आजको मौद्रिक मापदण्डअनुसार मत्ती अध्याय १८को दृष्टान्तमा उल्लेखित दश हजार सुनको सिक्का र सय चाँदीको सिक्काको मूल्य कति हो ?
‘चाँदीको सिक्का’ र ‘सुनको सिक्का’चाहिँ नयाँ करारको समयको मुद्राका एकाइ हुन् । त्यो समयमा रोममा प्रयोग गरिने १ चाँदीको सिक्का करीब ४ ग्राम तौलको हुन्थ्यो, जुनचाहिँ एक जना आम मजदुर अथवा सैनिकले पाउने एक दिनको ज्याला थियो (मत्ती २०:१-२) । त्यसै गरी १ सुनको सिक्काचाहिँ क्षेत्रअनुसार थोरै फरक भए तापनि यसको तौल प्रायः २० देखि ४० किलोग्राम(करीब ३३ किलोग्राम)सम्म हुन्थ्यो । १०० चाँदीको सिक्काको मूल्यलाई १० हजार सुनको सिक्कासँग तुलना गर्ने हो भने हामीले परमेश्वरबाट पाएको अनुग्रह कति महान् छ, र दाजुभाइ-दिदीबहिनीको गल्ती कति सानो छ भन्ने कुरा महसुस हुन्छ । हामी मत्ती अध्याय १८मा लिखित दृष्टान्तको वचन हेरौं । तब उहाँकहाँ आएर पत्रुसले भने, “प्रभु, मेरो भाइले कति पल्ट मेरो विरुद्धमा अपराध गरे मैले त्यसलाई क्षमा गर्ने ? के…