Итгэл & Амьдрал

“Бөглөө гэнэт мултарна” гэгчээр

Манайх нүүх гэж байгаа болохоор би шөнө дөл болтол гал тогооны өрөөгөө цэгцлэв. Хамгийн сүүлд хөргөгчөө цэвэрлэнгээ хуванцар лонхонд юу байгааг харах гээд онгойлгов. Тэр агшинд саван доторх юм гэнэт “пүн” гээд хүчтэй оргилж гарч ирэв. Дээх нь исгэсэн бөөрөлзгөний шүүс сагаж асгах нь тэр. Гал тогоо тэр аяараа, шал таазгүй нил улаан хүрэн бөөрөлзгөний шүүс болов. Ёстой л бөглөө гэнэт мултарна гэгчээр юм болов. Тэр гэнэтийн нөхцөл байдалд би яахаа мэдэхгүй чичирч байлаа. Зочны өрөөнд зурагт үзэж байсан нөхөр маань гал тогоо руу гүйн ирээд гайхаж орхив. Тэрээр нөхцөл байдлыг хурдхан ойлгож, асгарсан зүйлийг цэвэрлэхээр алчуур шүүрч авав. Нөхөр маань хүүхдүүдээ сэрээхгүй гэсэндээ чимээ гаргалгүй гэтэж байсан боловч лонх мултрах дуу нэлээн чанга байсан тул гүн нойрондоо байсан охидууд…

Солонгос, Сөүл

“Тэгт суурилсан сэтгэлгээ”

Түүх судлаач эрдэмтэн Арнольд Ж.Тойнби хэлэхдээ “Хэрэв та өөрт урьд өмнө тохиолдож байсан амжилттайгаа зууралдаад байвал бүтэлгүйтнэ” гэж хэлжээ. Дэлхийн нэрт футурист Алвин Тоффлер “Ирээдүйд амьд үлдэхийн тулд бид өнгөрсөн амжилтаа хамгийн аюултай зүйл гэж үзэх хэрэгтэй” хэмээн анхааруулсан байдаг. Нэг ёсондоо “Би өмнө нь иймэрхүү байдлаар хичээсэн чинь амжилт олсон”, “Энэ л хамгийн шилдэг нь”, “Минийх хамгийн сайн арга нь” гэх мэт үзэл бодлоо хаях ёстой гэсэн үг л дээ. Мэдээж туршлага гэдэг бол үнэт хөрөнгө. Гэсэн хэдий ч өөрсдийн мэдлэг туршлагадаа сохроор итгэх юм бол тэрэндээ л тушигдчихаж мэдэх юм. Цаг хугацаа гэгч өнгөрсөнд үлддэггүй. Энэ ертөнц байнга өөрчлөгдөн шинэчлэгдэж байдаг. Тэгэхлээр бидэнд хэрэгтэй зүйл бол “тэгт суурилсан сэтгэлгээ (Zero-Base Thinking)” гэгч юм. Энэ нь тогтсон хэвшмэл үзэл…

Хийвэл аяндаа мэднэ

Хар багадаа аав ээжийгээ алдаад, амьдралд эрт хөл тавьсан болохоор ч тэр үү хорвоо ертөнц ёстой л дайны талбар шиг байсан. Харж хамгаалах хүн ганц ч байхгүй хүйтэн хөндий аймшигт тэр ертөнцөд бусадтай хөл нийлүүлэх гэж ёстой л үхэн хатан ажилладаг байж билээ. Хожим гэр бүлтэй болсон ч амьдрал мөн л адилхан байлаа. Зах дээр хүргэлтийн ажил хийж, өдөр шөнө солигдсон амьдрал маань нэг л мэдэхэд хэдэн арван жил өнгөрч. Хүүхдүүдийнхээ барааг ч харах зай завгүй өдөр хоногуудад ганц баяр баясал маань захын хүмүүстэй архины мухлагт суугаад, дотроо онгойлгох байлаа. Хэн хэн нь хатуу ширүүн амьдрал туулж ирсэн болохоор бүгд л над шиг гал авалцах мэт түргэн зантай, үг үйлдэл нь ширүүн дориун улс байсан юм. Гэсэн ч нэг гэр…

Ан Бён Чан / Солонгос, Сөүл

​Тайвшрах хамгийн энгийн арга

Аливаа амьтан өөрсдийн хүчийг гайхуулахаараа биеэ байдгаараа сунган том харагдуулах гэдэг. Хүн ч мөн ялгаагүй. Хүн айсан юм уу сэтгэл санаагаар унасан үедээ хамаг биеэ атирдаг ч итгэл дүүрэн үедээ бол толгой дээш өргөн мөр цэх алхдаг шүү дээ. Хөнгөний тамирчид ч гэсэн түрүүлж барианд орж ирэхээрээ бүгд л хоёр гараа дээш өргөж харагддаг нь үүнтэй холбоотой. Үнэн хэрэгтээ дотоод мэдрэмж гадаад хандлагаар илрэх нь байдаг ч эсрэгээрээ хүний дотоод мэдрэмж гадаад хандлагын нөлөөнд өөрчлөгддөг аж. Туршилтанд хамрагдсан хүмүүс “Wonder women” шиг цээжээ тэвхийлгэн хоёр гараа бүсэлхий дээрээ тавиад нуруу цэх суух, эсвэл хоёр гараа толгойныхоо ард авах зэргээр зоригтой хандлага үзүүлэхэд тэдний өөртөө итгэх итгэлийн даавар 20%-иар нэмэгдэж, эсрэгээрээ стрессийн даавар нь 25%-иар буурсан нь туршилтаас харагджээ. Энэхүү өөрчлөлт…

Хүн бүр ялагч болох боломж, зөрчил маргаан

Өнөө үед манай нийгэмд өрх гэрийн гишүүдийн дунд гэмт хэрэг маш их гарах болсон. Хоорондын харилцаа дутуугаас болоод харин ч хамгийн их хайрлан, халамжлах учиртай гэрийнхэн нь гэмт хэргийн бай болж байгаа хэрэг. Удаан хугацааны зөрчил маргаан сэтгэл санааны сөргөлдөөнийг даамжруулж, хэт туйлширсан үйлдлийг өдөөх гол шалтгаан болдог. “Өрх гэрээ товхинуулах нь цэцэрлэгээ арчлахтай адил” гэж хэн нэгэн хэлсэн байдаг. Зэрлэг өвс, хогийн ургамлыг нь цагт нь зулгаахгүй бол үзэсгэлэнтэй цэцэрлэг ч хүртэл хогийн ургамалд дарагдана. Аливаа зөрчил маргаан гэдэг бол гэр бүл хэмээх цэцэрлэгийн хогийн ургамал гэсэн үг. Жаргалтай, өв тэгш гэр бүлийн дотор ч байнга л зөрчил маргаан гардаг. Нэг ёсондоо зөрчил маргаан гэдэг бол тэд амьд байгаагийн, мөн бие биедээ хайртай байгаагийн л баталгаа юм. Зүгээр нэг…

Бурханы чинхүү сэтгэл

“Мин ээ, гэртээ ирээд хэд хонож болох уу?” Ердийнхөөсөө арай өөр, түгшүүртэй өнгө аясаар ээж маань ийн утасдав. Ах бид хоёрын санааг зовоохгүй гэж барагтай бол ярьдаггүй ээж маань гэнэт утсаар ярихыг бодвол нэг юм болсон нь гарцаагүй. Нээрээ л тийм байлаа. Ээжийн нурууны диск нь муудсанаас болоод яаралтай тусламжийн эмнэлэгт хүргэгдсэнээр барахгүй бие нь дээрдэхгүй байгаа тул нэг хэсэгтээ эмнэлэгт хэвтэх шаардлагатай болсон бололтой. Тиймээс би яаралтай чөлөө аваад, шууд аавынх руу явлаа. Эмнэлгийн орон дээр хэвтэж байсан ээжийн маань биеийн байдал миний бодож байснаас ч ноцтой байлаа. Сууж ч чадахгүй, босоод алхаж ч чадахгүй болохоор хэвтрийн байдалтай байхаас өөр аргагүй байлаа. Хоол ундаа өөрөө ч ууж идэж чадахгүй, бас ганцаараа бие засаж ч чадахгүй болсон байлаа. Жаахан хөдлөх…

Паг Дун Мин / Солонгос, Анян

Гэрийнхэнтэйгээ хайрлах өнгө аясаар утсаар ярь

Та өдөрт гэрийнхэнтэйгээ хэдэн удаа утсаар ярьдаг вэ? Хэн нэгэн рүү залгах, эсвэл тань руу хэн нэгэн залгана гэдэг сайхан хэрэг шүү дээ. Утсаар ярьж байна аа гэдэг таныг эрж хайж, үгүйлж байгаа хэрэг. Энэ нь бид ганцаардаж байгаа биш, бусадтай харилцаатай байгаа гэсэн үг биз дээ. Нэгэн яруу найрагч “Нэрийг нь л дуудахад над дээр тэр минь ирээд, цэцэг болдог” гэж шүлэглэсэн байдаг. Харин ирж байгаа хүн үзэсгэлэнтэй цэцэг байх уу, хатсан цэцэг байх уу гэдэг нь хэрхэн дуудахаас шалтгаална. Хэн нэгнийг эелдэг халуун дулаан өнгө аясаар ярих үед сайхан хариулах амархан байдаг бол ширүүн дориун хүйтэн өнгө аясаар утасдвал хариулах амаргүй. Залгаж байгаа хүний дуу хоолойнд нөгөө хүнээ гэсэн сэтгэл нь шингэсэн байдаг. Хайртай гэрийнхэн рүүгээ хайрлах сэтгэлээр…

Зөөлөн үг, ний нуугүй сэтгэл

Хамгийн тав тухтай газрыг төсөөлөхдөө хүмүүс ихэвчлэн орондоо хэвтэж байгаагаар, буйдан дээр амарч байгаагаар төсөөлдөг байх. Зөөлөн матрас, хөвсгөр зөөлөн дэр биеийн тань алжаалыг тайлж, бие тайвшрахаар дагаад сэтгэл оюун тайвширдаг даа. Үүний нэгэн адил бидний хэлэх үг хэн нэгний сэтгэлийг тайвшруулж, чихэнд нь, сэтгэлд нь таатай, зөөлөн байх ёстой. Хүнээс юм хүсэх, хэн нэгний хүсэлтээс татгалзах, зөвлөгөө өгөх, үзэл бодол өөр байгаагаа илэрхийлэх зэрэг зөрчил маргаан үүсгэж болзошгүй нөхцөл байдалд ийм бодолтой харилцах нь онцгой чухал. Тийм мөчид бусдын сэтгэлийг шархлуулахгүйгээр санаа оноогоо бусдад хүргэх арга замаар ярих шаардлагатай. Зөөлөн, хүндэтгэлтэй үг хэллэг ашиглах нь таны үгийг зөөллөхөд тустай тул нөгөө хүн илэн далангүй хүлээж авах магадлал өндөр байдаг. Ийм анхаарал халамж ихэвчлэн хэрэглэгчдэд үйлчлэх тухайд чухал байдаг л…

Зорилго, зорилт, төлөвлөгөө

Зорилгодоо хүрэхийн тулд эхлээд зорилт тавих хэрэгтэй. Зорилго гэдэг нь хийсвэр санаа, хэрэгжүүлэхийг хүсэж буй туйлын зорилго, чиглэл, харин зорилт нь тухайн зорилгоо биелүүлэхийн тулд тодорхой хэрэгжүүлэх арга хэмжээ, үйл ажиллагаа юм. Харин төлөвлөгөө бол тухайн зорилтоо зохицуулж болохуйц жижиг жижиг алхам, тодорхой үйлдэл болгон задалж байгаа хэрэг. Жишээлбэл гэр бүлээрээ арал руу аялж, загасчилж, хамтдаа далайн хоол идэхээр төлөвлөж байна гэж бодъё. Энэ хувилбарт зорилго нь гэр бүлийн эв эе, зорилт нь аялалд явах, төлөвлөгөө нь загасчлах, далайн хоол идэх юм. Гэхдээ зорилгодоо хүрэхийн тулд дандаа анхны төлөвлөгөөгөө яг төлөвлөсөн шигээ дагаж мөрдөх ёстой юу? Хүмүүс голдуу бүх зүйл төлөвлөгөөний дагуу болж байж хэвийн явагдана гэж боддог. Үүнээсээ болоод хүн барагтай бол төлөвлөгөөндөө өөрчлөлт хийх дургүй. Ялангуяа төлөвлөх явцад…

Аз жаргал талархлын хаалгаар орж ирдэг

Бүх зүйл дээр гомдоллодог нэгэн залуу байжээ. Тэрээр багшийнхаа лекцийг сэтгэлд хүрсэнгүй гэж шүүмжилж, юм л бол эргэн тойрныхондоо уурлаж ундууцан, таагүй үгсээр гомдоодог байв. Тэрээр бодит байдалдаа сэтгэл дундуур байдаг тул бүхнээс зугтахаар шийдэн, ганцаарчилсан аялалд гарчээ. Гэтэл нислэг нь хойшлогдох, хэтэвчээ алдах гэх мэтээр түүний аян замд элдэв бэрхшээл тасарсангүй. Цөхрөнгөө барсан тэрээр боломжийн үнэ өртөгтэй өрөө хайж явтал нэгэн эмгэн түүнийг гэртээ урьж, халуун шөлөөр дайлж, ойр зуур хуучлангаа “Хүний амьдралд сайн сайхныг дууддаг гайхалтай үг байдаг юм шүү” хэмээн намдуухан өгүүлэв гэнэ. Настны хэлсэн эл үгэнд залуу чих тавин анхааралтай гэгч нь сонсов. Улмаар үгийг нь сэтгэлдээ сийлэн, тэр өдрөөс хойш өөрөөр амьдрахаар шийджээ. Үнэхээр л сайн сайхан зүйл ар араасаа тохиож, тэрээр улам жаргалтай болж…

Кинцүги арга техник

Вааран эдлэл их эмзэг, амархан хагардаг. Нэгэнт цуурч хагарсан бол ер нь л хэрэггүй болж хаягддаг. Гэвч заримдаа хагарснаараа Кинцүги урлалаар дамжуулан дахин сэргэх үедээ бүр илүү үнэ цэнэтэй болдог байна. Кинцүги (金継ぎ) гэдэг нь “алт” гэсэн утгатай кин (きん) болон “залгаас” буюу “нөхөөс” гэсэн утгатай цуги (つぎ) хоёроос бүтсэн япон нийлмэл үг аж. Энэ нь модноос ялгардаг өтгөн, наалдамхай бодис болох давирхайг алтны ялтастай хольж, ваарын цууралт болон хагархай хэсгүүдийг нь нааж засах уламжлалт арга техник юм. Домогт өгүүлснээр 15-р зууны Японд нэгэн жанжин дуртай цайны аягаа хагалснаар энэ арга техник үүссэн аж. Аягаа засуулах найдвараар жанжин Хятад руу илгээсэн боловч аяга нь метал төмрөөр эв хавгүй гэгч нь хадсан байдалтай буцаж ирсэн нь үзэмжгүй болсон байж гэнэ. Жанжин…

Мпемба эффект

Халуун бүлээн ус, хүйтэн ус хоёрыг хоёуланг нь хөлдөөгчинд хийвэл аль нь хамгийн түрүүнд хөлдөнө гэж та бодож байна? Ус 0 хэмд хөлддөг болохоор хүйтэн ус нь илүү хурдан хөлдөх ёстой гэж бид боддог. Гэхдээ гайхалтай нь халуун ус нь илүү хурдан хөлддөг байна. Нийтлэг ойлголтын эсрэг энэ үзэгдлийг “Мпемба эффект” гэж нэрлэдэг. Танзани улсын Эрасто Мпемба (Erasto Mpemba) хэмээх өсвөр насны хүүгийн асуултаас үүдэн энэхүү үзэгдлийг нээсэн аж. Нэгэн физикч сургуульдаа лекц уншихаар ирэхэд Мпемба олон жилийн өмнө ажигласан зүйлийнхээ талаар асуужээ. Тэрээр зайрмаг хийх явцдаа сүүг элсэн чихэртэй хольж буцалган, хөлдөөгчинд хийтэл анхнаасаа хүйтэн байсан найзынх нь сүүнээс илүү хурдан хөлджээ. Хэдийгээр бусад нь түүнийг шоолж инээлдэж байсан ч уг физикч хүүгийн асуултыг нухацтай авч үзсэн аж. Тэрээр…

Морио хэдэн алимаар зарсан настан

эгэн хөдөөний өвгөн өөрийнхөө ганц өмч болох морио зарж наймаа хийхээр хот газрыг зорьжээ. Тэрээр эхлээд морио үнээгээр сольж гэнэ. Дараа нь үнээгээ хониор, дараа нь хонио галуугаар, галуугаа тахиагаар, эцэст нь тахиагаа нэг хайрцаг муудсан алимаар сольжээ. Тэгтэл хоёр эр нэгэн дэн буудалд өнөөх өвгөн хийсэн наймаагаа ярихыг нь сонсоод хөгжилдөн, “Эмгэн чинь таны хийсэн үйлдлийг сонсоод уурлахгүй бол зуун фунт алт өгнө” гэж мөрийцөөд хамтдаа өвгөний гэр рүү явав. Өвгөн гэртээ ирж, эмгэндээ наймаа хийсэн түүхээ ярихад хөгшин нь алхам тутамдаа инээмсэглэн, “Ухайс даа, зүйтэй!”, “Сайн байна!”, “Яг болж байна!”, “Ямар ухаалаг наймаа вэ?” гэх зэргээр хариулав гэнэ. Тэгээд өвгөн эцэст нь хайрцаг муудсан алимтай л үлдсэн гэдгээ хэлтэл эзэгтэй царай нь гэрэлтэж, “Ямар ч байсан алим хэрэгтэй…

Хатаагдах нь

Газар тариалангийн багаж хэрэгсэл, үйлдвэрлэлийн тоног төхөөрөмж, зэр зэвсэг зэрэгт хэрэглэгддэг төмөр тухайн тэр зорилгоо биелүүлэхийн тулд онцгой хатуу бат бөх байх ёстой. Үүнийх нь төлөө галд улайстал нь халааж, дахин дахин цохиж давтан, хурдан хөргөхийн тулд усанд дүрнэ. Энэ явц төмрийг хольцноос нь цэвэршүүлж, дотоод бүтцийг нь өөрчилж, бат бөх байдлыг нь ихээхэн нэмэгдүүлдэг. Уг техникийг төмөр хатаагдах гэж нэрлэдэг. Давтах тусам төмөр илүү хатуу бөх болно. Эртний Пэгжэ улсад урласан домогт Долоон салаа сэлэм энэ үйл явцыг зуун удаа давж гарсан гэдэг. Хатаагдах нь түүхий металлыг бат бөх, үнэ цэнэтэй хэрэгсэл болгон хувиргадаг чухал өөрчлөлт юм. Хүмүүс зовлон амсаж, зовлон туулж байж төлөвшиж ухааждаг гэдэг. Амьдрал чинь галд улайсгуулж, алхаар давтуулж, тэсгим хүйтэн усанд шидүүлж байгаа мэт хэцүү…

Бух өргөсөн хүн

МЭӨ 6-р зуунд Грекийн Кротон мужид Олимпийн зургаан удаагийн аварга Мило хэмээх алдарт бөх амьдарч байжээ. Бөхийн барилдаан гэдэг тамирчид өрсөлдөгчөө нүцгэн гараараа барьж ноцолдон, унагах ёстой спорт учраас биеийн хүч болон тэсвэр хатуужил л тэдний амжилтыг шийдвэрлэдэг байна. Домогт өгүүлснээр Мило нэг тонн гаруй жинтэй бух өргөж чадсан тийм гайхам бяр тэнхээтэй нэгэн байжээ. Ингэхэд тэрээр тийм гайхалтай хүч чадалтай болохын тулд ямар бэлтгэл сургуулилт хийгээ юм бол? Тэрээр багадаа нэгэн нялх тугал мөрөн дээрээ өргөдөг энгийн дасгал хийж эхэлж. Тугал нь өргөж чадах хэмжээний хөнгөн байсан тул тэрээр тугал өргөхийг өдөр тутмын ажил болгосон байна. Тугал нь аажмаар том бух болон өсөхөд ч Мило түүнийг өдөр бүр өргөсөөр л байв. Дөрвөн жилийн хугацаанд өнөөх бух нь ч нас…

Ялзарч мууддаггүй нарс мод, гвансол

Бар арьсаа үлдээж, хүн нэрээрээ дурсагддаг шиг нарс мод үхэхдээ “гвансол” хэмээх нэгэн онцгой зүйл үлдээдэг. Нарс ширүүн салхинд хугарахдаа, эсвэл тайрч огтлох үед давирхай гэж нэрлэгддэг наалдамхай бодис ялгаруулдаг. Хүний бие цус гарч, шархалж, эдгэрдэг шиг давирхай нь модны шархаа хамгаалж, эдгээх байгалийн арга юм. Цаг хугацаа өнгөрөхөд энэ давирхай нь модонд шингэж, хатуурдаг нь гвансол юм. Гвансол нь энгийн нарснаас илүү нягт, хатуу байдаг. Түүний өсөлтийн цагиргууд нь тод, мөн цэвэр, агаар цэвэршүүлэгч үнэрээрээ алдартай ургамлын фитонцид агуулдаг төдийгүй агар модноос ч илүү хурц тод үнэртэй байдаг аж. Давирхайн тосоор баялаг гвансол нь галд амархан шатамхай төдийгүй салхинд унтардаггүй тул орчин үеийн түлш шатахуун бий болохоос өмнө бамбар асаах, гал түлэхэд тохиромжтой байжээ. Түүний шигүү, давирхай бүхий ширхэгнүүд…

Хүүхэд аварсан горилла сармагчин

1996 онд АНУ-ын Иллинойс мужийн Брүкфилд амьтны хүрээлэнд гурван настай хүү тоглож байгаад гориллуудын хашаанд унан, ухаан алджээ. Горилла төрлийн сармагчин ерөнхийдөө зөөлөн авиртай ч нутаг дэвсгэрт нь халдах үед түрэмгий болж, маш аюултай нөхцөл байдал бий болдог байна. Хүүгийн ар гэрийнхэн болон хажуугаас нь харж байсан хүмүүс яахаа мэдэхгүй сандралдаж байтал нэг горилла хүүхэд рүү тайвнаар ойртов гэнэ. Дараа нь болсон зүйл бүгдийг гайхшируулах нь тэр. Горилла хүүхдийг өвөр дээрээ зөөлөн тавьснаа нурууг нь аяархан алгадан илбэж, тэр ч байтугай хүүг хамгаалах гэсэн аятай бусад сармагчингаас халхалж байв. Аврах багийнхныг очиход тэрээр бүр хүүг болгоомжтой гэгч нь өргөн, аврагчдад авчирч өгч, хүүгийн аюулгүй байдлыг хангажээ. Түүний ачаар хүү аав ээжийнхээ энгэрт эсэн мэнд эргэн ирсэн байна. Бинти Жуа нэртэй…

Жирийн асуултуудын цаадах хайр

Саяхандаа би И мэйлээ цэгцэлж байтал хэдэн мессеж нүдэнд тусав. Явуулсан хүн нь дүү охин маань ч гэлээ яг үнэндээ тэр месежнүүд дүүгээс ирсэн биш байв. Ээж намайг гадаадад байхад утсаар холбогдож чадахгүйдээ болоод дүүг өөрийнхөө өмнөөс бичүүлсэн байж. Би тэр И мэйлүүдийг нээхэд энгийн хэдэн асуултаас өөр гойд юм байсангүй. “Сайн хүрч очсон уу?” “Цагийн зөрүүндээ дасаж байна уу?” “Бие чинь гайгүй юү?” “Ачаагаа эвтэйхэн задалсан уу?” “Тэндхийн хоолонд хэр дасаж байна даа?” “Охиноосоо асуух юм ээжид нь их байна. Өнөөдөр яасан бэ?” Охиноо анх удаа хүний нутагт амьдарч байгаад санаа зовсон ээж маань санаа зовнилоо энэ хэдэн энгийн асуултаар илэрхийлж байж. Одоо эргээд бодоход зүгээр эсэхийг маань ээж тэр үед л асуусан биш, үргэлж л асуудаг байсан юм…

Чой Еэ Жү / Солонгос, Хуасон

Галт тэрэгний тасалбарын дурсамж

Баярын өдрүүд ойртох үеэр би аав ээждээ очихоор гэр рүүгээ галт тэргээр явах захиалга өгөхөөр тасалбарын сайт руу нэвтрэв. Амралт баяр ёслолын үеэр тасалбар нүд ирмэхийн зуур дуусдаг тул эртхэн онлайн захиалгаа баталгаажуулав. Хэд хэдэн оролдлого хийж, баахан клик хийсний эцэст би арай гэж тасалбараа авч чадлаа. Сүүлд нь би аав, ээждээ хэзээ очихоо хэлэх гээд нарийн ширийн зүйлийг дахин нягталж үзээд зүрх салгалав. Галт тэрэгний хөдлөх цаг миний бодож байсан цаг биш байх нь тэр. Би өмнө нь ийм алдаа гаргаж байсан болохоор уг нь маш болгоомжтой байсан юмсан. ... Гэсэн ч би дахиад л будилж орхилоо. Энэ энгийн алдаа галт тэрэгний тасалбартай холбоотой мартагдашгүй дурсамжийг маань сэргээлээ. Ахлах сургуульд байхдаа би аавтайгаа хамт нэг чухал ажлаар Сөүл явах…

Ким Хэ Сон / Солонгос, Сөүл

Амжилт гэж юу вэ?

“Байнга дандаа их инээх / Бас ухаантны хүндлэл хүлээх / Багачуудын хайрыг татах / Хуудуугүй шүүмжлэгчид магтуулах / Хуурамч нөхдийн урвалтыг тэвчих / Үзэсгэлэн гоод бишрэн баясах / Өрөөл бусдаас сайныг олж харах / Өөрийгөө бусдад хариу нэхэлгүй / Өглөг болгон зориулах / Чийрэг үрс, цэцэрлэг төгөл, / Чөлөөлөгдсөн нийгмийн нөхцөл / Энэ бүхнийг тоож ажралгүй / Энэхэн дэлхийг илүү сайхан болгох / Бахдал тэмүүллээр наадан тоглож / Баясан дуулж, хөгжин инээлдэх / Амьдралын тань ачаар бусдын амь / Амар тайван амьсгалсныг мэдрэх / Амжилт гэдэг ердөө энэ бүхэн юм.” Америкийн нэр хүндтэй яруу найрагч, гүн ухаанч Ральф Уалдо Эмерсоны (Ralph Waldo Emerson) шүлэг ийм. Солонгосын алдарт бизнесмен энэ шүлгийг толилуулж, хөрөнгийнхөө талаас илүү хувийг хандивлахаар болсноо зарласан нь шуугиан…