WATV.org is provided in English. Would you like to change to English?

७५औँ विदेश भ्रमण टोली

जीवनको पानीको मूल, माताको साथमा विशेष ग्रीष्म

कोरिया

July 10, 2019 406 हेरेको संख्या
FacebookTwitterEmailLineKakaoSMS

हरिया पातहरू लहराउने ग्रीष्ममा ७५औँ विदेश भ्रमण टोलीले कोरियाको भ्रमण गरे । जुलाई १० तारिखदेखि कार्यतालिका सुरु भएको भ्रमण टोलीमा ४१ वटा देशका १७५ वटा मण्डलीहरूबाट २५० जनाभन्दा बढी सन्तहरू उपस्थित थिए । अधिकांश सन्तहरू भविष्यको योजना र सपना लिएका २०देखि २९ वर्षका विश्वविद्यालय विद्यार्थीहरू थिए । कोरियाको नजिकै रहेको मङ्गोलिया र हङकङजस्ता पूर्वी एसियाका क्षेत्रहरूदेखि लिएर पृथ्वीको विपरीत भागमा रहेको अर्जेन्टिना, उत्तरी यूरोपको फिनल्यान्ड र अफ्रिकाको बोट्स्वानासम्म भाषा र संस्कृति अनि वर्ग फरक-फरक भएको सबै महादेशका विभिन्न देशहरूबाट आएका सन्तहरू बाइबलको अगमवाणीअनुसार जीवनको पानीको मूल हुनुभएकी नयाँ यरूशलेम माताको अँगालोमा बाँधिए (इज ४७:१-९; गला ४:२६) ।

टाढाको देशबाट आएका सन्तहरूको हात एक-एक गरी समाउँदै, भेटेर प्रफुल्लित हुनुभएकी माताले उनीहरूको एकदमै तिर्सना लागेको कुरा बताउनुभयो । माताले हरेक आराधना तथा कार्यक्रमहरूमा उनीहरूको निम्ति आशिष्‌को प्रार्थना चढाइदिनुभयो । अध्ययनको साथै जीविकोपार्जनको निम्ति काम गर्नमा व्यस्त भए पनि सुसमाचारको निम्ति परिश्रम गर्ने विदेशका सन्तहरूलाई माताले “यहाँहरूले जोश र बलिदानद्वारा पिताको पाइलालाई पछ्याइरहनुभएको छ,” भनेर शक्ति दिनुहुँदै “नयाँ करारको मूल्य र मुक्तिको अनुग्रह महसुस गरेपछि नथाकीकन सुसमाचार कार्यमा समर्पित भएका प्रेरित पावलले जस्तै, छोरा-छोरीहरू पापको प्रलोभनमा नपरून् वा कठिनाइहरूमा हरेस नखाऊन् भनेर पापीको निम्ति मृत्युसम्म पीडा सहनुभएका परमेश्वरको प्रेमलाई महसुस गर्दै अन्त्यसम्म आत्मा बचाउने कार्यमा बल गरौं” भन्नुभयो (कल ३:१; याक ४:४; उप २:७-११) ।

महासचिव पास्टर गिम जु छलले “यहोशू र गिदोनको समयमा परमेश्वरको वचनमा आज्ञाकारी भएर सबैले एकसाथ नकराएका भए उनीहरूले कुनै हालतमा पनि शत्रुमाथि विजय हासिल गर्न सक्नेथिएनन्” भनेर एकताको महत्त्वमाथि प्रकाश पार्नुभयो । उहाँले सन्तहरूको हृदयमा ७ अरब मानव-जातिलाई प्रचार गर्ने भिजन खोपिदिनुभएर “हामी सबै जना उठेर एकसाथ सत्यताको ज्योति चम्काउँदै सारा जातिहरूलाई परमेश्वरकहाँ फर्काएर ‘सबै देशका जातिहरूलाई चेला बनाओ … मैले तिमीहरूलाई आज्ञा गरेका सबै कुरा पालन गर्न तिनीहरूलाई सिकाओ’ भन्नुभएका येशूज्यूको आज्ञा पूरा गरौं” भन्नुभयो (यहो ६:१-५; न्याय ७:१-२१; मत्ती २८:१८-२०; यशै ६०:१-५; रोम ८:१६-१८) ।

माताको विशेष हेरचाह अनि जहाँ गए तापनि “वी लभ यू” भनेर स्वागत गरेका कोरियाली सन्तहरूको प्रेम र विचारशीलताभित्र विदेशका सन्तहरूले सन् २०१९ विश्वव्यापी विश्वविद्यालय विद्यार्थी लिडरशीप सम्मेलन, परमेश्वरको मण्डलीको ऐतिहासिक सङ्ग्रहालय तथा स्थानीय मण्डलीहरूको भ्रमणबाट विभिन्न अनुभवहरू बटुले । ओग्छन गो एन्ड कम प्रशिक्षण प्रतिष्ठानमा आयोजित कार्यक्रममा उनीहरूले कोरियाली युवा तथा छात्र-छात्रा सन्तहरूमाझ सुसमाचारको भिजन बाँडे । सिस्टर पउला रेन्डोन(न्यू विन्डसर, न्यू योर्क, संयुक्त राज्य अमेरिका)ले भनिन्, “यो भ्रमणद्वारा मैले म एकलो छैनँ भनी महसुस गरें । प्रेम हुनुभएका पिता र माताको सन्तानको रूपमा सबैले आफूलाई दिइएको अवस्थामै मिसन पूरा गर्नमा सक्दो कोसिस गरेमा ७ अरब प्रचार कार्य सजिलै पूरा हुनेछ ।” ब्रदर रक्की फर्नान्डस(पुणे, भारत)ले भने, “विभिन्न देशका युवा सन्तहरूसँग गरेका कार्यक्रमहरूबाट ‘सुसमाचार निश्चय नै पूरा गर्नेछौं’ भन्ने आत्मविश्वास ममा जागेको छ ।” उनीहरूले आ-आफ्नो देश फर्किनुअघिको अन्तिम आराधनामा कोरियाली भाषामा गाएको नयाँ भजनले सुसमाचारको मिसन पूरा गर्ने उनीहरूको सङ्कल्प र उत्साह झल्काएको थियो ।

“सियोनका तारा हो ! प्रभातका शीत युवाहरू हो ! उठौं ज्योति चम्काऔं ! माताको महिमा चम्काऔं ! एलोहिम परमेश्वरले शक्ति दिनुभएको छ ! अब उठौं, युवाहरू हो, उठौं !”

FacebookTwitterEmailLineKakaoSMS