मानिसमा खुशी, नैराश्यता, रिस, अपेक्षा, डर र कृतज्ञता जस्ता धेरै भावनाहरू हुन्छ । ती भावनालाई कसरी हुन्छ अभिव्यक्त गर्ने मन पनि हुन्छ, अनि अरू कसैले त्यसको कदर गरिदियो भने स्थिरता र खुशी महसुस हुन्छ ।
हामीले आफ्ना भावनाहरूलाई जीवन्त रूपले अभिव्यक्त गर्दै एक-अर्काको भावनालाई बुझिदिएर स्वीकार्नुचाहिँ वार्तालापको मूलभूत आधार पनि हो । एक-अर्काको सोचाइ फरक भए तापनि पहिला अर्को व्यक्तिको भावनालाई बुझिदियौं भने एक-अर्कासँग राम्ररी वार्तालाप गर्न सकिन्छ ।
यहाँहरू आफ्नो परिवारको कुरा सुनिदिँदै उनीहरूको भावनाको कतिको कदर गर्दैहुनुहुन्छ ? यो महिनामा आफ्नो परिवारका फरक-फरक भावनाहरूको कदर गर्दै सक्रियतापूर्वक सहानुभूति दर्शाउन कोसिस गर्नुहोस् । परिवारका भावनाहरू पनि परिवारजत्तिकै अमूल्य हुन्छन् ।
- सुझाव
- परिवारको भावना पढ्ने
(“तपाईं आज खुशी देखिनुहुन्छ त ।” “थकाइ लागेको छैन ?”) - कुरा राम्ररी सुनिदिएर भावना बुझिदिने
(“ए, हो र ?” “त्यो अवस्थामा त मलाई पनि दुःख लाग्नेथियो होला ।”) - त्यस्तो भावना जाग्नुको कारण सोध्ने
(“कुन कुराले तिमीलाई दुःखित तुल्यायो, मलाई भन ।”) - अरूको भावनालाई बेवास्ता वा मूल्याङ्कन गर्ने काम नगर्ने
(“त्यति मामूली कुरामा नि रिसाउने ?” “त्यो त मूर्ख सोचाइ हो !” नभन्ने) - भावना परिवर्तन गर्नतिर दबाब नदिईकन पर्खिदिने
(“चूप लाग !” “नरोऊ !” नभन्ने) - साना बच्चाहरू हो भने उनीहरूको भावनालाई स्वीकारेर सही व्यवहार सिकाउने
(“धेरै दु:ख लागेको थियो होला, तैपनि साथीलाई पिट्नु त गलत हो ।”) - सोचविचार नगरी परिवारसमक्ष नकारात्मक भावनाहरू पोख्न पुगिने कुरामा सचेत रहने
- परिवारको सामु प्रायः सकारात्मक भावनाहरू मात्र अभिव्यक्त गर्ने
(“यसरी सँगै खाना खाँदा खुशी लागेको छ ।” “मलाई तिमी हाँसेको राम्रो लाग्छ ।”)