विगतका दिनहरूमा, कोरियामा हरेक बिहान छोरा-छोरीले आफ्ना बुबा-आमालाई अभिवादन गर्नु शिष्टाचार थियो । उनीहरूले हातमुख धोएर सफा लुगा लगाएपछि बुबा-आमाकहाँ गएर अभिवादन गर्थे । त्यसपछि उहाँहरूको ओछ्यान मिलाइदिने अथवा हातमुख धुनलाई पानी लगिदिने गर्थे ।
अहिलेको व्यस्त आधुनिक समाजमा यस्तो चलन हराएको त धेरै भइसक्यो, तर अभिवादनको महत्त्व भने बद्लिएको छैन । किनकि यो नै एक-अर्कासित स्वास्थ्य लाभको कामना गर्दै प्रेम र परवाह अभिव्यक्त गर्ने तरिका हो ।
यो महिनाचाहिँ बिहान उठेपछि आफ्ना परिवारलाई खुशीसाथ अभिवादन गर्दा कसो होला ?
“राम्ररी सुत्नुभयो ?,” “राम्ररी सुत्यौ ?,” “शुभ प्रभात !”
यसरी मुस्काउँदै बिहानीपख अभिवादन गर्दा खुशीसाथ एक दिनको शुभारम्भ गर्न सकिन्छ । शुभ बिहानीको अभिवादनसँगै हर्षपूर्ण एक दिनको निम्ति तयारी गरौं !
- सुझाव
- बिहान आफ्नो परिवारलाई अभिवादन गर्न अलि चाँडो उठ्ने
- आफ्नो मनलाई खुशी र धन्यवादले भरेर अभिवादन गर्ने
- आँखामा आँखा मिलाएर मुस्काउँदै ठूलो सोरले अभिवादन गर्ने
- आदतको रूपमा होइनकि प्रेम र सहृदयले अभिवादन गर्ने
- अभिवादनसँगै अँगालो हाल्ने, हाइ फाइब गर्ने, मालिश गरिदिने, हातले पान आकार बनाउने जस्ता गतिविधिहरू गर्दै हौसला दिने
- अभिवादन गरेपछि मौसम, स्वास्थ्य अथवा बिहानी नास्ता इत्यादिबारे कुराकानी गर्ने
- यदि परिवारबाट टाढा बस्नुहुन्छ भने मोबाइल सन्देश अथवा फोन कलद्वारा अभिवादन गर्ने