आमा हुनुहुन्छ,” “दाइ, मेरो साथमा रहनुभई सधैँ मलाई मार्गदर्शन गरिदिनुभएकोमा धन्यवाद” … भिडियो पत्रमा देखा परेका छोरा-छोरी, पति-पत्नी, दाजुभाइ-दिदीबहिनीहरूको आँसु र सारा मन समाविष्ट अभिव्यक्ति देखेर दर्शकहरूले आँसु थाम्न सकेनन् । भिडियो पत्र समाप्त भएपछि परिवारहरू “धन्यवाद, माफ गर्नुहोस्” भन्न मञ्चमा गए, अनि उनीहरूले आफ्नो पारिवारिक बन्धनलाई अझ दह्रिलो बनाए । सिस्टर क्रिस्टिनाका बुबा रेइसनजीले सो दिनको कार्यक्रमलाई ‘एकदमै विशेष उपहार’ भने ।
कार्यक्रमका सञ्चालक पास्टर गिम ग्यङ ह्वानले “संयुक्त राज्य अमेरिकामा प्रायः १८ वर्ष पुगेपछि घरबाट निस्केर स्वतन्त्र रूपले पढाइ र रोजगारतिर लागिने हुँदा घरपरिवारसँगको भेटघाट फितलो हुने गर्छ । सन्तहरूले परमेश्वरबाट पाएको प्रेमलाई कार्यान्वयन गर्दै पारिवारिक सम्बन्ध अझ दह्रिलो बनाउने यस्ता कार्यक्रम तथा प्रशिक्षणहरू आगामी दिनमा पनि निरन्तर सञ्चालन गर्नेछौं” भने ।