चियाचाहिँ पूर्व-पश्चिम दुवैतिर लोकप्रिय बनेको पेय पदार्थ हो । चियाको गाढा स्वादको मज्जा लिनु छ भने चियाको लागि पानी बसाल्नेदेखि लिएर त्यसलाई कपमा राख्नेसम्मका प्रत्येक चरणहरूमा विशेष ध्यान दिनुपर्ने हुन्छ । चिया बनाउन जति समय र परिश्रम लागेको हुन्छ, चियाको स्वाद लिँदै बिस्तारै सुरुप-सुरुप पिएमा उति नै त्यसको मज्जा लिन सकिन्छ ।
चियाचाहिँ मानिसहरूबीच बातचीतको एउटा माध्यम पनि हो, किनकि सँगै बसेर एक कप चिया पिउँदा त्यहाँ स्वतः बातचीत गर्ने माहोल सिर्जना हुन्छ, अनि बातचीत गर्दैजाँदा एक-अर्कालाई अझ राम्ररी जान्न पुगिन्छ ।
यो महिनामा आफ्ना मायालु परिवारसँगै एक कप मीठो चिया पिउने समय लिनुहोस् । परिवारजनलाई विशेष अतिथि ठानेर हृदयदेखि चियाले सत्कार गर्दै रमाइलो कुराकानी गरिहेर्नुहोस् । साँच्चै हृदयभित्र पनि मीठो सुगन्ध प्रवाह हुनेछ ।
- सुझाव
- परिवारजनको रुचिअनुसारको चिया, कफि तयार गर्ने
- घरमा भएको सबैभन्दा आकर्षक कपमा चिया दिने
- चियाको छेउमा बिस्कुट अथवा केही फलफूल राख्ने
- चिया पिउँदाखेरि शिष्टाचार कायम राख्ने
- परिवारलाई मन पर्ने फलफूल तयार गरेर सँगै खाने
- चिया पिउँदै सकारात्मक कुराकानी गर्ने
- कुराकानीमा ध्यान दिनको निम्ति स्मार्टफोन वा टिभीबाट टाढै रहने
- बच्चाहरूका लागि क्याफेइनरहित पेय पदार्थ तयार गर्ने