Итгэл & Амьдрал

​Амазонд гүйцэлдсэн сайн мэдээний ажил

2020 онд Перуд Ковид-19 цар тахлын бэлэн байдал зарлаж, сайн мэдээний үйл ажиллагаа болон бидний өдөр тутмын амьдрал хязгаарлагдав. Тэгсэн ч сайн мэдээ зогссонгүй, харин ч бүр Перугийн Амазоны ширэнгэн ойд ч түгэв. Сайн мэдээ ийн хурдтай тарахад гол үүрэг гүйцэтгэсэн хүн бол Херман ах дүү. Дэлхийн уушгины үүрэг гүйцэтгэдэг Амазоны ширэнгэн ой бол Бразил, Перу, Болив зэрэг улс орныг хамарсан өргөн уудам газар. Каямаст багшилдаг нэг багш ах дүү Пьюрад байдаг охинтойгоо уулзчихаад буцах замд нь Ковид-19-н улмаас хөл хорио тогтоон тэрээр Ламбайеке мужийн Чиклайо хотод амьдардаг хамаатныхаа гэрт байх хэрэг гарав. Талархууштай нь хамаатан нь манай Сионы гэр бүл байсан бөгөөд түүнээс үнэний тухай сонсож, ихэд анхаарч сонирхон, үнэнийг хүлээн авсан аж. Тэр ах дүү үнэнийг уудаг цаас…

Перу, Чиклайо / И Сүн Юун

Жинхэнэ Бурхантай уулзсан минь

Би Христийн сүмд үйлчилдэг байсан өвөө, эмээ дээрээ өссөн юм. Миний амьдрал угийн л Бурханд итгэх итгэлээр дүүрэн байсан. Есүс Христ амьдралын минь баатар байсан бөгөөд би Түүнгүйгээр юу ч хийж чадахгүй байх гэж боддог байлаа. Өчүүхэн юман дээр ч, сэтгэл зовоосон асуудал гарахад ч би тэр болгонд Аврагч Есүст залбирвал үргэлж залбирлын минь хариуг өгнө гэж итгэдэг байлаа. Өдөр нь сургууль дээрээ хичээнгүйлэн сураад, гэртээ харихаараа эмээдээ тусалж гэрийн ажил хийнэ. Тэгээд шөнө нь хичээлээ хичээнгүйлэн давтана. Хичээх бүрд минь Бурхан надад маш их тусалж би сурлагаараа сургуульдаа шилдэг нь байв. Дуулах авьяас, спортын авьяас, бичих авьяас гээд Бурхан надад олон чадвар ерөөсөн юм. Тиймдээ ч би олон шагнал авсан даа. Дараа нь би Христэд итгэдэг залуучуудтай хамт ямар…

Неру Патрисиа / Энэтхэг, GJ Вапи Чала

​Сүнслэг марафоны замаа дуусгахын төлөө

Намайг 3 настай байхад ээж маань, 9 настайд аав минь өөд болсон. Аав ээжийг өөд болоход 16-хан настай байсан том эгч минь “өрхийн тэргүүн” болж билээ. Аав ээжийгээ алдсан гуниг хагацал, эдийн засгийн хүндхэн үеийг эгч дүүс бид хамтдаа хэцүүхэн давж гарсан санагдана. Би дунд сургуульд ороод хөнгөн атлетикийн холын зайн гүйлтээр хичээллэсээр олон улсад эх орноо төлөөлж оролцдог марафоны тамирчин болов. Харин нэг удаа хасах 40 хэмийн хүйтэнд холын кросс бэлтгэл хийж байхдаа шагайны үеэ дааруулж гэмтээснээс спортоо орхиход хүрч билээ. Багадаа аав ээжээсээ хагацаж, олон жил хүнд спортоор хичээллэсэн болоод ч тэр үү би гэдэг хүн хатуу ширүүн зантай, амжилтандаа эрдсэн бардам нэгэн байв. Христийн шашныг сул дорой, өөртөө итгэлгүй хүмүүсийн шүтдэг шашин гэсэн хатуу үзэлтэй байж билээ.…

Монгол, Улаанбаатар Т.Энх-Од

Эмээгийнхээ сэтгэлийг ухаарах сайхан сэтгэл

Надад нэг маш сайхан сэтгэлтэй зээ дүү байдаг юм. Тэр маань эмээдээ их санаа тавина аа. Эмээгийнхээ дуртай жигнэмэг, амтат төмс, төмс, жүрж гээд байсхийгээд л явуулж, дуртай амттанаа авч ид гэж жилдээ гурван удаа бага сага мөнгө гуйвуулна. Ийм эелдэг зээд маань өнгөрсөн жил их хүнд юм тохиох нь тэр. Гэрлэснээсээ хойш үр хүүхэдгүй их удаж байгаа болохоор тэрээр сэтгэлээр нэлээн хүндхэн байсан л даа. Тэгж тэгж нэг юм жирэмслэсэн ч төрөхийн өмнөхөн хүүхдээ алдчихлаа. Энэ мэдээг сонсоод би гэдэг хүн уйлж гашуудах сөхөөгүй шууд л зээ дүүгийнхээ хэвтэж байгаа эмнэлэг рүү явлаа. Зээ дүү маань арван сарын турш хэвлийд байгаа хүүхдээ өсгөн бойжуулж, эсэн мэнд уулзахыг хүлээж байсан гэж хэлэхэд нь зүрх эмтрэв. “Нагац эгч ээ, би охиныхоо…

И Сүн Уг, Солонгос Чанвон

Би үргэлж чиний талд байгаа шүү

Би ахлах сургуулийн сурагч байхдаа халаасны мөнгө хэрэг болох бүрийд аав ээжээсээ зөвшөөрөл авахын оронд шууд л өөрийнхөө эд зүйлийг интернетэд тавиад зарчихдаг байлаа. Хэрэглэж байсан зүйлээ зарж борлуулах нь халаасны мөнгөтэй болоод зогсохгүй цаашдаа нэг их хэрэг болохгүй зүйлээ цэвэрлэж, мөн санхүүгийн ойлголттой болох гээд олон талаар давуу талтай мэт санагдаж байлаа. Хэрэглэж байсан эд зүйлээ зарахад амташсан би гаднаасаа бол бусдын л адил уншлагын танхимд шаргуу хичээллэдэг мэт байсан ч нөгөө зарж борлуулж байгаа зүйлээрээ яаж ашиг олох вэ гэж бодоход л цаг зав гаргаж байлаа. Юм хум зарж, хамаг үнэ цэнэтэй цагаа үрж байх зуур маань сургуулийн ур чадварын шалгалт хаяанд тулах нь тэр. Нэг өдөр над руу цагдаагийн газраас залгалаа. Намайг залилан хийсэн гэдгээр байцаах хэрэгтэй…

Ган Мин Со, Солонгос Соннам

Эцэгийн үүрэг

Би хэнд ч, юунд ч найдалгүй ертөнцөд хэрэн тэнүүчилж явсан билээ. Тэгтэл нэг өдөр хуучин ажлын маань хүн надад Бурханы сүмийг танилцууллаа. Хүйтэн цэвдэг ертөнцтэй адилгүй, Бурханы сүм гэрэл гэгээтэй, сайхан уур амьсгалтай, бүх итгэгч нар нь гэрэлтэй царайтай харагдаж байлаа. Миний сүнсэнд амийн ус өгдөг Сүнс болон Сүйт бүсгүйг ухаараад, би “Эцэст нь нэг юм явах ёстой газраа оллоо” гэж бодоод баяртайгаар шинэ амийг хүлээн авлаа. Хожим нь сургаал сонсох нь миний амьдралын нэг хэсэг боллоо. Сургаалаар дамжуулаад би сүнсний зүй тогтлын талаар ойлголттой болон, ухаарахын хэрээр гэрийнхэн маань л их санаанд орж байлаа. Би хүүхдүүддээ аав хүний хувиар олигтой ч хандаагүйдээ хүүхдүүдээсээ уучлал эрмээр санагдаж байлаа. Тэдэнтэйгээ тэнгэрийн ерөөлөө хуваалцмаар санагдав. Мөн хаанаас нь эхлэхээ хараахан сайн мэдэхгүй…

Солонгос, Үлсан / И Жом Ду

Сионд алхах зөнчийн эхнэрийн жаргалтай зам

Би христийн шашинт айлын ууган хүүхэд л дээ. Ээж аав минь эш үзүүлэгч Самуелын ээж шиг ууган хүүхдээ Бурханд өргөхийг хүсдэг байлаа. Тиймд аав ээж маань намайг теологийн сургуульд явуулж, пастор болж насан туршдаа Бурханд үйлчлэхийг хүссэн юм. Тэгж өссөн миний мөрөөдөл ч Бурханд үйлчилдэг пастор болох байлаа. Энэтхэг пасторуудыг нийгэмд их хүлээн зөвшөөрнө, христчүүд ч тэднийг туйлын оршихуй аятай хүндэтгэж үйлчилнэ. Мөн холбоонд элсвэл теологийн сургуульд лекц унших зэргээр нэлээн их орлоготой байх нь баталгаатай мэргэжил юм. Түүнээс гадна юу юунаас илүү Бурханд л үйлчлэх хүсэл эрмэлзэлтэй байсан юм. Тэгтэл миний сэтгэлд өөрийн мэдэлгүй Азидаа хоёр дахь том теологийн сургуульд сурч байгаа гэсэн бардах сэтгэл, мэдлэгээс болж бардам зан далдуур байр сууриа эзэлж байсан байх. Пастор болох гээд баклавраа…

Энэтхэг, Тхане / Анжела Берри

Африк нутгийн хэлээр Бурханд магтаал өргөх нь

Өмнөд Африкийн Бүгд Найрамдах Улс англи хэлийг албан ёсны хэл болгон ашигладаг ч тус тусын ястнаасаа хамааран африк хэл, хоса хэл, зулу хэл, сото хэл, цвана хэл, чонга, ндебеле хэл, бенда хэл, сисвати хэл, цефеди хэл зэрэг арав гаруй төрөлх нутгийн хэлтэй. Англиар чөлөөтэй ярьдаг байлаа ч өөрийн гэсэн эх хэлтэй бол төрөлх хэлээрээ ярих нь хэнд ч илүү амар шүү дээ. Эндхийнхэн ч овог овгийнхоо хэлээр ярих дуртай. Сионы гэр бүлүүдийн хувьд ч мөн адил. Хааяа намайг нутгийнх нь хэлээр богинохон өгүүлбэрээр мэндлэхээр “Та яаж мэдсэн юм?” гээд л хүүхэд шиг баярлахыг яана. Шинэ дуу африк болон хоса хэл дээр орчуулагдах үеэр нэг ийм явдал болов. Амралтын өдрийн өглөөний мөргөлийн дараа бид гэр бүлүүддээ үүнээс хойш эх хэл дээр…

Өмнөд Африк, Кейптаун Беллвилл сүм / Ким Мин Гюү

Чин сэтгэлээсээ залбирах үед

Арван таван насандаа үнэнийг хүлээн авч, баптисм хүртсэнээс хойш миний амьдрал бүрэн өөрчлөгдсөн юм. Зан байдал минь урьдынх шигээ биш болсон тул ойр тойрны хүн болгон намайг “Чи ойрдоо их өөр болжээ” гэцгээнэ. Найз нөхөд, манай гэрийнхэн, бас хамаатнууд маань надаас “Чи юунд явж байгаа юм бэ?” гэж, эсвэл “Ямар нэгэн юм болоо юу?” гэж асуусан ч би тэдэнд ямар ч хариулт өгдөггүй байлаа. Намайг Бурханы сүмд явдаг гэдгийг мэдвэл шоолно гэж айсандаа тэр л дээ. Гэвч нэг ч үсэг, нэг ч зураас алга болохгүй биелсэн Библийн зөгнөл судалснаасаа хойш зүгээр суугаад байж чадсангүй. Өөртөө л хадгалаад байж болохгүй үнэ цэнэтэй үнэнийг би хамгийн түрүүнд гэр бүлийнхэндээ дамжуулж эхэллээ. Сэтгэл санааны бэлтгэлтэй байсан ч гэрийнхэндээ авралын мэдээ дуулгана гэдэг бодож…

Энэтхэг, Пудучерри / Ракеш Кумаракунта Ратинам

​“Сайн байна” гэж хэлэх нь гэр бүлийг бүхэлд нь аз жаргалтай болгодог

“Хань аа / За. / Арын цэцэрлэгт байсан дэгдээхий харав уу? / Харсаан. / Хаана байна? / Тамиргүй хөгшин биедээ зориулаад идчихсэн хө. / Сайн байна! Сайн байна! Сайн байна! Сайн байна! Ашгүй дээ хө.” Энэ бол “Сайн байна! Сайн байна!” гэж нэртэй Солонгосын нийтийн дууны нэг хэсэг. Хөндлөнгөөс харахад нөхрийн тарьсан хэрэг тийм ч сайн үйл биш аж. Уг нь тэднийх дэгдээхийгээ өсгөж, том болохоор нь зарсан бол амьжиргаанд нь нэмэртэй байх байсан. Гэвч нөхөр нь эхнэрийнхээ санаа бодлыг нь ч асуулгүй ганцаархнаа идчихэж шүү дээ. Ийм байдалд эхнэр нь уурласан ч нөхөрт нь хэлэх үг байхгүй. Гэвч эхнэр нь нөхрөө сайн юм хийж гэж магтжээ. Эхнэр нь нөхрийнхөө томоогүй занг ч тоохгүй магтсан нь сайхан харагдсан болоод ч…

Амийн титмээ бат зуурах минь

Бусдын хувьд энэ өдөр жирийн нэг, байдаг л өдөр байсан байж мэдэх ч миний хувьд бол дэндүү онцгой өдөр байлаа. Баяртай мишээсэн Бурханы сүмийн хэдэн хүн надад Эх Бурхан байдгийг мэдүүлж, авралын амлалтын тухай сайн мэдээ тунхагласан юм. Үнэхээр гайхамшигтай байснаар барахгүй би Библийн тухай илүү ихийг мэдэхийг хүссэн ч ээж маань намайг гадны хүнээс болгоомжлох ёстой гэж сургасан болохоор нухацтай шийдвэр гаргах гэсэндээ Библи сурахаа маргааш нь хүртэл хойшлуулахаар шийдлээ. Яг тэр үдээс хойш нь би нэгийг нь ч мартахыг хүсэлгүй, гэртээ очоод, зааж өгсөн ишлэлийг тодруулав. Нөгөөтэйгүүр дотроо “Би угаасаа сүмд явдаг шүү дээ. Тэд нартай дахин уулзах хэрэг надад үнэхээр байна уу?” гэж бодсон. Гэвч тэр өдөр миний сурч авсан Бурханы үг сэтгэлд маань гүн шингэсэн байлаа.…

Шанге Валомвелени Нава / Африк, Намиб, Виндхук

Гарын минь хээнцэр тансаг хумс

Бага байхад нэг ийм юм болж билээ. Би арав орчим л настай байсан. Сургуульдаа ирж очих замд маань нэг гоо сайхны дэлгүүр байдаг байлаа. Тэр дэлгүүрийн гадна хумсны будаг дүүрэн сагс байдаг байсан сан. Нэг удаа надаас хоёр насаар дүү охин дүү бид хоёр дэлгүүрийн хажуугаар өнгөрөхдөө тэр сагсны өмнө зогсов. Өнгө өнгийн шингэнээр дүүргэсэн жижигхэн шилтэй лакнууд ёстой гоё харагдаж байлаа. Өмнө нь би хумсаа огт будаж үзээгүй болохоор хааяа найзууд маань надад будсан хумсаа гайхуулахад нь миний атаархал төрдөг байсан л даа. Магадгүй тэрнээс ч болсон уу, сагстай хумсны будагнаас би өөрийн мэдэлгүй нэгийг бушуухан аваад халаас руугаа хийчихлээ. Яг тэр үед худалдагч дэлгүүрийнх нь урд нэлээн удаан зогссон биднийг сэжиглэнгүй байдалтай гарч ирэв. Тэрийг гялс анзаарсан дүү…

Ким Ду Ён, Аргентин Буэнос Айрос

Бэрхшээлийг эв эеэр даван туулна

Дэлхий дахиныг хамраад байгаа Ковид-19 өдөр тутмын амьдралд маань олон өөрчлөлт авчирсан. Телевизийн мэдээ, сонин, гамшгийн талаарх мэдээ мэдэгдлүүдээр дамжуулан хувийн эрүүл ахуйн талаар болон “олон нийтээс зай барих” зэргийг мэддэг болсон тул бидний гэртээ байх цаг хугацаа улам нэмэгдэж байна. Гэрээсээ огт гарахгүй зөвхөн гэртээ олон хоногоор байж үзээгүй болохоор эхэндээ би гэртээ цагаа яаж өнгөрүүлэх тухайд санаа зовж байсан л даа. Үүнээс гадна өвлийн амралтаараа нэлээн удаан амарсан хүүхдүүддээ өдөрт гурван удаа хоол унд гээд ширээ засна гэдэг амаргүй ажил байв. Нэг өдөр бага хүү маань хоолны үеэр ингэж хэлэв. “Ээж ээ! Бодоод байхад гэрийн ажил хэцүү биш хэрнээ жаахан ядаргаатай юм аа” гэх нь тэр. Дараа нь тэрээр намайг гэрийн ажлаа ганцаараа хийгээд байлгүй, хуваагаад хийж байя…

Гвон Ми Сүг, Солонгос Сөүл

Одоо бидэнд хэрэгтэй зүйл, “өршөөл” ба “уучлал”

Дээр үед эрдэм номтой хүмүүс барагтай бол уурладаггүй, өршөөж, уучилж, тэвчдэг байхыг сайхан чанар гэж үздэг байжээ. Гудамж замд байдаг чадлаараа орилох юм уу дүрсхийн уурлаж муудалцах нь дорд хүмүүсийн хийдэг соёлгүй үйлдэл байжээ. Тэгтэл хэзээнээс ч юм хэн нэгэн дуугаа өндөрсгөн ярих нь харин ч ноён шиг хүндлүүлж байгаагийн хэлбэр болж. Хорвоо ертөнц өөрчлөгдсөн гэхэд дэндүү өөрчлөгдөж дээ. Хамтын ертөнцөд олон хүнтэй харилцаж амьдрахаар шархлах, шархлуулах зүйл их гарна. Хачирхалтай ч үнэндээ хүн өөрийнхөө бусдад хийсэн бурууг амархан мартчихдаг ч бусдын өөрт нь хийсэн бурууг санасаар байдаг. Тиймд хэзээ нэгэн цагт өшөөгөө авна гэж дотроо шийдэх нь ч бий. Тиймээс уур бухимдал эцэстээ өөрөө өөрийгөө л сүйрүүлэхэд хүргэдэг. “Anger (уур уцаар)” дээр ганц үсэг нэмэхэд “danger (аюул)” болох бөгөөд…

Зөгийн балнаас илүү чихэрлэг, шижир алтнаас илүү үнэ цэнэтэй үр жимс

Даллас Сионд маань нэгэн гал сөнөөгч ах дүү байдаг юм. Осол аваар болсон халуун цэг дээр очдог ажлын онцлогтой болохоороо Бурханы хамгаалалт ямар их хэрэгтэйг хэн хүнээс илүү мэдэрнэ. Тиймдээ ч сүүлийн хэдэн жил авралын мэдээг ажлынхандаа байнга тунхагласаар ирсэн л дээ. Гэвч ажлынхан нь ихэнхдээ ах дүүгийн тунхагласныг сонсохыг хүсэхгүй, улмаар түүнтэй маргадаг юм. Зарим нь үнэнийг сурах сонирхолтой байснаа удаа ч үгүй ойр тойрныхоо хүмүүсийн таагүй хандлагаас болоод сэтгэл нь хаагдчихна. Ах дүүд маш харамсалтай байгаа ч өөрийнх нь сүнсний нүд чихийг нээж, үнэнийг ухааруулсан Бурхандаа гүнээ талархдаг юм. Тэрээр санаа тавьдаг ажлын газрынхнаа аврах гэж хүчин зүтгэсэн хэвээр байлаа. Коронавирусын дэгдэлт даамжирч, дордох тусам ах дүү ажлынхнаа аврахыг бүр ч илүү хүснэ. Ажлынхандаа нэг нэгээр нь Бурханы…

АНУ, TX, Даллас Бурханы сүм

Хүн бүрийн авралын төлөөх гайхалтай төлөвлөгөө

Хүний амьдралд тохиолддог олон үйл явдал дунд жирийн нэг санаандгүй явдал ч байдаг, амьдралыг бүхэлд нь өөрчлөх үйл явдал ч байдаг. Би эхнэрээрээ дамжуулан Елохим Бурханыг хүлээн авсан болохоор эхнэртэйгээ учирсан маань амьдралд цор ганц тохиох үйл явдал гэж болно. Эхнэр маань Өмнөд Америкийн Колумбаас гаралтай. Ахлах сургуульд байхдаа аав ээжийгээ дагаад Канад руу нүүж ирсэн. Анх Виндсор хотод сууршиж байсан эхнэрийн маань гэр бүл төд удалгүй Квебекийн Монреаль руу явахаар төлөвлөжээ. Харин төлөвлөгөө нь өөрчлөгдөж Монреалийн оронд Эдмонтон хотод суурьшжээ. Тухайн үед ахлах сургуулийн сурагч байсан эхнэр маань Эдмонтоны олон сургууль дундаас нэг сургуулийг нь сонгож сурсан нь манай сургууль байлаа. Бид сургуульд байхын ойр дотно харилцаатай болсон л доо. Намайг их сургуульд ч орж, Эдмонтоноос яваад, төгсөөд буцаад…

Жошуа Майкл Димм / Канад, Эдмонтон

Хагацал үзэж, шархалсан хүнд сэтгэлийн дэм болох нь

Хэн хүнгүй амьдралдаа их бага хагацал үзсэн байдаг. Хагацаж, алдсан хүн нь тэдний найз нөхөд, ар гэр, ажлынхан, танил гээд хэн ч байж болно. Хэнийгээ алдсанаас хамаарч уй гашуу, гуниг зовлон харилцан адилгүй байдаг ч хайртай ар гэрийнхнээ алдах нь юу юунаас илүү уй гашуу авчирдаг шүү дээ. Гэрийнхнээ алдах уйтгар гунигаас хэн хүнгүй зугтахыг хүсдэг ч түр ч бай, бүр ч бай хүн бүрд тохиолддог зүйл. Дотно байсан өвөө эмээгээ алдсан бяцханууд, алс хол хүний нутагт сурахаар явсан хүүхдээ санах эх, уулзахыг хүссэн ч уулзаж чадахгүй хагацсан гэр бүл, удаан хугацаанд өвчинтэйгөө тэмцэж байгаад амьдралаа эцэслэсэн аавыгаа санах охид, бараг амьдралынхаа талыг хамт туулсан нөхрөө алдсан эхнэр, ослоор алдсан хүүхдээ сэтгэл зүрхэндээ оршуулсан эцэг эх гээд л. Эргэн тойронд…

​Ах дүүсийн хайр нь аав ээжээ ачлах хамгийн дээд ачлал

И Сон Ги Солонгосын Чусон гүрнийг байгуулж, Тэжу хаан гэгдэх анхны хаан болов. Түүний тав дахь хүү И Бан Вон ихээхэн алдар нэр хүссэн нэгэн байжээ. Эцэг нэгтэй эх ондоотой дүү нарынх нь нэг угсаа залгамжлах хунтайж болоход уурласан И Бан Вон хоёр дүүгээ хоёуланг нь алжээ. Дараа нь Тэжу хааны хоёр дахь хүү хаан ширээнд заларсан боловч энэ удаа эх нэгтэй ах дүүс болох И Бан Вон, дөрөв дэх хүү И Бан Ган нарын хооронд зөрчилдөөн гарсан байгаа юм. Эхний эвдрэлцлийг ханхүү нарын эхний тулаан, харин дараагийнхыг нь ханхүү нарын хоёр дахь тулаан гэж нэрийддэг байна. Чусон улсын эхэн үед тохиосон энэхүү гэр бүлийн эвдрэлцлээс үүдсэн эмгэнэлт явдал өнөө үед ч мөн байн байн тохиодог. Хөрөнгийн стандартын дагуу топ…

Халуун дулаан үг айл гэрийг аварна

“Үг хөлгүй ч мянган бээрийг туулдаг”, “Үг түмэн зоосны өр төлдөг” гэх мэт хэлц байдаг. Энэ нь үгийн хүчийг харуулсан ч үгийн хүч үүгээр зогсохгүй. Ганц үгнээс болж гэр бүлийн харилцаанд ан цав гарч, ганц үгнээс болж гэр бүлийн хайр улам бүр зузаардаг болохоор айл гэрийн аз жаргалыг ч үг л захирна. Өрх гэрийн гишүүдийн ярьж байгаа байдал нь тэр айлын эв эе хичнээн бат бэх, хичнээн амар тайван байдгийг харуулдаг. “Яаж хийхээрээ ийм ажил хийдэг байна аа?” “Өдөржин гэрийн мухар сахисан байж юу хийдэг байна аа?” “Чи хэнийгээ дуурайхаараа ийм зөрүүд байдаг юм бэ?” Иймэрхүү сэтгэл зүсэм үгийг тоох ч үгүй урсгаж байдаг гэр бүлийн дотор хайр оршин тогтнохгүй. Хэн ч бай гэртээ халуун дулаан, ая тухтай байхыг хүсдэг.…

Гэрийн ажлаа хуваарилах нь гайхамшигт хүч агуулдаг

Хоол хийх, аяга таваг угаах, угаалга хийх, цэвэрлэгээ хийх, гэр орноо эмхэлж цэгцлэх, хогоо ялгах, хогоо асгах, дэлгүүрээр явж хүнсээ цуглуулах гээд л. Гэрийн ажил өдөр бүр л давтагдана. Хийлээ гээд тийм ч их мэдэгдэхгүй хэрнээ хийхгүй бол харин ив ил харагдаж байдаг. Гэрийн ажил гэдэг энгийн, өчүүхэн шалихгүй мэт санагддаг ч үүнээс л болж чамгүй олон гэр бүл зөрчилддөг шүү дээ. “Тэр яахаараа гэрийн ажил хийхэд минь тусалж болдоггүй юм?”, “Намайг өдөржингөө ажил хийгээд ирж байхад яахаараа намайг гэрийн ажилд туслуулах гэдэг байна аа?”, “Ээж л үүнийг хариуцна” гэх зэргээр зөрчилдөх энүүхэнд. Асуудал нь гэрийн ажил биш, харин гэр бүлийн гишүүдийн хоорондын ойлголцлын зөрүүнд л байгаа юм. Зарим үед гэрийн ажил хиймээргүй санагдаж, гэрийн ажил хийнэ гэдэг нэг л…