सहानुभूतिपूर्ण अस्वीकृति पत्र
अहिलेको यो प्रतिस्पर्धात्मक समयमा जागिर खोज्नेहरूले जागिर पाउनका लागि कडा प्रतिस्पर्धा गर्नुपर्छ । जागिरको परीक्षामा पटक-पटक फेल हुँदा वा अन्तर्वार्तामा लगातार अस्वीकृत हुँदा मानिस निराश हुन्छ र उसको आत्मविश्वास र जोश पनि घट्दैजान्छ । त्यसमाथि धेरैजसो कम्पनीहरूले फेल भएकाहरूलाई खबरै गर्दैनन्, जसले गर्दा समय र मिहिनेत खर्च गरेर परीक्षा दिएका उम्मेदवारहरूलाई निकै अन्योल र छटपटी महसुस हुन्छ ।
त्यस्तो निराशाजनक अवस्थाका बीच, एउटा कम्पनीले पठाएको सहानुभूतिपूर्ण अस्वीकृति पत्र अहिले चर्चाको विषय बनेको छ । कतिपय कम्पनीहरूले “तपाईंमा क्षमता नभएर होइन, बरु धेरै मानिसलाई लिन नसक्नु कम्पनीको कमजोरी हो” भन्दै सान्त्वना दिने गर्छन् । कतिपयले त “म आफैँ पनि जागिर खोज्दा धेरै पटक असफल भएको थिएँ” भन्दै आफ्नो अनुभव बाँडेर उम्मेदवारको भविष्यका लागि शुभकामना दिँदै लामो चिठी समेत लेख्ने गर्छन् । फेरि, कतिपय कम्पनीहरूले चाहिँ उम्मेदवार किन छानिएनन् र अबका दिनमा के कुरा सुधार्नुपर्छ भनेर स्पष्टसँग बताइदिन्छन्, जसले गर्दा उनीहरूलाई अर्को पटक जागिर पाउन सजिलो हुन्छ ।
आफूले चाहेको कम्पनीबाट ‘फेल’ भएको खबर सुन्दा जो कोहीको पनि जोश-जाँगर हराउँछ । तर यदि कसैले उक्त व्यक्तिको भावना बुझेर मिठो बोली र मायाका साथ हौसला दियो भने, फेरि एकपटक कोसिस गर्ने साहस र हिम्मत आफैँ पलाएर आउँछ ।
