माताको पहिलो शिक्षा

परमेश्वरले हामीलाई प्रेम नगर्नुभएको एक क्षण पनि छैन । हामी स्वर्ग-राज्यमा स्वर्गदूत छँदा पनि परमेश्वरले सधैँ हामीलाई प्रेम गर्नुभयो, हामीहरू स्वर्ग-राज्यमा जघन्य पाप गरेर यो पृथ्वीमा धपाइका भए पनि त्यो पाप क्षमा गरिदिनको निम्ति परमेश्वरले हाम्रो सट्टामा क्रूसमा टाँगिनुभएर त्यो प्रेम प्रमाणित गर्नुभयो ।

यसरी हामीलाई सधैँ प्रेम दिनुहुने परमेश्वरले “तिमीहरूसँग मैले जस्तो प्रेम गरेको छु, तिमीहरूले पनि एक-अर्कालाई त्यस्तै प्रेम गर” (यूह १३:३४) भन्नुभएको छ । हामीले परमेश्वरबाट प्रेम पाएजस्तै हामीले पनि अरूहरूलाई प्रेम दिएको परमेश्वर चाहनुहुन्छ । अनि लिनुभन्दा दिनु अझ धन्य हो भन्ने वचन दिनुभएको छ ।

“मैले सबै कुरामा तपाईंहरूलाई उदाहरण दिएको छु, कि तपाईंहरूले पनि यसरी नै कडा परिश्रम गरेर निर्धाहरूलाई मदत गर्नुपर्छ । प्रभु येशूको वचन याद राख्नुहोस्, कसरी उहाँ आफैले भन्नुभएको छ, कि लिनुभन्दा दिनु अझ धन्य हो ।” प्रे २०:३५

जो कोहीलाई होस्, प्रेम लिनभन्दा दिन अझ गाह्रो पर्छ । किनभने प्रेम दिन हामीले अर्को व्यक्तिको अवस्थालाई बुझ्न र त्यो व्यक्तिको कमजोर पक्षलाई भरिदिनको निम्ति आफैलाई बलिदान गर्न प्रयत्न गर्नुपर्ने हुन्छ । यसैकारण परमेश्वरले प्रेम लिनुभन्दा दिनु अझ धन्य हो भन्नुभएको हो ।

हामीले परमेश्वरको यस्तो इच्छालाई पछ्याएर सबै मानिसहरूमाझ परमेश्वरको प्रेम बाँड्नुपर्छ । अरूले आफूलाई बुझिदेओस् र आफूलाई प्रेम मात्र गरिदेओस् भनेर पर्खनुभन्दा बरु आफूले पहिला अरूको नजिक गएर उनीहरूलाई हेरचाह र प्रेम दियौं भने प्रेमलाई व्यवहारमा लागू गर्ने हाम्रो स्वरूपप्रति खुशी हुनुभएर परमेश्वरले ठूलो आशिष् दिनुहुनेछ ।

​समीक्षात्मक प्रश्न

माताको पहिलो शिक्षा के हो ?

परमेश्वरलाई नचिनेका मानिसहरूमाझ परमेश्वरको प्रेम बाँड्ने तरिकाबारे कुरा गरौं ।