ट्यूसन शुल्कको मापदण्ड
लेख सुन्नुहोस्
2:10
बोल्नमा सिपालु एक जना युवक, लिडरसिपबारे तालिम लिनका लागि एक जना प्रसिद्ध प्रवक्ताकहाँ गए । ती युवकले परिचय दिँदै आफ्नो विषयमा भरपुर बखान गरे । युवकले आफ्नो कुरा नसकाउञ्जेल ती प्रवक्ताले शान्त भएर उनको कुरा सुनिरहे । कुरा सकिएपछि ती प्रवक्ताले एउटा शर्त राखेछन् ।
“तपाईंले अरूहरूको भन्दा दुई गुणा बढी शुल्क तिर्नुपर्छ ।”
युवकले अलमल्ल पर्दै सोधेछन् ।
“होइन, मैले मात्र किन दुई गुणा शुल्क तिर्नुपर्ने ?”
प्रवक्ताले यसो भनेर जवाफ दिएछन् ।
“राम्रो लिडर बन्नका लागि जिब्रोको प्रयोगभन्दा जिब्रोलाई कसरी अधिनमा राख्ने भन्ने कुरा सिक्नुपर्छ । मैले अरूलाई भन्दा तपाईंलाई बढी सिकाउनुपर्ने भएकोले तपाईंबाट दुई गुणा शुल्क लिनु उचित हुन्छ ।”
