Итгэл & Амьдрал

Үүдэндээ хайр дүүрэн угтаж, үдье!

“Би яваад ирлээ.” “За, яваад ир дээ!” “Яваад ирэв үү? Өнөөдөр нэлээн ажилтай байсан байх даа?” Гэртээ орж ирэхдээ хамгийн түрүүнд гадагшаа гарахдаа хамгийн сүүлд дайран өнгөрдөг газар бол гэрийн үүд шүү дээ. Нэг гэрийнхний хувьд өдөр тутмын ажлын төлөө уулзаж, салдаг орон зай, зочин гийчний хувьд гэрийнхэн хамгийн түрүүнд мэндэлж угтдаг газар шүү дээ. Гэрт бол хэсэгхэн газар эзэлдэг ч айл гэрийн үүдний үүрэг харин өчүүхэн биш юм. Гэрийнхнээ гарахад нь үдэж, урам хүч өгөөд, гэртээ орж ирэхэд нь баяртайгаар угтан авах үед гэрийн үүд гэдэг зүгээр нэг орж гардаг орон зай биш, харин харилцан ойлголцох, эвсэн нэгдэх орон зай болж хувирах юм. Энэ сард гэрийнхээ үүдийг хайр дүүрэн газар болгоорой. Гэрийнхнээ орж гарах бүрд нь сэтгэлийн жаргал эдлээд…

Ачлалт ёс гэдэг нь

Саяхан миний баруун бугуй өвдсөн юм. Нэг их тоолгүй, удахгүй зүгээр болчих биз гэж бодлоо. Тэгтэл өдөр өнгөрөх тусам өвчин нь бүр дордов. Бугуйны хамгаалалт зүүгээд, халуун жин тавьж, өвчнийг нь арай гэж тэсэж байлаа. Ахлах ангийн хоёр охин маань миний өвчнийг хараад санаа нь зовсон шинжтэй гэр орны ажилд тус дэм болж эхлэв. Хоолоо идсэний дараа тэд аяга тавгаа угаан, ээлжээр гэрээ цэвэрлэнэ. Бага сургуулийн сурагч отгон хүү маань ч хүртэл “Ээж ээ, би үсийг чинь угаагаад өгье. Өвдөж байгаа гараа та хөдөлгөж болохгүй шүү дээ” гэлээ. Бохирдож заваарсан угаалгын өрөөг цэвэрлэх тухайд тэднийг цэвэрлэнэ гэж санасан ч үгүй. Би өөртөө л “Энэ хавийг би цэвэрлэх хэрэгтэй байдаг, гэхдээ яаж цэвэрлэе дээ” гэж хэлж байсан юм. Тэгтэл ууган охин…

Жан Сүн Хян, Солонгос Сөүл

Хайртай гэрийнхнээ халуун цайгаар дайлцгаая!

Цай бол өрнө дорны аль ч үндэстний уух дуртай унд юм. Цайны гоё тансаг амтыг гаргаж чаная гэвэл цайны ус бэлтгэхээс эхлээд аягалах бүхий л явцад тухайн хүн сэтгэл гаргах ёстой байдаг. Цай чанахад ихээхэн хичээл зүтгэл, цаг зав шаарддаг учраас сайтар шимж уух нь ч мөн хүсүүштэй зүйл билээ. Цай зарим үед хүмүүсийн харилцааны чухал хэрэгсэл болдог. Аяга цай хамт уухад л ярианы уур амьсгал аяндаа бий болж, улмаар ярилцах явцад бие биенээ ойлгож мэдэх нөхцөл бүрдээд ирдэг. Энэ сард хайртай гэрийнхэнтэйгээ хамт цай уух цаг гаргаарай. Гэрийнхнээ хүндэт зочин мэт хүлээн авч, сэтгэл гарган цайгаар дайлаад найрсаг яриа өрнүүлэх аваас зүрх сэтгэлээс ч мөн “анхилуун үнэр” ялгарах болно. Жич Гэрийнхнийхээ амтанд тааруулж цай эсвэл кофе бэлдэх Гэртээ байгаа…

Гээсэн гутлаа олсон минь

Эмээ маань надад байнга л илүү их өгөх гэдэг юм. Намайг бага сургуульд байхад эмээ намайг сайн сураарай гээд нэг ширээ авч өгч байсан. Дунд анги, ахлах ангид эмээ миний сурагчийн дүрэмт хувцсыг авч өгдөг байлаа. Дээд сургуулийн оюутан болж ганцаараа амьдрах үед эмээ янз бүрийн хоолны хачир явуулдаг байв. Надаас юу хэрэгтэйг минь байнга л асууна. Хэдэн жилийн өмнө Солонгос үндэстний баяр болох Чүсог баярын үеэр эмээ маань надад нэг гутал бэлгэнд өгсөн юм. Эмээ бүр нагац, үеэл хоёроос маань хүртэл надад зохих загварлаг гутал сонгож өгөхийг гуйсан байгаа юм. Амралтаа дуусаад буцах болоход намайг хориглосоор байхад эмээ намайг гаргаж өгөх гээд автобусны буудал хүртэл дагаж явав. Сэтгэлдээ эмээгийнхээ хайрыг тээгээд автобусандаа суунгуут дотор яагаад ч юм нэг л…

У Жин Хүи, Солонгос Анян

Шинэ ондоо гэрийнхнийхээ зуршлыг соль

“Хүмүүсийн байнга давтан үйлддэг үйлсийн үр дүн. Тэгэхээр давуу чанар нь хүний үйлс биш, зуршил юм” гэж нэгэн гүн ухаанч хэлжээ. Гүн ухаанчийн ийн хэлсэнчлэн хүн зуршлыг бий болгож, хожим уг зуршил нь хүнийг бий болгодог. Сайн зуршил зөв замаар хөтөлж, илүү сайн хүн болгодог бол муу зуршил замыг чинь хааж, саад тотгор болдог. Түүгээр ч үл барам шалихгүй өчүүхэн зуршил хүртэл ойр дотны гэрийнхэнтэй чинь зөрчилдүүлж мэднэ. Шинэ жил болохоор хэн хүнгүй шинэ зуршилтай болох төлөвлөгөө гаргах нь мэдээж. Ингэхэд та бүхэн засахыг хүссэн зуршлаа, эсвэл шинээр бий болгох зуршлаа тодорхойлж, гэрийнхэндээ хэлэхэд яагаад болохгүй гэж? Тэгээд бие биенээ амжилт гаргах хэмжээнд урам дэм өгөөрэй. Шалихгүй өчүүхэн өөрчлөлт агуу том өөрчлөлт авчирч ч мэднэ шүү дээ! Зөвлөмж Засах хэрэгтэй…

Хүүхдээ гэх хайрын хүчээр өөрийгөө гаргуунд нь гаргадаг ээж

Аяга тавгаа угааж байтал утас дуугарлаа. Ээж залгаж байв. Ээж яагаад залгаж байгааг нь ч би гадарлаж байлаа. Ээж надад хоол хүнс л өгөх гэж байгаа биз. “Би эхэлж залгах ёстой байсан юм сан” гэж бодохоос ээжийгээ их өрөвдөв. Би дөрвөн эгч нэг эрэгтэй дүүтэй хүн. Хэдийн дөч гарчихаад байгаа ч ээжийнхээ нүдэнд би байнга л санааг нь чилээж байдаг нялх охин хэвээрээ. Уг нь эрэгтэй дүү маань гэрийн отгон нь шүү дээ. Гэхдээ дүү ул суурьтай хүү нь болохоор ч тэр үү ээж намайг л айлын отгон нь юм шиг бөөцийлөхийг яана. Би утсаа авч, “За ээж ээ” гэж жаахан хүүхэд аятай хариулав. Миний зөв байлаа. Өчигдөр гэр бүлийн баяр болж, авга нагац нар ирээд, зөндөө юм үлдсэн гээд…

И Сү Жа, Солонгос Гүми

Сэтгэлийн өрөө цайруул

Хэн нэгэнд буцааж төлөх үүрэгтэй зүйлийг өр гэдэг. Хурдхан шиг төлчихвөл сэтгэл онгойж, өрөө төлж байж л найрсаг нааштай харилцаагаа хэвээр байлгана шүү дээ. Сэтгэлийн өр ч мөн адил биш үү. Үнэндээ бид гэр бүлийнхэндээ байнга сэтгэлийн өртэй амьдардаг гэж хэлэхэд хэтрүүлэг болохгүй. Ямар ч болзолгүйгээр хайрлуулж, санаатай санаандгүй гэрийнхнийхээ сэтгэлийг шархлуулж, сэтгэлийг нь зовоодог болохоор тэр шүү дээ. Тэгсэн хэр нь түүнийгээ “Нэг гэр бүл юм чинь яахав дээ” байдаг л юм гэсэн бодлоор тоох ч үгүй өнгөрөх нь элбэг. Жилийн эцэстэй золгохдоо бүтэн жилийн турш гэр бүлдээ тавьсан сэтгэлийн өрөө тооцож үзэхэд болохгүй нь юун? Бие биедээ талархснаа илэрхийлж, шархалсан сэтгэлийг нь аргадан зөөлөлж, халуун дотноор, санаа сэтгэл амар тайвнаар энэ оноо үдээрэй! Зөвлөмж Гэрийнхнээ шархлуулж байсан бол…

Сайн байна!

Нэгэн ээж цахилгаан шат руу хүүхдийн тэрэг түрээд явж байлаа. Тэргэн дээр сууж байсан хүүхдийн үс гялалзан, нүд булаам хөөрхөн аж. Тэгтэл би түүний бугуйн дээр нэг тэмдэг байгааг анзаарав. “Сайн байна” гэсэн үг бичсэн байх шиг харагдлаа. “Алив дээ. Наад бугуйн дээр чинь юу байгаа юм бэ?” Сонирхсондоо болоод би бяцхан жаалаас ингэж асуутал ээж нь өмнөөс нь ийн хариулав. “Цэцэрлэг дээр нь байхад ийм тэмдэг авсан байна лээ. Би усанд оруулахдаа арилгах гэтэл уйлаад байхаар нь энэ хавийг нь угааж чадаагүй юм. Тэгээд л энэ тэмдэг ингээд үлдсэн.” Ээжийгээ усанд оруулж байхад тэр тэмдгээ арилчих вий гэж яасан их санаа зовсон бол гэхээс би өөрийн эрхгүй инээд хүрэв. Магтахаар халим хүртэл бүжиглэдэг гэсэн үг санаанд орох нь тэр.…

Чой Сог Хүи, Солонгос Соннам

Гэртээ инээлгэх хэрэгсэл хийцгээе!

Царай төрх шүхэр хоёрын нийтлэг тал юунд юм бол? Тэнийж байдагтаа л утга учиртай юм. Урвагар царайлж амьдрах хэрэг байна уу гэмээр. Инээж хөөрсөн, гэрэлтсэн царай төрх өөрийг нь аз жаргалтай болгохоос гадна харсан хүнийг ч аз жаргалтай болгодог. Ойр тойрныхондоо хайр, урам зориг өгч, дэмжиж байгаагаа илэрхийлэх нь хамгийн сайхан арга. Инээд хөөр нэмэх үүднээс гэрийнхнээ энд тэнд инээлгэх хэрэгсэл хийгээрэй. Арван секундээс дээш чанга дуугаар инээхэд инээх ашиг тус илүү байдаг тул янз бүрийн инээлгэх арга хэрэгсэл ашиглан, гэрийнхэнтэйгээ хамт инээгээд үзээрэй. Урвагар, баяр хөөргүй байдал нэг мэдэхэд алга болж, инээд хөөр, аз жаргал л дүүрэн байх болно! Зөвлөмж Инээх бүс- Тогтсон нэг газар очих бүрдээ инээх. (“Энэ бол инээх бүс”, “Энд ирвэл зад инээгээрэй” гэж бичээд наах)…

Шоколадтай сүү

Нөхөр маань ажлаа тараад ирэх замаараа гадилтай сүү авчрав. Өмнө нь огт ингэдэггүй байсан л даа. Хааяа гэрийнхэнтэйгээ халуун дулаан дотно цаг өнгөрөөе гээд “Хүүхдүүдтэйгээ хамт гадуур хооллоё” гэхээр “Та гурав идчихээд ир ээ” гээд шууд утсаа тасалчихдаг, заримдаа бүр уур хүрмээр тийм л бүдүүн тоймын хүн байсан л даа. Тэгтэл сүүлийн үед тэрээр хүүхдүүддээ өгөхөөр чихэр жимс, жигнэмэг, зайрмаг гээд амттан үе үе авчирдаг болов. Үнэндээ хүүхдүүд маань гадилтай сүүнд тийм ч дуртай биш. Тэгсэн ч хүүхдүүдээ бодоод худалдаж авчирсанд нь юм яриад байлтай нь биш. “Янз янзын юм аваад сайхан байна. Хүүхдүүд маань шоколадтай сүү, гүзээлзгэнэтэй сүүнд дуртай” гээд тойруугаар дохио өгөв. Гэтэл тэрнээс хойш ч нөхөр маань гадилтай сүү байн байн авчирсан хэвээр. Сүүлдээ бүр түүнээс нь…

Хун Сон Уг, Солонгос Сөүл

Өглөөний мэнд мэд

Солонгост дээр үед хүүхдүүд нь өглөө болгон ээж аавтайгаа мэндэлдэг зан үйл байдаг байлаа. Нүүр гараа угааж, хувцас хунараа цэвэрхэн өмсчихөөд, аав ээжтэйгээ мэндэлж, ор дэвсгэрийг нь хураан, аав ээждээ нүүр гар угаах ус авчирч өгдөг байсан. Өнөөгийн орчин үеийн зай завгүй нийгэмд тийм зан заншил хэдийн алга болж, харин мэндлэхийн үнэ цэнэ хэвээрээ үлдсэн. Мэндлэх гэдэг нь бие биедээ эрүүл энхийг хүсэж, хайр халамжаа илэрхийлэх арга зам болохоор аргагүй шүү дээ. Энэ сард гэр бүлийнхэнтэйгээ өглөө бүр баяртайгаар мэндэлцгээе. “Сайхан амарсан уу?” эсвэл “Өглөөний мэнд!” гээд. Инээмсэглээд, өглөөний мэнд амрыг асуух нь өдрийг аз жаргалтай эхлэхэд тань тустай. Өглөөний мэнд эрсэн мэндчилгээгээр аз жаргалтай өдөрт бэлдэцгээе. Зөвлөмж Өглөө арай эрт босоод, гэрийнхэнтэйгээ мэндлэх. Зүрх сэтгэлдээ баяр хөөр, талархалтайгаар мэндлэх.…

Аавын хамгийн их санаа зовдог хүүхэд

Би дөрвөн охинтой айлын гурав дахь охин нь байгаа юм. Солонгост “Айлын гурав дахь охид хөөрхөн байдаг тул эрчүүд харахгүйгээр эхнэрээ болгоход ч бэлэн байдаг” гэсэн нэгэн эртний хошин үг байдаг л даа. Харин би гэр дотроо аавынхаа санааг хамгийн их зовоодог хүүхэд нь байсан юм. Би бага байхдаа полиомиелит өвчнөөр өвдөж, өндөр халуурч байсан гэсэн. Амьд мэнд гарсан ч бэлхүүснээсээ доош саажилттай болох эрсдэлтэй байсан гэнэ лээ. Тэгээд ямар ч аргаар хамаагүй охиноо эмчлэх гэж тариалангийн газраа хүртэл зарсан аав ээжийнхээ ачаар би доголон ч гэлээ алхаж чаддаг болсон юм даа. Аав маань намайг өрөвдөж, нэг удаа ч алгадаж үзэлгүй, энхрийлэн өсгөсөн юм. Гэсэн хэдий ч би шилжилтийн насан дээрээ гутранги үзэлд автаж, надаас юугаа ч харамлалгүй хайрласан эцэг…

Ха Жон Ү, Солонгос Жинжү

Ээж гүзээлзгэнэ хоёр

Миний бага насанд манайх нэлээн тарчигхан амьдардаг байлаа. Зургаан ам бүлээрээ нэг өрөөнд унтаж, эргэх ч зайгүй байдаг байв. Аав ээж минь дөрвөн хүүхдээ өсгөх гэж бусдын тариалангийн талбайг түрээсэлж тариа тарьдаг байлаа. Нэг удаа бие өвдөж, ээждээ сургуульд явмааргүй байна гэж хэллээ. Тэгтэл ээж гэрт ганцаараа байхад хэн ч чамайг анхаарч асрахгүй юм чинь хичээлээ битгий тасал гээд хүчээр хичээлд явууллаа. Хоёр цагийн турш алхсаар сургууль дээр иртэл бие бүр их өвдөж, тэрэндээ болоод би бөхийн ширээ тэгнэв. Миний байдлыг хараад багш намайг гэртээ харь гэлээ. Дахиад хоёр цаг алхана гэхээс зүрхшээн, сургуулийн амрах байранд жаахан амарсан нь дээр байх гэж би багшид хэллээ. Тэгтэл байдал бүр дордож, сургууль тарчихаад байхад ч хүртэл би босож чадахгүй боллоо. Тэр үеэр…

Паг Ын Жа, Солонгос Гүми

Дүүгийн маань чанасан өндөг

Манай дүү жаахан байхдаа өндөг чанаж сурахыг хүсдэг байсан юм. Тиймээс ээж биднийг цуглуулаад, “Дүүгийнхээ чанасан өндгийг яаж ч муу байсан хамаагүй идээрэй” гэлээ. Эхний удаад өндөгнүүдээ жаахан дутуу чанасан байв. Бидний хэн нь ч тэр өндгийг нь идэх дургүй байхад дүү ирснээ “Гоё байна уу?” гэж асуув. “Тийм байна, ёстой гоё байна” гэж ээж хэлэв. Дүүг магтсаныхаа дараа ээж бидэн рүү “Өндөгнүүдийг нь идээрэй” гэсэн харцаар харав. Тиймээс бид идэхээс өөр аргагүй байлаа. Дүү өндөг чанахыг дахин туршиж үзэхэд ээж маань дүүд чанаж болсон өндгийг яаж ялгадгийг эелдгээр тайлбарлав. Ээжийн энэ шинэ мэдээлэлд дүү маань өөртөө итгэлтэй болж, өндгөө хэт чаначихжээ. Тэрээр хийсэн хоолондоо сэтгэл нь хангалуун байгаа бололтой, гялс амссанаа биднийг идэг гээд ширээн дээр үлдээв. Бид хэд…

Бианка Папапиетро, АНУ GA Атланта

Эхийн сургаал-1

“Бурхан биднийг үргэлж хайрладгийн адил, хайр авахаасаа өгөх нь илүү ерөөлтэй.”

Тодорхой үзэх

Бурханд биднийг хайрлаагүй хором мөч гэж нэгээхэн ч үгүй. Биднийг тэнгэрийн орны тэнгэр элч байсан үед ч үргэлж биднийг эрхэмлэн хайрлаж, хайраар хандан, тэнгэрт тэрсэлсэн гэм нүгэл үйлдээд энэ газар хөөгдөн бууж ирэхэд ч хүртэл тэрхүү нүглийг маань уучлахын төлөө бидний өмнөөс загалмайд цовдлогдсоноороо Өөрийн хайрыг баталсан билээ. Түүнчлэн одоо энэ мөчид ч Бурхан бидэнтэй адилхан дүр төрхөөр нүгэлтнүүдийн газар амьдарч, биднийг хайрлан халамжилж байна. Энэ мэт биднийг үргэлж хайрладаг Бурхан “Би та нарыг яаж хайрласны адил та нар мөн бие биенээ хайрлагтун” (Иох 13:34) гэж сургасан шүү дээ. Бурханаас хайр их авсан шигээ биднийг ч бас бусдыг хайрлаасай гэж Бурхан хүсэж байгаа. Мөн авахаасаа өгөх нь илүү ерөөлтэй хэмээн айлдсан байдаг. “... би та нарт бүх талаар үзүүлсэн. Мөн…

Эхийн сургаал-2

“Бурханыг алдаршуулбал тэр яруу алдар надад эргэж ирнэ.”

Тодорхой үзэх

Бид үр жимс арвин их гаргадаг моддын тухайд, нүдэнд харагдах үр жимс болон мөчрийг нь л анхаарч, үл харагдах үндсийг нь нэг их анзаардаггүй. Гэвч амтат жимс ургаж боловсрох хүртэл нь ус болон шим тэжээлээр хангадаг үндэсний үүрэг туйлын чухал юм. Үндэс байхгүй бол мод ч оршин тогтнох аргагүй, мөчир хичнээн бахим чийрэг байлаа гээд үндэс өөрийн үүргээ гүйцэтгэхгүй бол тэрхүү мод амьдарч чадахгүй, үр жимс ч ургуулж чадахгүй. Үүнтэй адил бид хийгээд байгаа юм шиг харагдах бүхий л ажил үйл бидний хүч, бидний мэргэн ухаанаар хийгддэг юм биш. Харин яг л модны үндэс шиг далдаас үүргээ гүйцэтгэж байгаа Бурханы хүч чадлаар болж бүтдэг гэдгийг мэддэг байх хэрэгтэй юм. “Би хийсэн” гэсэн бодол бол мунхаг хийгээд аюултай бодол юм. Эртний…

Эхийн сургаал-3

“Сайнаар харах нь үзэн ядалтыг төрүүлдэггүй бөгөөд төгс хайрыг бий болгоно.”

Тодорхой үзэх

Энэ газар нүглийн гивлүүр зүүн амьдарч байгаа хүмүүсийн дунд төгс хүн гэж байдаггүй. Хэн бүхэнд сайн муу тал гэж байдаг. Зан чанар ямар ч өөгүй юм шиг харагддаг хүнд ч дутагдалтай тал байх нь гарцаагүй. Авах юмгүй юм шиг харагддаг хүнд ч сураад авчихмаар сайн тал байдаг аж. Үзэн ядах сэтгэл тээн бусдыг харвал үзэн ядмаар зүйл нь л харагдана. Харин сайнаар харах юм бол ивээлтэй сайн талууд нь харагдана. Бүх зүйлийг сайнаар харж хандана гэдэг хэрхэвч амар биш ээ. Харин Бурханы үгэнд түшээд ах дүү, эгч дүүгээ сайнаар харах гэж хичээх юм бол Эхийн сургаалд гардагчлан үзэн ядалтыг төрүүлдэггүй бөгөөд төгс хайрыг бий болгоно. Улмаар Бурхандаа баяр баясгалан өргөж чадах юм. Мөн бид Бурхан миний сүнсийг хайрлаж байгаа шиг…

Эхийн сургаал-4

“Абрахам үеэл Лотод сайн зүйлээр буулт хийсэн үед илүү сайн зүйлээр ерөөл авсны адил, бид нар ч бас ах дүү нарт сайн зүйлээр буулт хийвэл илүү сайн ерөөл авах болно.”

Тодорхой үзэх

Абрахам Бурханд дуудагдаж, үеэл Лотын хамтаар Канаан нутагт очсон үед ийм явдал болжээ. Абрахамын болон Лотын мал өсөж, тэднийг даган явах ар гэрийнхэн нь нэмэгдэв. Тэгэх тусам нь хамт амьдрах газар нутаг хүрэлцэхээ байв. Иймд тэдний малчид өөр хоорондоо маргалдах болов. Абрахам Лотод “Бид хоорондоо маргалдаж болно гэж үү? Өөр өөрийн явах замаа сонгоод тусдаа амьдаръя” гэж хэлэв. Энэ үед Лотоос түрүүлж газраа сонгох эрх Абрахамд байсан. Гэвч тэрээр үеэл Лотынхоо сэтгэлд нийцэх газрыг түрүүлж сонгуулахын тулд буулт хийсэн юм. Дараа нь тэрээр Лотын сонгоогүй газрыг сонгожээ. Тиймээс Абрамын малчид, Лотын малчид хоорондоо маргалджээ. ... Абрам, Лотод —Бид ахан дүүс. Чи бид хоёрын хооронд бас танай манай малчдын хооронд маргаан бүү байг! Чиний өмнө энэ бүх газар байгаа биш үү?…

Эхийн сургаал-5

“Ихэмсэг сэтгэл гэдэг нь гонсойх сэтгэл юм.”

Тодорхой үзэх

Хүмүүс өөртэй нь хүссэнээр нь харьцахгүй байх юм уу эсвэл хүндлэл үзүүлэхгүй бол тухайн хүний сэтгэл гонсойгоод явчихдаг. Энэхүү гонсойх мэдрэмж нь бусдаар өөрийгөө хүлээн зөвшөөрүүлж, өөрт нь үйлчлээсэй гэж хүссэнээс, өөрөөр хэлбэл ихэмсэг сэтгэлээс үүсэлтэй юм. Бид тэнгэрт ёрын нүгэл үйлдэж, энэ газар руу ирсэн нүгэлтнүүд юм. Тиймд ямар ч үед ихэмсэг сэтгэл өвөрлөж болохгүй. Учир нь бусдад хүлээн зөвшөөрөгдөх эрх, хүндлүүлэх эрх нүгэлтэнд байна гэж үү дээ? Энэ газрын зүй тогтлоос харсан ч хүнд хэрэг үйлдсэн гэмт хэрэгтэн шоронд хоригдож, алив эрхээ хасуулан, эрх чөлөөгөө хориулдаг шүү дээ. Гэхдээ бид заримдаа өөрсдийгөө сүнсээр гэмт хэрэгтэн гэдгээ мартчихдаг. Хүн нүгэлтэн гэдгээ мартах юм бол сэтгэл нь ихэмсэг болж, бусдын үйлчлэл хүндлэлийг хүсэх нь лавтай. Бусад хүн өөрийг нь хүлээн…

Эхийн сургаал-6

“Бусдыг ажиллахгүй байна гэж гомдоллолгүй, өөрийн хийх ажилдаа л итгэмжтэй байцгаая. Эзний сэтгэлээр ажил хийх юм бол хэцүү биш баяртай сэтгэлээр хийж чадна.”

Тодорхой үзэх

Бусад нь ажиллахгүй байхад ганцаараа ажиллах ёстой нөхцөл байдал ямагт гарч ирдэг. Тийм үед заримдаа бид “Тэр гэр бүл яагаад хийдэггүй юм бол?”, “Яагаад би ганцаархнаа ажиллах ёстой гэж?” гэх мэтчилэн бодох нь энүүхэнд. Харин Бурхан бидэнд ямар ч үед эзний сэтгэлээр хандах юм бол баяртайгаар ажиллаж чадна гэдгийг сургасан юм. Талбайд ажиллах эзэн ба зарцын талаар авч үзье л дээ. Зарцын хувьд ургац хураах ажилд нэг их ач холбогдол өгөхгүй байх. Зарц хүн бусдаас ихийг хийчих вий гэсэн янзтай хүний нүд хариулж ажилладаг. Тэрээр зөвхөн эзнээ харахад л шаргуу ажиллаж байгаа дүр эсгэнэ. Цагаа л гүйцээвэл тогтсон цалин хөлсөө аваад дуусах юм чинь аргагүй шүү дээ. Харин эзэн бол өөр өө. Эзэн цаг үргэлж ургацын тухайд сэтгэлээ чилээнэ. Яаж…