बाइबलको वचन

मण्डलीको नाउँ किन ‘परमेश्वरको मण्डली’ राखिएको होला ?

सिस्टर, धेरै आशिष् पाउनुहोस् । म पास्टर सुबोध हुँ । भेटेर खुशी लाग्यो । हजुर, मलाई पनि खुशी लाग्यो । पास्टर, म परमेश्वरको मण्डलीमा जान थालेको भर्खर मात्र हो । त्यसैले ममा धेरै प्रश्नहरू छन् । हाम्रो मण्डलीको नाउँ किन ‘परमेश्वरको मण्डली’ राखिएको होला ? आखिरमा परमेश्वरलाई विश्वास गर्ने सबै मण्डलीहरू परमेश्वरको मण्डली नै होइनन् र ? यसरी सोच्ने मानिसहरू धेरै छन् । सिस्टर, तपाईंको छिमेकमा मात्र पनि थुप्रै मण्डलीहरू होलान् । तीमध्ये परमेश्वरले स्थापना गर्नुभएका मण्डलीहरू पनि छन् भने परमेश्वरले स्थापना नगर्नुभएका मण्डलीहरू पनि छन् । परमेश्वरले स्थापना नगर्नुभएका मण्डलीहरू पनि छन् अरे ? यदि त्यसो हो भने मण्डली जानुअघि, मैले कुन मण्डली परमेश्वरले स्थापना गर्नुभएको मण्डली हो भन्ने कुरा जान्नुपर्छ । हो नि ! त परमेश्वरले स्थापना गर्नुभएको…

54,225 भ्यु

परमेश्वरको मण्डलीमा किन क्रूस छैन ?

आज कार्यक्षेत्रमा साथीसँग कुराकानी हुँदा उनलाई ठीकसँग बुझाउन नसक्दा मलाई अलि दु:ख लागेको छ । के कुरा ? मेरी साथी पनि मण्डली जाने गर्छिन्, र मैले उनलाई क्रूसचाहिँ मूर्ति हो, राख्नुहुँदैन भनी बताएँ । तब उनले मलाई, “हैन क्रूस त मण्डलीको चिन्ह हो । कसरी मूर्ति हुन सक्छ र ?” भनिन् । म उनलाई विस्तृत रूपमा बुझाउन चाहन्थें, तर पदहरू राम्ररी याद आएन । क्रूस कसरी मूर्ति हो भन्ने कुरा तपाईंले मलाई पुनः एक चोटि सिकाइदिनुहुन्छ कि ? हुन्छ नि । पहिला दश आज्ञाको बारेमा हेरौं । “आफ्ना निम्ति खोपेर कुनै किसिमको मूर्ति नबनाउनू, माथि आकाश अथवा तल पृथ्वी वा तल पानीमा भएको कुनै कुराको आकारको प्रतिमूर्ति नबनाउनू । तिनीहरूका सामु ननिहुरनू, तिनीहरूको पूजा नगर्नू ...” प्रस्थान २०:४-५ के परमेश्वरले…

76,469 भ्यु

राहाब र अजिङ्गर

... के तपाईं त्यही हुनुहुन्न, जसले राहाबलाई टुक्रा-टुक्रा पार्नुभयो, र त्यस अजिङ्गरलाई वारपार छेड्नुभयो ? के तपाईं त्यही हुनुहुन्न, जसले समुद्र सुकाउनुभयो, अथाह समुद्रको पानी सुकाउनुभयो, र आफूले उद्धार गर्नुभएकाहरू पार गर्नका निम्ति समुद्रको गहिराइमा बाटो बनाइदिनुभयो ? यशै ५१:९ परमेश्वरले प्राचीन समयमा वारपार छेड्नुभएको र अन्तिम समयमा पनि वारपार छेड्नुहुने राहाब र अजिङ्गरको विषयमा अध्ययन गरौं । उहिले यरीहो सहरको भेद लिन गएका दुई जना जासूसहरूलाई आफ्नो घरमा लुकाएकी ‘राहाब(רחב)’ नाउँ गरेकी एक वेश्या थिइन् । तर यशैया ५१:९मा भनिएको राहाबचाहिँ, ती राहाब होइनन् । ‘राहाब(רהב)’ भनेको प्राचीन किम्वदन्तीअनुसार समुद्री दैत्यको हिब्रू नाउँ हो, अनि यो राहाबले देवताहरूको अगाडि आत्मसमर्पण गर्छ भन्ने गरिन्थ्यो । राहाब(רהב)को अर्थ हिब्रू भाषामा ‘हिंस्रक, आँधी र अहङ्कार’ हो । परमेश्वरका प्रजा इस्राएलीहरूलाई दासत्वमा राखेको…

हामी आफ्ना आँखा परमेश्वरतिर उठाउँछौं

मोआबी, अम्मोनी र केही सेनानीहरू यहूदाको विरुद्धमा युद्ध गर्न आइरहेका छन् भन्ने खबर सुनेपछि, राजा यहोशापातले सारा यहूदाभरि नै उपवास बस्नलाई घोषणा गरे । यहूदाका मानिसहरू परमेश्वरको मन्दिरमा भेला भए, र यहोशापात चाहिँ मन्दिरको नयाँ चोकको अगि खडा भएर प्रार्थना गरे । “हे परमेश्वर, तपाईं जाति-जातिका सबै राज्यहरूमा शासन गर्नुहुन्छ । तपाईंले हामीलाई अधिकार गर्न दिनुभएको जग्गादेखि हामीलाई धपाउन अम्मोनी, मोआबी र सेइर पर्वतका मानिसहरू आइरहेछन् । उनीहरूको सामना गर्न हाम्रो केही शक्ति छैन । हामीले जे गर्नुपर्ने हो सो हामी जान्दैनौं, तर हामी आफ्ना आँखा तपाईंतिर उठाउँछौं ।” तब परमेश्वरको आत्मा एक जना लेवी यहासेलमाथि उत्रनुभयो । “हे सबै बासिन्दा र राजा यहोशापात, सुन्नुहोस् । परमेश्वर तपाईंहरूलाई यही भन्नुहुन्छ : ‘नडराओ, यस ठूलो सैन्य-दलदेखि नआत्तिओ । किनभने लडाइँ परमेश्वरको…

परमेश्वरको मण्डलीका स्त्री सन्तहरूले आराधना समयमा किन शिरमा घुम्टो हाल्छन् ?

विश्वभरिका परमेश्वरको मण्डलीका तस्वीर अथवा भिडियोहरू हेर्दा अनौठो लाग्ने एउटा कुरा छ । देशैपिच्छे आराधना गरिने स्वरूप कसरी एउटै हुन सकेको होला ? स्त्री सन्तहरू सबैले शिरमा घुम्टो हाल्छन् भने पुरुष सन्तहरूचाहिँ शिर ढाक्दैनन् । परमेश्वरले सन्तहरूलाई, आराधना गर्दा पालन गर्नुपर्ने नियमहरू दिनुभएको छ । तीमध्येको एक नै घुम्टोको नियम हो । घुम्टोले शिर ढाक्नु पनि के परमेश्वरको नियम हो ? हो नि ! किनकि पुरुषले आफ्नो शिर ढाक्नुहुँदैन, किनभने ऊ परमेश्वरको प्रतिरूप र गौरव हो, ... १ कोरिन्थी ११:७ आराधना गर्दा अथवा प्रार्थना गर्दा पुरुषले शिर ढाक्नुहुँदैन । यो बाइबलको शिक्षा हो । यदि यो नियम पालन नगरी परमेश्वरलाई आराधना गरिन्छ भने त्योचाहिँ उल्टै परमेश्वरलाई अपमान गर्ने कार्य हुन्छ । हो त है ! स्त्रीको सन्दर्भमा पनि हेर्ने कि…

111,516 भ्यु

सत्यताको युगमा झूटलाई विश्वास गर्ने मानिसहरू

‘स्पागेटी फल्ने रूख छ र ?’ सन् १९५७ अप्रिल १ तारिखमा, बेलायतको BBCबाट ‘अप्रिल फुल्स डे(मूर्ख दिवस)’मा गलत समाचार प्रसारण गरिएको थियो । योजस्तै रमाइलोको लागि प्रसारित गलत समाचारले समाजमा खैलाबैला मच्चाउँछ । गलत जानकारीलाई कुनै लेखको ढाँचामा अनलाइनमा राखिएका गलत समाचारहरूले धेरै मानिसहरूलाई झुक्याइरहेको छ । संयुक्त राज्य अमेरिकाको राष्ट्रपतीय चुनाव नजिकिरहेको गत ग्रीष्ममा, इन्टरनेटमा केही उम्मेदवारलाई चाहिँ अनुकूल हुने तर विपक्षी उम्मेदवारलाई चाहिँ हानि पुग्ने गलत समाचारहरू धेरै थिए । शंकास्पद लागेर, सञ्चार माध्यमहरूले ती लेखलाई पत्ता लगाए र ती गलत लेखहरूका अधिकांश स्रोतचाहिँ दक्षिण-पूर्व यूरोपको देश, माकेडोनियाको ‘भेलेस’ नाम गरेको सानो गाउँ रहेको पाइयो । केही किशोरहरूले यसलाई ‘डिजिटल गोल्ड रश’को रूपमा सङ्केत गर्दै गलत समाचारहरू बनाइरहेका थिए । वास्तवमा गलत समाचारले अमेरिकी राष्ट्रपतीय चुनावमा समेत असर…

जस्तो बुबा, त्यस्तै छोरा

सन् १९२०मा एक जना महिलाले आफू रुसको अन्तिम ग्रेन्ड रानी अनास्तासिया रहेको दाबी गरिन् । बोल्शेविक क्रान्तिका दौरान रुसी राजपरिवारका सदस्यहरू निर्ममतापूर्वक मारिएका थिए । उक्त घटना घटेको २ वर्ष भएको थियो । अनास्तासियाचाहिँ रुसका अन्तिम सम्राट निकोलस द्वितीयकी चौथो सन्तान थिइन्, जो ४ जना राजकुमारीहरूमध्ये सबैभन्दा मायालु थिइन् । ती महिलाको उपस्थितिले, रुसी राजपरिवारमा घटेको दुःखद घटनाप्रति सहानुभूति जगाउनुको साथै सर्वसाधारणको ध्यान पनि खिँच्यो । ती महिलाको नाम हो एना एन्डर्सन । राजपरिवारको बारेमा विस्तृत रूपमा जानकार भएकीले, अनि राजपरिवारको शिष्टतासँग परिचित र तिनको वरपरका मानिसहरूले तिनको बारेमा गवाही दिएकाले तिनी विवादको केन्द्र बनिन् । सत्यतथ्य पत्ता लगाउन ३७ वर्षको लामो युद्धपछि सन् १९७०मा जर्मन सर्वोच्च अदालतले त्यो कुरा सत्य हो कि होइन भनेर प्रमाणित गर्न नसकिएको फैसला सुनायो…

तिनीहरू मेरो आदेशमा हिँड्छन् कि हिँड्दैनन्

इस्राएलीहरूका सारा समुदाय मिश्रबाट निस्केपछि, खानेकुरा छैन भन्दै मोशा र हारूनको विरुद्धमा गनगनाउन थाले । “हामी मिश्रमा मासुका कराहीहरूका वरिपरि बसी अघाउञ्जेल खाना खान्थ्यौं । त्यसै बेला हामी परमप्रभुको हातबाट मरेका भएदेखि असल हुनेथियो । तर तपाईंहरूले हामी र हाम्रा यस जम्मै समुदायलाई भोकले मार्न उजाड–स्थानमा ल्याउनुभएको छ ।” तब परमप्रभुले मोशालाई भन्नुभयो, “म तिमीहरूका निम्ति स्वर्गबाट रोटी बर्साउनेछु । मानिसहरूले दिनहुँ बाहिर गएर एक दिनको हिस्सा बटुलून् । यसरी तिनीहरू मेरो आदेशमा हिँड्छन् कि हिँडदैनन् सो म जाँच गर्न सकूँला ।” तब बेलुकी बट्टाई चराहरू आएर छाउनी नै ढाके, र बिहानचाहिँ छाउनीका चारैतिर शीत परिरह्यो । जब त्यो शीत सुक्यो तब जमिनमा परेको तुसारोझैँ स-साना डल्ला उजाड-स्थानभरि रहेछन् । इस्राएलीहरूले त्यस रोटीको नाउँ ‘मन्न’ राखे । “परमप्रभुले यो आज्ञा…

निम्न सुरुवात र महान् अन्त

हाम्रो सुरुको अवस्था निम्न देखिए तापनि हाम्रो अन्तचाहिँ परमेश्वरको अनुग्रहद्वारा महान् हुनेछ भन्ने आशामा हामीहरू जिइरहेका छौं । हामीहरू प्रतिज्ञाका सन्तानहरू हौं । त्यसैले परमेश्वरको प्रतिज्ञा संसारका अरू मानिसहरूलाई होइन, तर हामीहरूलाई दिइएको छ । तपाईंको सुरुको अवस्थाहरू निम्न देखिनेछन्, त्यसरी तपाईंको अन्त अति महान् हुनेछ । अयू ८:७ यो संसारमा सबै कुराको लागि समय छ: सुरु गर्ने एउटा समय र अन्त गर्ने एउटा समय । त्यसैले सुसमाचारको कार्यको निम्ति पनि एउटा निश्चित समय छ । सुसमाचारको कार्यचाहिँ अति निम्न र कमजोर रूपमा सुरु भए तापनि जति अगाडि बढ्दैजान्छ त्यति नै समृद्ध र महान् हुँदैजान्छ । सुसमाचारको परिणाम विगतका समयहरूदेखि वृद्धि भएको थियो, वर्तमानमा पनि वृद्धि भइरहेको छ, र भविष्यमा पनि व्यापक रूपले वृद्धि हुनेछ । ‘महान् अन्त’ बनाउने अदृश्य…

पार्टनरको शक्ति

अन्तर्राष्ट्रिय प्रतिस्पर्धामा पदक जितेर स्वदेश फर्किएका एक जना जुडो खेलाडीले आफ्नो सफलताको मुख्य श्रेय आफ्ना प्रशिक्षण पार्टनरलाई दिए । पार्टनरसँगको अनगिन्ती अभ्यासबाट नै ती खेलाडीले सेमिफाइनलमा आवश्यक पर्ने जुक्तीहरूमा निपुणता हासिल गरी विजय सुनिश्चित गर्न सके । ती प्रशिक्षण पार्टनरले बारम्बार भुइँमा पछारिए पनि हार नमानी उठेर राष्ट्रिय टोलीका खेलाडीलाई विजयको मञ्चसम्म पुग्न मद्दत गरे । प्रशिक्षण पार्टनरहरूले राष्ट्रिय टोलीका खेलाडीहरूसँग प्रत्यक्ष रूपमा काम गर्छन्, जसले उनीहरूलाई आफ्नो सीप निखार्न र प्रविधिमा दक्ष बन्न मद्दत पुर्‍याउँछ । उनीहरू हरेक कठिनाइमा खेलाडीको साथमा उभिँदै घण्टौँसम्म कडा प्रशिक्षण गर्छन् । अनि छायाजस्तै सधैँ एक-अर्काको नजिक रहेर सँगै अगि बढ्छन्, र खेलाडीसँग एक हुन्छन् । आफू स्वयम् विजयको मञ्चमा नउभिए पनि, उनीहरू खेलाडीको सफलतालाई साँचो खुसीका साथ उत्सवझैँ मनाउँछन् । राष्ट्रिय टोलीका खेलाडीहरूको…

कसरी यस्तो घोर दुष्ट काम गरेर परमेश्वरको विरुद्धमा मैले पाप गर्नु ?

आफ्ना ईर्ष्यालु दाजुहरूद्वारा दासको रूपमा बेचिएका योसेफले मिश्रका कप्तान पोतीफरको घरमा सेवा-शुश्रूषा गर्न थाले । परमेश्वर सबै कुरामा योसेफको साथमा हुनुभएकोले तिनी सफल भएका देखेर पोतीफरले तिनलाई आफ्नो घरको मुख्य कारिन्दा तुल्याए र आफ्नो घरबार र आफूसँग भएका सबै थोकको जिम्मा तिनलाई दिए । योसेफको खातिर परमेश्वरले पोतीफरको घरमा आशिष् दिनुभयो । मालिकको घरबारलाई ईमानदारिताका साथ रेखदेख गरिरहेका योसेफमाथि सङ्कट आइपर्छ । पोतीफरकी पत्नीले योसेफमाथि नजर लगाएर तिनलाई प्रलोभनमा पार्ने कुराहरू बोलिरहन्छिन् । तर योसेफले “कसरी यस्तो घोर दुष्ट काम गरेर परमेश्वरको विरुद्धमा मैले पाप गर्नु ?” भन्दै अस्वीकार गर्छन् । त्यसरी अस्वीकार गर्दा रीसले चूर भएकी पोतीफरकी पत्नीले मानिसहरू बोलाएर योसेफमाथि अभियोग लगाउँछिन् । विश्वास र शुद्ध विवेकलाई कायम राख्दाखेरि योसेफलाई झ्यालखानमा हालिन्छ । झ्यालखानमा समेत परमेश्वर योसेफको साथमा…

विपत्ति पार हुने कारण, निस्तार-चाड

परमेश्वरले दियाबलसको शक्तिलाई नष्ट गर्न र आफ्ना सन्तानहरूलाई अनन्त जीवन दिन निस्तार-चाड स्थापना गर्नुभयो । हुन त हाम्रा सियोनका परिवारहरूलाई निस्तार-चाडको महत्त्व राम्ररी थाहा छ, तापनि निस्तार-चाडद्वारा विपत्ति पार हुने कारण के हो भन्नेबारे हामीले अझ ध्यानपूर्वक अध्ययन गर्न आवश्यक छ । निस्तार-चाडको साँचो अर्थ के होला ? हामीबाट विपत्ति पार गराउने निस्तार-चाडको शक्तिको स्रोत के होला ? परमेश्वरको सामु विनम्र भएर यसबारे बाइबलद्वारा विस्तृत रूपमा अध्ययन गरौं । निस्तार-चाडको थुमाको रगतद्वारा विपत्ति पार निस्तार-चाडचाहिँ करीब ३,५०० वर्षअघि स्थापना गरिएको परमेश्वरको चाड हो । इस्राएलीहरू मिश्रमा दासत्वको जीवन जिइरहेका बेला परमेश्वरले तिनीहरूलाई छुटकारा दिन फारोलाई आज्ञा गर्नुभयो । तर फारोले मानेन र परिणामस्वरूप परमेश्वरले मिश्रमाथि दश विपत्तिहरू झारिदिनुभयो । पवित्र पात्रोअनुसार पहिलो महिनाको चोधौँ दिनको साँझमा परमेश्वरले मिश्रमाथि, पहिले जन्मेकाहरू…

तब तिनीहरूले एकसाथ परमेश्वरतिर आफ्ना सोर उचाली भने

ख्रीष्टको बारेमा गवाही दिइरहेका पत्रुस र यूहन्नालाई पूजाहारीहरू, मन्दिरका कप्तान र सदुकीहरूले पक्राउ गरे । उनीहरू दुवै जनालाई “अब उप्रान्त येशूको नाउँमा नबोल्नू र कुनै शिक्षा नदिनू” भनी आज्ञा दिइएको भए पनि, उनीहरूले साहसका साथ ख्रीष्टको इच्छा प्रचार गरे । पत्रुस र यूहन्नालाई सजाय दिने कुनै उपाय नभेटेपछि, अधिकारीहरूले तिनीहरूलाई छोडिदिए । छुटकारा पाएर पत्रुस र यूहन्ना आफ्ना साथीहरूकहाँ आए र मुख्य पूजाहारीहरू र धर्म-गुरुहरूले भनेका सबै कुराहरू तिनीहरूलाई बताइदिए । जब तिनीहरूले यो सुने, तब तिनीहरूले एकसाथ परमेश्वरतिर आफ्ना सोर उचाली भने । “हे प्रभु, तिनीहरूका धम्कीमाथि नजर गर्नुहोस्, र तपाईंका दासहरूलाई पूरा साहससित तपाईंको वचन बोल्न दिनुहोस् । येशूको नाउँद्वारा पवित्र कार्य गर्नुहोस् ।” तिनीहरूले प्रार्थना गरिसकेपछि तिनीहरू भेला भएको ठाउँमा कम्प भयो, र तिनीहरू सबै जना पवित्र…

गेहेन्ना

१. ठाउँको नाउँ हिब्रू भाषामा ‘गे-हिन्नोम’ (हिन्नोमको बेँसी) र ग्रीक भाषामा ‘गेहेन्ना’ भनिने शब्द प्राचीन यरूशलेमको दक्षिण-पूर्वमा अवस्थित एउटा सानो बेँसीको नाउँ हो । यो ठाउँचाहिँ इस्राएलका राजाहरूको समयमा, प्रजाहरूले साना बालबालिकाहरूलाई आगोमा बलि गरेर आफ्नो देवतालाई अर्पण गर्ने कुख्यात ठाउँ थियो । प्राचीन समयमा, इस्राएलीहरूले अज्ञात देवता मोलोख(साँढे आकारको एक मूर्ति)लाई बलि चढाउने गर्थे । त्यो साँच्चै अति घिनलाग्दो कार्य थियो: तिनीहरूले फलामको मूर्ति बनाएर त्यसलाई आगोमा रातो नहोउञ्जेल तताउँथे, र बेसरी तातिएको फलामे मूर्तिको दुवै हातमा आफ्ना कलिला छोरा-छोरीहरूलाई बलि गर्थे । “यहूदाका मानिसहरूले मेरो दृष्टिमा दुष्ट काम गरेका छन्, परमप्रभु भन्नुहुन्छ ... आफ्ना छोराछोरीहरूलाई आगोमा बलि गर्न बेन–हिन्नोमको बेँसीमा तोपेतका अल्गा ठाउँहरू तिनीहरूले बनाएका छन् । यस्तो आज्ञा मैले दिएको थिइनँ, न त त्यो कुरा मेरो मनमा…

उद्धार गर्ने कर्तव्य

सुरुङमा गुडिरहेको एउटा ट्रकमा आगो लाग्यो । चालकले तुरुन्त आफ्नो ट्रकमा भएको अग्निशामक यन्त्रद्वारा आगोलाई नियन्त्रण गर्न खोजे तर त्यसबाट भएन । त्यही बेला, सुट लगाएका तीन जना व्यक्तिहरू कारलाई रोकेर बाहिर निस्केर चालकलाई बाहिर निकाले, र सुरुङमा आगो निभाउनलाई जडान गरिएको पानीको पाइप तानेर ट्रकको आगो निभाउन थाले । सुरुङको बाटोलाई ढाकेको आगोको मुस्लो र धूवाँसित जुध्दै उनीहरूले निडरका साथ गरेका प्रयत्न, अनि खबर पाएपछि आएको दमकलको सहयोगद्वारा अन्ततः ३० मिनेटमै आगोलाई पूर्ण रूपमा निभाउन सकियो । यसरी तुरुन्तै द्रुत गतिमा कार्य गरेर दुर्घटनालाई अझ खराब हुनबाट जोगाएका ती मानिसहरू वास्तवमा आफ्नो आफन्तको अन्त्येष्टिमा जाँदैगरेका अग्नि नियन्त्रकहरू थिए । कुनै सुरक्षात्मक सामग्रीविना नै आगोको सामना गरेका उनीहरूले “यस्तो अवस्थामा कुनै पनि अग्नि नियन्त्रक स्वाभावतः आगो निभाउनलाई अगि बढ्छ ।…

हामीले किन निस्तार-चाड मान्नुपर्छ ?

हाम्रो परमेश्वरको मण्डलीमा प्रत्येक वर्ष निस्तार-चाड मान्ने गरिन्छ । कसै-कसैले “विश्वासको जीवनमा औपचारिकताभन्दा विश्वास अझ महत्त्वपूर्ण छ” भन्ने गर्छन् । निस्तार-चाड मान्नैपर्छ र ? हामीले परमेश्वरलाई विश्वास गर्ने भएकोले हामी निस्तार-चाड मान्छौं । एउटा उदाहरण दिन्छु, यदि बिरामीले डाक्टरलाई भरोसा गर्छु भन्छ, तर डाक्टरले भनेअनुसार गर्दैन भने के हुन्छ होला ? बिरामीले डाक्टरलाई भरोसा गर्छ भने उसले डाक्टरको निर्देशनलाई पछ्याउँछ । त्यसै गरी पापी भएका हामीहरूले मुक्तिदाता हुनुभएका परमेश्वरलाई विश्वास गर्छौं भने परमेश्वरले मान्नू भनी आज्ञा गर्नुभएको पाप-क्षमाको व्यवस्था मान्नु स्वाभाविक हो । हामीले परमेश्वरलाई विश्वास गर्ने भएकोले वचन पालन गर्नुपर्छ भन्न खोज्नुभएको हो ? हजुर, हो । निस्तार-चाडचाहिँ परमेश्वरको सन्तान भएअनुरूप हामीले मान्नैपर्ने अमूल्य आज्ञा हो । किनभने योचाहिँ हाम्रो विश्वासको उदाहरणीय व्यक्ति हुनुभएका येशूज्यू स्वयम्‌ले मान्नू भनी आज्ञा…

63,269 भ्यु

तिमी अहिले जान्दैनौ

निस्तार-चाडको अघि येशूज्यू भोजनबाट उठ्नुभयो, र एउटा तौलिया आफ्नो कम्मरमा बेह्रनुभयो । तब उहाँले बाटामा पानी खन्याउनुभयो र चेलाहरूका गोडा धुन लाग्नुभयो । तब के गर्ने भन्नेबारे थाहा नभएर पत्रुसले उहाँलाई सोधे, “प्रभु, के तपाईंले मेरा गोडा धुने ?” “म के गर्दैछु तिमी अहिले जान्दैनौ, तर पछि बुझ्नेछौ ।” “तपाईंले मेरा गोडा कहिल्यै धुनुहुनेछैन ।” यसरी निरन्तर नमानिरहेका पत्रुसलाई येशूज्यूले भन्नुभयो, “मैले धोइदिइनँ भनेता मसित तिम्रो केही हिस्सा हुनेछैन ।” चेलाहरूका गोडा धोइसक्नुभएपछि उहाँ फेरि बस्नुभयो र उहाँले तिनीहरूलाई भन्नुभयो, “मैले तिमीहरूका गोडा धोएको छु भने तिमीहरूले पनि एक-अर्काका गोडा धुनुपर्छ, किनकि मैले तिमीहरूलाई एउटा उदाहरण दिएको छु, र जसो मैले तिमीहरूका निम्ति गरें, तिमीहरूले पनि त्यसै गर ।” सामान्यतया निम्न ओहदाको व्यक्तिले उच्च ओहदाको व्यक्तिको गोडा धोइदिने गरिन्छ ।…

मातृ नैसर्गिकता

प्रकृतिमा भएका सम्पूर्ण जीवित प्राणीहरू अरूको शिकार हुनबाट बच्न आ-आफ्ना प्राकृतिक शत्रुहरूबाट भाग्ने गर्छन् । तर मातृ नैसर्गिकताबाट उत्पन्न हुने साहसले ती प्राणीहरूलाई प्रकृतिको प्रबन्धविरुद्ध समेत जाने गराउँछ । जिराफले निडरतापूर्वक ५ वटा भोकाएका सिंहहरूलाई सीधै आक्रमण गर्छ, अनि सर्पसँग लड्न लोखर्केले आफ्नो ज्यानको बाजी राख्छ । त्यसको एकमात्र कारण नै आफ्ना बच्चाहरूलाई बचाउनको निम्ति हो । समुद्रमा बच्चा डल्फिनलाई आक्रमण गरेको सार्कलाई माउ डल्फिनले टाउकोले हिर्काउँदा सार्कको मृत्यु भएको घटनासमेत घटेको थियो । अबुझ वन्य जनावरको संसारमा आफ्ना बच्चाहरूलाई सुरक्षा गर्ने आमाहरूको सङ्घर्ष साँच्चै आश्चर्यजनक र हृदयस्पर्शी छ । मानिस पनि अपवादमा पर्दैन । कट्टरपन्थी आतङ्कवादी समूहको कुनै सदस्यसँग विवाह गर्न घरबाट भागेकी अपरिपक्व छोरीलाई सीधै आफैले गएर उद्धार गरी ल्याएकी आमा पनि छिन् । त्यसरी आतङ्कवादी समूहको कार्यकारी…

उहाँले भन्नुभएबमोजिम गर

गालीलको काना नगरमा एउटा विवाह-भोज थियो । येशूज्यू, उहाँकी आमा र उहाँका चेलाहरू पनि विवाहमा निम्त्याइनुभएको थियो । तर भोज चलिरहेको बेला दाखमद्य सिद्धियो । येशूज्यूकी आमाले चाकरहरूलाई भनिन्, “येशूज्यूले भन्नुभएबमोजिम तिमीहरूले गर ।” येशूज्यूले ६ वटा घ्याम्पातिर औंल्याउँदै चाकरहरूलाई भन्नुभयो, “यी घ्याम्पाहरू पानीले भर ।” येशूज्यूले भन्नुभएबमोजिम चाकरहरूले सबै घ्याम्पाको मुखसम्मै पानी भरिदिए । “अब यसलाई अलिकता उघाएर भोजका मुखियाकहाँ लैजाओ ।” तिनीहरूले घ्याम्पाबाट एक कप पानी उघाएर मुखियाकहाँ सो लगे । तिनीहरूलाई थाहा हुनअघि नै त्यो पानी दाखमद्यमा परिणत भइसकेको थियो । विवाह हलका मुखियाले दाखमद्यमा परिणत भएको पानी चाखे, र आश्चर्यचकित भएर दुलहालाई झट्टै बोलाएर भने, “हरेक मानिसले पहिले असल दाखमद्य टक्र्याउँछ अनि मानिसहरूले निकै खाइसकेपछि मात्र कमसल दाखमद्य राखिदिन्छ । तिमीले त असल दाखमद्य अहिलेसम्म राखिछोडेछौ…

आत्मिक संसारलाई हेरौं

हामीहरू स्वर्गीय घरको आशा गर्दै यो पृथ्वीमा प्रवासी जीवन बिताइरहेका छौं । यो दृश्य र सीमित संसारमा शरीरको लुगा लगाएकोले हाम्रो मन सांसारिक थोकहरूमा सजिलैसित आकर्षित हुन जान्छ । त्यसैले हामीहरू आत्मिक संसारलाई हेर्न सक्दैनौं । सांसारिक थोकहरूमा अल्झिँदा हामीले परमेश्वरको इच्छालाई बुझ्न सक्दैनौं । विश्वासमा बढ्न सक्दैनौं, अनि हामीमा भएको विश्वास पनि बिस्तारै सेलाउँदैजान्छ । हाम्रा विश्वासका पुर्खाहरूले अदृश्य संसार अस्तित्वमा छ, र त्यो नै अनन्तको संसार हो भनेका छन् । हामी दृश्य कुरालाई होइन, तर अदृश्य कुरालाई हेर्छौं, किनभने दृश्य कुरा क्षणिक हुन्छन्, तर अदृश्य कुराचाहिँ अनन्तसम्म रहन्छन् । २ कोर ४:१८ प्राय: मानिसहरू यो दृश्य संसारमा घट्ने घटनाहरूलाई विश्वास गर्छन्, तर अदृश्य संसारलाई विश्वास गर्न गाह्रो मान्छन् । स्वर्गचाहिँ आत्मिक र अदृश्य संसार भएकोले स्वर्गको आशामा जिउने…