Библийн үг

“Чамайг хараатай болгохын тулд намайг илгээв” гэлээ

Саул христчүүдийг барих гэж Дамаскт хүрч байтал гэнэт тэнгэрээс гэрэл гарч тэр дундаас Есүсийн дуу сонсогддог. Үүнээс болж нүд нь сохорсон тэрээр юу ч идэж, уулгүй гурван өдөр Дамаскт байлаа. Тэр үед Есүс Дамаскт байсан дагалдагч Ананиагийн үзэгдэлд гарч ирэн айлдсан нь: “Бос, “Шулуун” хэмээх гудамж дахь Иудагийн гэрт очиж Тарсын Саул гэгчийг асуу. Үзэгтүн. Тэрээр яг одоо залбирч, Ананиа гэгч эр орж ирээд, өөрийг нь дахин хараатай болгохын тулд гараа өөр дээр нь тавихыг үзэгдэлд харж байна” гэв. Гэвч Ананиа хариуд нь: “Би түүний тухай Иерусалим дахь Таны ариун хүмүүст тэр хичнээн их хор хүргэснийг олноос сонссон. Тэгээд тэр энд нэрийг тань дуудсан бүхнийг хүлэх эрх мэдлийг ахлах тахилч нараас авсан юм” гэв. Харин Есүсийн хүсэл хувирсангүй. “Яв, учир…

Агуу хүчит нэгэн

Өнөө үед шинэ гэрээний сайн мэдээний гэрэл асар хурдтайгаар дэлгэрч байгаа болохоор Сатан диавол архирах арслан мэт сайн мэдээний гэрлийг халхлахын тулд боломжтой бүх арга мэхээ хэрэглэж байна. Бурханыг гэсэн туйлын итгэл, авралын найдвар, эцсээ хүртэл үнэнийг сахин хамгаална гэсэн баттай шийдвэрээр Бурханы өвч зэвсгийг агсан, амар тайвны сайн мэдээний бэлэн байдлыг хөлдөө өмсөн, авралын зар тараах явцдаа ёрын муу сүнснүүдтэй хийх аян дайнд бид ялсаар байгаа. Дайсан диавол ертөнцийн бүх бузар мууг ашиглан, биднийг эсэргүүцсэн ч бид гарцаагүй ялна гэсэн бат итгэлээр сайн мэдээ тарааж байгаа болохоор сайн мэдээний гэрэл илүү тод гэрэлтэн, илүү олон хүн аврагдсаар байна. Бурханд туйлаас найддаг хүн хүчтэй Энэ дэлхий дээр хэнийг хамгийн агуу, хүчтэй гэж та нар боддог вэ? Библиэс хариултыг нь хайвал…

Шоронгоос бичсэн захидал

Жавахарлал Неру бол Махатма Гандитай цуг Энэтхэгийн тусгаар тогтнолын төлөө тэмцэж, хожмоо Энэтхэгийн анхны ерөнхий сайд болсон хүн. Энэтхэг улс Английн колони байсан цаг үеийн турш колоничлолын засаглалыг эсэргүүцсэнийхээ төлөө тэрээр олон удаа шоронд хоригдож байжээ. Найнигийн шоронд хоригдсоныхоо дараа тэрээр цорын ганц охин Индрадаа шоронгоос захидал бичжээ. Гурван жилийн турш 190 удаа захидал явуулсан байна. Тэгвэл хайртай охиндоо юуг тэгтлээ хэлэхийг хүсээ юм бол? “Чи төрсөн өдрөөрөө бэлэг сэлт, сайн сайхан ерөөл, мэндчилгээний үг их авдаг сан. Сайн сайхныг ерөөхийн тухайд бол аав нь охиндоо одоо ч өгч чадна л даа. Гэвч Найнигийн шоронгоос би чамд ямар бэлэг явуулах билээ дээ? Миний бэлэг нүдэнд харагдаж гарт баригдах материаллаг, биет зүйл биш.” Охиндоо үнэ цэнэтэй бэлэг явуулах гэж Неру бүх…

Авралын түүхийг гүйцэлдүүлэх хүчний эх ундарга

Сионы маань ах эгч дүүс итгэл дотор сэтгэлээ нэгтгэн, хүчин зүтгэсээр байна. Ингэснийх нь үр дүнд дэлхий дахинд 7,000 гаруй Сион байгуулагдсан. Авралын энэхүү гайхалтай түүхийг хараад зарим хүмүүс Ерөнхий чуулганы хэлтэс төлөвлөгөө сайн боловсруулсан байна гэж, зарим хүмүүс нь төрөлхийн удирдах ур чадвартай зөнч миссионерууд байгаа учраас ийм үр дүнд хүрсэн гэж бодож байж мэднэ. Гэвч Библийн дагуу үзвэл Бурхан хэнийг ч босгож томилсон бай хамаагүй тэнгэрийн хаанчлалын сайн мэдээ нэгд нэггүй тунхаглагдаж, авралын түүх Бурхан тусалснаар л биелдэг гэдгийг бид ойлгож болно. Бид тэнгэр элчийн ертөнцөд нүгэл үйлдээд энэ газарт ирсэн нүгэлтэн тэнгэр элч төдий. Хэрхэвч бардамнан сайрхаж болохгүй. “Эзэн, нүгэлт намайг өршөөгөөч” гэсэн татвар хураагч шиг итгэлтэй байж, илүү их гэмшин, Бурханд талархах учиртай. Тийм итгэлээр авралын…

Шинэ гэрээний үед Христийн сайн мэдээ харийнханд ч тунхаглагдсан. (Үйл 10:11) Тэгвэл хуучин гэрээний үед ямар байсан бэ? Хуучин гэрээний үед ч бас сайн мэдээ харийнханд тунхаглагдаж байсан уу?

Мосегийн үед Алгасал баяр сахих хэмжүүр болгон “Гаднын хүн үүнээс идэж болохгүй. Харин мөнгөөр худалдаж авсан боол бүр хозлуулсныхаа дараа үүнээс идэж болно” (Гэт 12:43–45) хэмээсэн. Эндээс үзэхэд хозлуулсныхаа дараа бол харийнхан байсан ч Алгасал баяр сахиж болох нь ойлгомжтой байна. Мөн “Хэрэв та нартай хамт байгаа ирмэл хүн Алгасалыг ЭЗЭНд тэмдэглэхийг хүсвэл бүх эр хүйстэн нь хозлуулсныхаа дараа л үүнийг үйлдэхээр ойртог. Тэр хүн уугуул нутгийнхантай адил болно.” (Гэт 12:48) гэж бичсэн болохоор Бурханд итгэх итгэлээр хозлуулсан хүмүүс харийнхан байсан ч Бурханы ард түмэн болж чадна. Исаиа номонд Амралтын өдөр сахиж, Бурханыг гэх хайраар Бурханы гэрээг чанд сахидаг хүмүүс хэдийгээр харийнхан байсан ч Бурханы ариун уул руу хөтлүүлнэ гэж бичсэн байдаг. Энэ нь харийнхан ч хүртэл Бурханд итгэж болохыг…

Еврей хэлтэй иудейчүүд ба грек хэлтэй иудейчүүд

“Шавь нарын тоо олширсон өдрүүдэд гректэнгүүдийн зүгээс өдөр тутмын хүнс түгээлтдээ тэдний бэлэвсэн эмэгтэйчүүдийг хайхрахгүй байгаа талаар еврейчүүдийн эсрэг гомдол гонгиноон болжээ.” Үйл 6:1 Үйлс 6-р бүлэгт грек хэлтэй иудейчүүд болон еврей хэлтэй иудейчүүдийн тухай гарч байна. Еврей хэлтэй иудейчүүд болон грек хэлтэй иудейчүүд гэж хэнийг хэлснийг үзэцгээе. Еврей хэлтэй иудейчүүд нь еврей хэл (Анхны сүмийн үед арамей хэл)-ийг, грек хэлтэй иудейчүүд нь грек хэлийг хэрэглэдэг байв. Арамей хэл ба иудейчүүд МЭӨ VI зууны үед Вавилонд олзлогдсон иудейчүүд 70 жилийн турш Вавилонд амьдарч байхдаа өвөг дээдсийнхээ албан ёсны хэл болох еврей хэлнээс илүүтэй Ойрх Дорнодын хязгаар нутгийн албан ёсны хэл болоод байсан арамей хэлийг хэрэглэх болжээ. Тэд Иерусалим руу буцаж ирснээсээ хойш ч арамей хэлийг үргэлжлүүлэн ашигласан байна. Есүсийн үед…

​Амь аврахад бидэнд юу хэрэгтэй вэ?

2016 оны Рио де Жанейро хотод болсон Олимпоос алтан медаль авсан Мак Хортон нэгэн шүтэн бишрэгчээсээ и-мэйл авчээ. Тэр и-мэйлд тамирчны цээжнийх нь дээд талд байдаг мэнгэ томорч өмнөхөөсөө илүү хар болсон тул арьсны хорт хавдар байж магадгүй гэж таамаглаж байгаагаа дурдсан байжээ. Хортон нэн даруй эмнэлэг рүү очтол эмч түүний мэнгийг меланома болсон байх магадлалтайг хэлжээ. Меланома гэдэг нь меланоцитууд хяналтаас гарч эхэлмэгц үүсдэг арьсны хорт хавдрын нэг төрөл юм. Энэ нь үхлийн аюул дагуулах өвчин боловч шинж тэмдэггүй тул арьсаа сайн анхаарч үзэхгүй бол өвчнийг үнэн зөв илрүүлж чадахгүй талтай гэнэ. Өөрт нь санаа зовж, анхаарал халамж тавин, и-мэйл явуулсан шүтэн бишрэгчийнхээ ачаар тэрээр хэт оройтохоос нь өмнө мэс засал хийлгэж, амь насаа аварч чаджээ. Саяхан АНУ-ын Флорида…

Яагаад “Бурханы сүм” гэсэн нэртэй юм бол?

Ерөөл их аваарай! Намайг Мэдлэгхэн пастор гэдэг. Уулзсандаа баяртай байна. Тантай уулзах сайхан байна. Пастор оо, би Бурханы сүмд яваад удаагүй байгаа болохоор надад асуух юм зөндөө байна. Ингэхэд яагаад “Бурханы сүм” гэсэн нэртэй юм бол? Олон хүн тэгж боддог. Гэхдээ эгч дүү, танай дүүрэгт олон сүм байдаггүй гэж үү? Тэдний дунд Бурханы байгуулсан сүм ч бий, Бурханы байгуулаагүй сүм ч бий. Бурханы байгуулаагүй сүм байдаг юм уу? Хэрэв тэр чинь үнэн бол би сүмд явж эхлэхээсээ өмнө аль нь Бурханы байгуулсан сүм гэдгийг мэдэх ёстой юм байна даа. Яг зөв. Тэгвэл Бурханы байгуулсан сүмийг би яаж олж чадах уу? Тийм ч хэцүү биш ээ. Бурханы үг болох Библиэр л олж авч чадна даа. “Бурхан Өөрийн цусаар Өөртөө өмчилж авсан…

63,038 үзэлт

Харамсахад хүргэдэг адилхан алдаагаа давтахгүй байх арга

2019 оны 9 сард Сөүл хотын төвд нэг автобус гэнэт зогссон байна. Автобусаа зогсоосон жолооч зорчигчдоос уучлал хүсчихээд, ум хумгүй гараад гүйчихэж гэнэ. Жар эргэм насны нэг эмэгтэй гудманд ухаан алдаж унахад нь аврах гэсэндээ тэгсэн аж. Хажуугаар нь өнгөрч явсан хүмүүс түүнд туслахыг оролдсон ч эмэгтэй ухаан орсонгүй. Харин автобусны жолооч түүнд шууд хиймэл амьсгал (CPR) хийв. Хэдэн хормын дараа тэрээр ухаан орж, амьсгалж эхэлжээ. Тэгээд автобусны жолооч нэг явган зорчигчоос түргэн тусламж иртэл эмэгтэйн хажууд байхыг гуйгаад, автобусандаа эргэн ирлээ. Хурдан сэтгэж, эмэгтэйн амийг аварсан жолоочийн үйлдэлд зорчигчид ихэд сэтгэл нь хөдөлсөн байгаа юм. Ухаан алдаж унасан явган зорчигчийг харангуутаа нөхцөл байдалд тохирсон хариу арга хэмжээ авсны учрыг уг хэрэг гарсны дараахан жолоочоос ярилцлага авч тодруулжээ. “Би гуравдугаар…

Дэлхийн төв рүү аялах нь

Ингэхэд бидний зогсож байгаа газар дор ер нь ямархуу байдаг бол оо? “Дэлхийн төв рүү аялсан нь” хэмээх кино энэ асуултанд их сонирхолтой төсөөллөөр хариулдаг. Дэлхийн дотоод гүн дэх ертөнц бол хөндийд аварга том амьтад эргэлдэж, өлсгөлөн пиранха загас далайг дүүргэж, хүчтэй соронзон орны нөлөөгөөр хад чулуунууд агаарт хөвж байдаг ер бусын нууцлаг газар гэж уг кинонд дүрсэлсэн байдаг. Хэн ч очиж үзээгүй дэлхийн төв рүү, тэрхүү үл мэдэгдэх ертөнц рүү аялцгаая. Хөл доорх ертөнц болох дэлхийн дотоод бүтэц Хүний очиж үзсэн хамгийн хол зай бол дунджаар 384400км зайтай байдаг сар. Хүний хийсэн зүйлс дунд дэлхийгээс сансарт хамгийн хол орон зайг судлах Вояжер-1 сансрын хөлөг дэлхийгээс 20 тэрбум километр хол аялаад байна. Хүн төрөлхтөн сансар огторгуй тийш гараа сунгаж буй…

Амьтай холбоотой байдаг учир

Египетийн захирагч Иосефын өмнө арван нэгэн хүн сөгдөн мөргөцгөөнө. Нэгнийх нь уутнаас Иосефын мөнгөн аяга олдож, тэднийг байцаах үед эл явдал тохиов. “Та нар юунд ийм хэрэг хийв?” Иосеф уурсан зандрав. Харин үнэндээ энэ бүх хэргийг тэрээр өөрөө сэдсэн аж. Олон жилийн өмнө ах нараасаа болж Египет рүү зарагдсан Иосеф Египетийн захирагч болж Египет орныг бүхэлд нь удирдах болжээ. Айхавтар өлсгөлөнгийн үеэр Иосеф улсынхаа амбаарыг нээж нөөцөлсөн үр тариагаа зарж байх зуур Канаанаас Египет рүү үр тариа авахаар зорьж ирсэн ах нартайгаа дахин уулзав. Иосеф ах нараа ганц хараад л танилаа. Харин ах нар нь Иосефыг таньсангүй. Иосеф ах нараа туршуул гэж бодож байгаа дүр эсгэн, тэднээр Канаанд байгаа отгон дүү Бениаминыгаа авчруулахаар болов. Эцэг Иаков руугаа буцаж ирсэн ах…

Гүн итгэл

Энэ амьдралдаа сайн багштай учирсан хүн үнэхээр ерөөлтэй. Амьдралын маань жинхэнэ Багш, мөнхийн тэнгэрийн хаанчлалд хөтлөх Елохим Бурхантай уулзсандаа бид цаглашгүй ерөөлтэй улс. Жинхэнэ Багш маань болсон Бурхан хүүхдүүдийнхээ л сүнсний авралын төлөө энэ газарт бууж ирээд, зовлонгийн зам туулсан юм. Хүмүүст доромжлогдон, зовохдоо ч намдуухан байж, үзэн ядалт, доог тохууг чимээгүйхэн тэвчиж гарсан Бурханы тэвчээр, золиосын ачаар бидний сүнс эдгэрч, аврал авсан. Бурханы энэ их ивээлд чин сэтгэлээсээ талархаж байна. Христийн замаар алхаж байгаа бид энэ замыг ямар итгэлээр туулах ёстойгоо бодож тунгаая. Гүн худаг Уужуу ухаантай хүнийг тодорхойлохдоо бид “уужим дотортой хүн” гэдэг. Ийм хүн тайван, бусдын сэтгэлийг сайн ойлгодог тул бараг л алдаа мадаг гаргаад байдаггүй. Мөн ойр тойрныхноо урам зоригтой болгодог тул хүмүүс түүнийг аяндаа л…

Ариун мөргөлийг Бурханд өргөцгөөе

Мөргөл бол Бурханаас эмээж, Бурханд үйлчлэхийн төлөөх орхигдуулахын аргагүй хүчин зүйл. Бурханы ард түмэн мөргөлөөр дамжуулан бүх нүглээ уучлуулж, ариун болж, ерөөл хүртэн Бурхантай илүү ойртдог юм. Мөргөлийг зүгээр нэг ёслол төдийхнөөр, сүмд очиж сургаал сонсох төдийхнөөр л боддог хүмүүс бий. Гэвч мөргөл нь номлогчийн шилдэг сургаал, лекц сонсох зорилгоор цугладаг цаг биш, бидний ухаарах ёстой сүнслэг утга учир үүнд баттай шингэсэн байдаг юм. Номлогч хүн Бурхан болон итгэгчдийн хооронд зуучлах, Бурханы үгээр дамжуулан Бурханы хүслийг уламжлах үүрэгтэй төдий. Бурханд өргөх мөргөлийн ач холбогдол, утга учрыг Библийн үгнээс дахин тунгаацгаая. Хуучин гэрээний тахилд шингэсэн мөргөлийн утга учир Хуучин гэрээний хууль нь ирэх сайн юмсын сүүдэр, бодит нь болж гарч ирэх шинэ гэрээг төлөөлдөг юм (Евр 10:1). Хуучин гэрээний үед израиль…

Хуучин гэрээг сүүдэр, шинэ гэрээг бодит гэж тайлбарладаг. Үүнд итгэх Библийн үндэслэл юу вэ?

Библид хуучин гэрээний хуулийг “ирэх сайн юмсын сүүдэр” гэсэн (Евр 10:1). Библид мөн Бурхан өнө эртнээс ирээдүйг урьдчилан мэдүүлсэн (Иса 46:10) гээд, одоо байгаа нь аль хэдийнээ байсан (Ном.Үгс 3:15) гэсэн. Энэ бүх үг нь Бурхан хожим биелүүлэх зүйлээ хуучин гэрээний үед хуулбар ба сүүдэр болгон хэдийн мэдүүлсэн гэдгийг нь харуулж байна. Хуучин гэрээний Мелхизедек ба шинэ гэрээний Есүс Хуучин гэрээ нь сүүдэр, шинэ гэрээ нь бодит гэдгийг хэд хэдэн жишээн дээр шалгаж үзье. Эхлээд Абрахамын үед тохиолдсон түүхэн үйл явдлыг харъя. Абрахамыг тулаанд ялаад буцаж ирэхэд нь Бурханы тэргүүн тахилч Мелхизедек түүнийг талх, дарсаар ерөөсөн байдаг. Энэ үйл явдлаар шинэ гэрээний үед Есүс Алгасал баярын талх, дарсаар бидэнд мөнх амийн ерөөл өгнө гэдгээ урьдчилан харуулсан юм. “Салемын хаан Мелхизедек…

Өгөх хайр

Германы зохиолч Герман Гессегийн бичсэн “Августус” хэмээх богино үлгэрт хайр авах үеийн сэтгэл ба хайр өгөх үеийн сэтгэл хүний амьдралд хэрхэн нөлөөлдгийг харуулжээ. Аавыгаа нас барсны дараа Августус хүү төрсөн аж. Ээж нь нэгэн ид шидтэй өвгөнөөс гуйсанчлан хүү бүх хүний хайрыг авч өсжээ. Үргэлж л бусдын хайрыг авч байсан тул тэрээр бардам, дээрэлхүү, сэтгэл муутай, элдэв янзын гэмт хэрэг үйлддэг нэгэн болж өсжээ. Улмаар тэр бусдын хайраас ч хүртэл уйдаж, амьдрал нь сонирхолгүй санагдан, амиа хорлох гэж ч хүртэл шийдэж байсан аж. Яг тэр мөчид ид шидтэй өвгөн хүслийг нь асуухаар дахин гарч ирэхэд тэрээр хүн бүрийг хайрлаж чаддаг болохыг хүсэж гэнэ. Маргаашнаас нь хүү өөрийгөө хайрлахаа болин, өнгөрсөнд хийсэн гэм нүглээс нь болж өөрийг нь үзэн ядсан хүмүүсээр…

Израилийн түүх

Израилийн түүхийг сурч буй шалтгаан Бид Израилийн түүхийг сурч байгаа учир нь махан биеийн Израилийн түүх нь сүнсний израиль ард түмэн бидэнд тохиолдох түүхийг харуулж байдагт оршино. Махан биеийн Израилийн улс төрийн бус зөгнөлийн түүхээр бид өөрсдөдөө тохиолдох түүхийг урьдчилан харж болно. Улмаар Бурханы хүүхдийн хувьд байр суурь, зэрэг дэвээ зөв бэхжүүлж, Бурханы хүү, охидод байх ёстой итгэлтэй болцгооё. Израилийн түүхийг ерөнхийд нь дараахтай адил ангилж болно. Адамаас Ноагийн үе хүртэл Ноагаас Абрахамын үе хүртэл Абрахамаас Мосегийн үе хүртэл Египетээс гарснаас Канааны байлдан дагуулалт ба Шүүгчдийн үе Хаадын үе Хуваагдсан хаанчлалын үе Вавилоны цөллөг ба эх нутагтаа буцсан үе Иерусалимын сүйрэл ба сэргээн босголт 1. Адамаас Ноагийн үе Хүн төрөлхтний өвөг эцэг Адамаас Ноагийн үе хүртэлх удам угсааны талаар Эхлэл…

Хамтдаа

Энэ нь өдөрт арван таван ширхэг тамхи татахтай адил биед хор хөнөөлтэй. Энэ нь аливаа өвчнөөр өвдөх магадлалыг нэмэгдүүлдэг. Эрүүл хүмүүстэй харьцуулбал үүгээр зовж байгаа хүмүүсийн цус харвах магадлал 30%-иар нэмэгдэж, зөнөглөх өвчтэй болох магадлал 40%, зүрхний өвчин тусах магадлал хоёр дахин их байдаг байна. Энэ юу вэ? Энэ бол ганцаардал. Америкийн Нийгмийн эрүүл мэндийн албаны комиссар, дэд адмирал асан Вивек Х.Мурти өгүүлэхдээ “Ганцаардал бол сэтгэл гутралд орох, хар тамхинд донтох гэх мэт орчин үеийн нийгмийн асуудлуудыг бий болгох хүчин зүйл” гэж онцолсон байдаг. Ганцаардлаас үүдэн гардаг өвчин эмгэгүүд нь биеийн ерөнхий өвчнөөс хавьгүй илүүгээр бие махбодод хор хөнөөл учруулдаг гэж мэдэгдсэн байдаг. Тэр ч байтугай тэрээр уг албандаа ажиллаж байхдаа үндэстний хэмжээнд эрчимт эмчилгээ шаарддаг өвчний жагсаалтанд ганцаардал гэгч…

Ариун Гуравын сэнтий нэгийн талаар сонирхож байна уу?

Библи унших явцад нэг болохоор Ёхова нь Бурхан юм шиг, нэг болохоор Есүс нь Бурхан ч юм шиг. Тэд тус тусдаа, өөр өөр Бурхан юм уу? Тийм биш ээ. Бурхан Ариун Эцэгийн үед Ёхова, Ариун Хүүгийн үед Есүс, Ариун Сүнсний үед шинэ нэр (Илчлэл 3:12 үзэх) гэж үе тус бүрд өөр өөр дүр төрх, өөр өөр нэрээр гарч ирсэн ч угтаа бол бүгд адилхан нэг Бурхан юм шүү дээ. Тиймээс Ариун Гуравын сэнтий нэг гэдэг нь Ариун Эцэг Бурхан, Ариун Хүү Бурхан, Ариун Сүнс Бурхан нь өөр өөр Бурхан биш, адилхан нэг Бурхан гэсэн үг. Тэгвэл Ариун Эцэг нь эцэг, Ариун Хүү нь хүү байхад яахаараа нэг Бурхан гэдэг билээ? Төгс хүчит Эцэг Бурхан гурван өөр үүрэг гүйцэтгэсэн гээд бодчихвол…

49,979 үзэлт

Өргөн уудам сансар огторгуй, өөр ертөнц

Бид өдөр тутамдаа нэг их таараад байдаггүй байгалийн өнгө үзэмж харахаараа уулга алддаг шүү дээ. Ямар нэг шинэ, гоё зүйлийг харахдаа бие сэтгэл цэнэг орох шиг болж, сэргэж байгаагаа мэдэрдэг шүү дээ. Нэгэн хэвийн дахин давтагддаг өдөр тутмын амьдралаасаа болоод стрессдэх, уйдах зэргээ бид өөр нэг ертөнцийг хараад, үлдэн хөөж чадна. Хүмүүс бидний аяллаар явдгийн учир шалтгаан ч энэ. Уг нь амаргүй байсаар байхад хүмүүс уул руу авирах гэдгийн, хүйтэн туйлын бүс нутагт туйлын туяа үзэх гэж зүтгэдгийн учир шалтгаан энэ байж таарах нь. Гэвч хүмүүсийн зүрх сэтгэлийг энэ дэлхийн байгалийн өнгө үзэмжнээс илүү догдлуулдаг нэг зүйл байдаг нь сансар огторгуй билээ. Гэрэл харанхуй аль аль нь эн зэрэгцэн оршдог сансар огторгуй гэгч шинэ зүйлс л бүтэж бий болдог бүтээлийн…

Шөнө дунд өрнөсөн авралын түүх

Паул, Силас хоёрыг залбирлын газар руу явах замд нь мэргэ төлгөчийн муу сүнс шүглэсэн нэгэн шивэгчин тааралддаг. Шивэгчин олон хоног Паул болон нөхдийг нь дагаж, хашхирсанд Паул Христийн нэрээр муу сүнсийг нь хөөн зайлуулдаг. Мэргэ төлгөөр мөнгө олдог байсан орлого нь тэр даруй зогсоход шивэгчний эзэд нь Паул, Силас нарыг баривчилж, буруутган, улмаар шоронд хорив. Паул, Силас хоёр хөлөө чанга дөнгөлүүлж, гяндангийн мухарт хаягдсан хэр нь шөнө дунд ч хүртэл Бурханд залбирч, магтан дуулж байлаа. Тэгтэл яг тэр мөчид гэнэт шоронгийн суурийг доргиосон хүчтэй газар хөдлөлт болж, даруй бүх хаалганууд нээгдэн, хүн бүрийн гав дөнгө нь мултарч унав. Хуяг нойрноосоо сэрээд, шоронгийн хаалганууд нээлттэй байхыг харангуутаа хоригдлуудыг оргожээ гэж бодоод өөрийгөө илдээр дүрж алахыг завдав. “Өөрийгөө бүү хорло. Бид бүгд…