विश्वास र जीवन

बुबा-आमाको चिन्ता

म घरदेखि टाढा रुसमा बस्ने भएकीले मेरो हालखबर थाहा दिनको निम्ति बुबा-आमालाई आफ्ना तस्वीरहरू पठाउने गर्छु । गत हिउँदमा पहिलो पटक असिना पर्दाको कुरा हो । असिनाको झरी अत्यन्त सुन्दर देखिएको थियो । असिना थापिरहेको मेरो हातको तस्वीर खिचेर मैले बुबा-आमालाई पठाएँ । त्यो तस्वीर देखेर बुबा-आमाले असिनाको बारेमा कुरा गर्नुभयो, र कतै मलाई धेरै जाडो लागिरहेको छ कि भनेर सोध्नुभयो । मैले म ठीक छु, स्वस्थ छु भनेर उत्तर दिएँ । सदाझैँ हामीले हालखबर आदानप्रदान गर्दै साधारण कुराकानी गऱ्यौं । तर केही दिनपछि आमाले मलाई फोन गर्नुभएर न्यानो पञ्जा पठाइदिन्छु भन्नुभयो । उहाँले चिसो मौसमको कारण त्यसो भन्नुभएको होला भन्ठानेकी थिएँ, तर कारण त्यो थिएन । मैले असिना थापिरहेको हातमा लगाएको पञ्जा तस्वीरमा निकै पुरानो देखिएकोले उहाँलाई चिन्ता लागेको…

गाङ यो ना / चेल्याबिन्स्क, रुस

मलाई उत्तर दिनुहोस्

कोमल र नम्र स्वभावकी एक जना स्त्री मेरो छिमेकमा बस्नुहुन्थ्यो । आमासँग मिल्ने उहाँकी सानी छोरीको शील-स्वभाव पनि राम्रो थियो । अपरिचित मानिसहरूसँग नडराउने ती नानी निकै ज्ञानी भएकीले मैले “वाह् साह्रै ज्ञानी । कति मायालु !” भनेर उनको प्रशंसा गरें । उनी शान्त स्वभावकी भएकीले मैले जिस्किँदै, यी नानी त मसित पनि मान्छिन् होला भन्दाखेरि उनकी आमाले हात हल्लाउँदै यसो भन्नुभयो, “यसलाई स्याहार्न कति गाह्रो छ भन्ने कुरा एकैछिन हेरेर थाहा हुँदैन । यो कति रिसाहा छे, त्यो त दिनभरि योसँगै हुने मलाई मात्र थाहा छ ।” एक दिन म अलिबेरसम्म उहाँको घरमा बसें, र ती नानी आफूले चाहेजस्तो नहुँदा आमालाई पिरोल्दै रोइरहिन् । हैरान भएर आमाले उनको इच्छा पूरा गरिदिँदैहुनुहुन्थ्यो, तर ती नानी लगातार रोइरहेकीले धैर्यताको बाँध फुटेर…

इम जि मिन / गुन्फो, कोरिया

हाँसोले भरिएको खुशी परिवार

आयरल्याण्डको डब्लिनस्थित एउटा अन्त्येष्टि गृहमा शोकको गम्भीर वातावरणको बीचमा, शोक गर्ने मानिसहरू अचानक हाँस्न थाले । त्योचाहिँ मृतकको अनुरोधअनुसार उनकी छोरीले शोक गरिरहेकाहरूलाई हँसाउन पहिल्यै रेकर्ड गरिएको हास्यास्पद अडियो बजाइदिएकीले गर्दा थियो । दीर्घकालीन रोगसँग जुधिरहेको अवस्थामा पनि सधैँ मुस्कुराउने उक्त मृतकले आफ्नो अन्त्येष्टिमा समेत वरपरका मानिसहरूलाई हँसाए । चार्ल्स डिकेन्सका अनुसार “रोग र दुःखको यस संसारमा हामीलाई बलियो बनाउने एक मात्र चीज नै हाँसो हो ।” जीवन जति चुनौतीपूर्ण हुन्छ, त्यति नै हाँसोको मूल्य बुझिन्छ । अहिले २१औँ शताब्दीमा हास्यव्यंग्य सफलताको मुख्य कारक बनेको छ । हास्यास्पद कुरा समावेश भएको विज्ञापनहरूले बिक्री दर बढाउँछ र कम्पनीहरूले पनि हँसिला मानिसहरूलाई बढी रुचाउँछन् । त्यसैले माथि उल्लेखित ‘अन्त्येष्टिमा हाँसो’ भन्ने लेखलाई एक प्रभावशाली कथाको रूपमा साझा गरिएको हो । घरमा पनि…

चिसो तापमान

तापमान जान्न सकिने तरिका दुई किसिमका छन् । एउटा थर्मोमीटरद्वारा मापन गरिने वास्तविक तापमान हो भने अर्कोचाहिँ मानिसको शरीरले आभास गर्ने चिसो तापमान हो । चिसो तापमानचाहिँ तेज हावा, आर्दता र सौऱ्य ताप लगायत हावाको तापक्रम इत्यादि विभिन्न कारणले उत्पन्न हुन्छ । शारीरिक भिन्नताको आधारमा कुनै पनि व्यक्तिको शरीरले तातो वा चिसो अनुभूत गर्छ । जाडो मौसमप्रति संवेदनशील हुने मानिसहरू न्यानो मौसमको बाबजुद चिसोले थर-थर काँप्न सक्छन् र गर्मी मौसमप्रति संवेदनशील हुने मनिसहरूचाहिँ जाडो मौसममा अरूले जत्तिकै चिसो महसुस नगर्न पनि सक्छन् । साथै मनले महसुस गर्ने तापमान पनि छ । उस्तै अवस्था भए पनि प्रत्येक मानिसको महसुस फरक हुन सक्छ । कसैको लागि एकदमै न्यानो लाग्ने वसन्त केही मानिसहरूका लागि चिसो हिउँद हुन सक्छ । अनि कसैलाई चिसो लाग्ने…

ती मानिसजस्तै

अँध्यारो समुद्रमा यात्रा गर्ने जहाजलाई मार्गनिर्देशन गर्ने दीपगृहझैँ जीवनको यात्रामा तपाईंलाई सही बाटोमा डोऱ्याउने एक जना मार्गनिर्देशकको आवश्यकता पर्छ । यस्तो मार्गनिर्देशकलाई प्रायः ‘रोल मोडेल’ भनिन्छ । रोल मोडेल छ भने लक्ष्य अझ स्पष्ट हुन्छ, अनि तपाईं अझ प्रेरित हुनुहुनेछ । तर आफ्नो निम्ति कोही रोल मोडेल हुँदैमा सपना साकार हुने होइन । महत्त्वपूर्ण भनेको कार्य गर्नु हो । आफूले चाहेजस्तो व्यक्ति बन्ने सबैभन्दा निश्चित तरिका भनेको रोल मोडेलको नकल गर्नु हो । तिनको मनोवृत्ति, बोलीवचन र जीवनयापनको स्वरूप हेरेपछि तिनले जसरी बोल्न, तिनले जसरी सोच्न र तिनले जसरी व्यवहार गर्न सकिन्छ । निर्णय लिन गाह्रो हुने अवस्था आइपर्दा तपाईंले “यो अवस्थामा रोल मोडेल भएका भए तिनले कसो गर्नेथिए होलान् ?” भनेर आफैलाई सोध्न सक्नुहुन्छ । तब सजिलै उत्तर पाउनुहुनेछ…

सबै किसिमका खराबीबाट अलग बस

म केही महिनासम्म बिरामी भएँ । फार्मेसीबाट अनेक थरीका औषधीहरू किनें, अनि घरेलु उपचारदेखि लिएर सबै किसिमका उपचारहरू गरें, तर कुनै सुधार आएन । जागिर छोड्नुपर्ने जस्तो अवस्थामा पुग्दा, पहिला कामको सिलसिलामा चिनजान भएको एक जना डाक्टरलाई भेट्न म गएँ । डाक्टरले मलाई एक हप्ताको लागि औषधी लेखिदिनुभयो, र औषधी सेवनको अवधिमा चिनी सख्त बार्न सल्लाह दिनुभयो । चिनीले हाम्रो प्रतिरक्षा प्रणालीलाई कमजोर बनाइदिएर बिमार ढीलो निको हुने गराउँदोरहेछ । तर आफ्नो दैनिक भोजनबाट चिनीलाई अलग गर्नुचाहिँ सोचेको भन्दा गाह्रो कुरा थियो । दैनिक खाइने भोजन प्राय: गुलियो हुन्थ्यो, अनि फलफूल र जुस पनि अपवादमा पर्दैनथे । सुरुको ३ दिनचाहिँ एकदम गाह्रो भयो । खाना खाएपछि अन्तमा केही गुलियो चीज खान मन लाग्थ्यो । स्न्याक्सहरू बार्न पनि बडो सकस पऱ्यो…

गोइट्सिओन थमाइ / केप टाउन, गणतन्त्र दक्षिण अफ्रिका

बज्रपात

सर्ने योजना भएकोले केही बेर घर मिलाउने क्रममा, म अबेर रातसम्म भान्सा मिलाउनमा व्यस्त भएँ । अन्तिममा फ्रिज सफा गरिरहँदा त्यतिकै राखिएको प्लास्टिकको बोतलमा के रहेछ भनेर निश्चित गर्न त्यसलाई खोलेर हेरें । त्यही बेला अचानक बोतलमा भएको कुरा ‘भ्वाट्ट’ पड्किएर छताछुल्ल भयो । अमिलिएको ऐंसेलुको झोल लामो समय नचलाएर गुम्सिएकोले पड्कियो । भान्साचाहिँ छतदेखि भुइँसम्मै ऐंसेलुको झोलले राताम्मे भएर फोहोर भयो । यो ‘बज्रपात’जस्तै थियो । त्यस्तो अनपेक्षित अवस्थाप्रति म यति छक्क परें, कि के गर्ने भन्ने पत्तो नपाएर केवल थरथर काँपिरहें । बैठक कोठामा टिभी हेर्दाहेर्दै दौडिएर आउनुभएका मेरा पति पनि छक्क पर्नुभयो । त्यो अवस्थालाई ठम्याएर उहाँले तुरुन्तै टालो ल्याई दाग सफा गर्न थाल्नुभयो । बच्चाहरू ब्यूँझेलान् भनेर उहाँले आफ्ना पाइलाहरू बिस्तारै सार्नुभयो, तर बोतलको आवाज यति…

सउल, कोरिया

आफूमा निर्भर हुने कुरा

उही लेख भए पनि त्यो पढ्ने प्रत्येक मानिसले पाउने महसुस फरक हुन्छ । कसैले सरसरती हेरेको शब्द, अरू कसैको निम्तिचाहिँ अमूल्य महसुस दिलाउने आधार पनि बन्न सक्छ । कहिलेकहीँ परिस्थिति पनि बद्लिन सक्छ । विगतमा खासै प्रेरणादायी नलागेको लेखले पछि निकै प्रभावित तुल्याउन सक्छ, अनि विगतमा हृदयलाई प्रभावित तुल्याएको वाक्य अहिलेचाहिँ सामान्य लाग्न पनि सक्छ । लेख उही हो । बद्लिनेचाहिँ पाठक वृन्दको मन हो । इस्राएलीहरूले उजाड-स्थानमा खाएका, महमा बनेको बाबर स्वादको मन्न, परमेश्वरले स्वर्गबाट पहिलो चोटि झारिदिनुहुँदाको समयमा होस् अथवा लामो समयपछि होस्, त्यसको स्वाद उही थियो । तर उजाड-स्थानको यात्रामा थकित भएका इस्राएलीहरूको गनगनयुक्त मनले, महमा बनेको रोटीको स्वादलाई तुच्छ खानेकुरामा परिवर्तन गरिदियो (गन्ती २१:५) । पहिला जति पटक हेरे पनि, जति पटक सुने पनि एकदमै आश्चर्यजनक…

गरिहेरेमा थाहा हुने कुरा

म सानो छँदै बुबा-आमा बित्नुभएकोले मैले जीविका चलाउन पैसा कमाउनुपर्ने भयो । यसैले मेरो जीवन युद्धजस्तै र संसार युद्धभूमिजस्तै थियो । कसैले मलाई जोगाउन नसक्ने यस निर्दयी संसारमा पछि नपर्नको निम्ति मैले पसीना बगाएर काम गरें । ढिलो उमेरमा परिवार पनि बन्यो तैपनि मेरो जीवन भने जस्ताको तस्तै थियो । बजारमा सामान आपूर्तिको काम गर्ने क्रममा, मैले रातमा काम, दिनमा आराम गर्दै १० वर्ष बिताएँ । व्यस्त दैनिक जीवनले गर्दा आफ्ना बालबच्चासँग भेट्न पनि गाह्रो थियो । त्यसैले मेरो मन भुलाउने कुरा भनेको बजारका मानिसहरूसँगै भट्टीमा पसेर मद्यपान गर्नु थियो । सायद जीवन कठिन भएरै होला, हामी सबै जना गरम मिजासका थियौं । हाम्रो बोली र कार्य पनि रुखो थियो । तैपनि हामीहरू परिवारजत्तिकै नजिक थियौं । रातभरि काम गरेपछि…

आन ब्यङ छान / सउल, कोरिया

राम्रो मौसम

घाम तातो भयो, बतास जोडले चल्यो अथवा वर्षा भयो भनेर के कहिलेकहीँ तपाईंलाई मूड खराब हुने या त दिक्क लाग्ने गर्छ ? घामको किरणले मानव-शरीरमा भिटामिन डि उत्पन्न गर्छ, र यसले बोटबिरुवामा प्रकाश संश्लेषणको स्रोतको भूमिका खेल्छ । वर्षाले हावामा मिसिएको धूलोलाई पखाल्छ, र जीवित प्राणीहरूमा पानी आपूर्ति गर्छ । बतासले बिरुवालाई फैलन मद्दत गर्छ, र हावा प्रसार गर्छ । चट्याङले बिरुवालाई पौष्टिक तत्व सोस्न मद्दत गर्छ, र आँधीले पृथ्वीको तापक्रमलाई सन्तुलनमा राख्छ । घाम, वर्षा, बतास, चट्याङ, आँधी ... यीमध्ये पृथ्वीलाई अनावश्यक पर्ने चीज कुनै पनि छैन । हामीले कुनै मौसमको अवस्थाप्रति गुनासो गर्न त सकौंला, तर त्यसलाई बदल्न भने सक्दैनौं । कहिलेकहीँ खराब मौसमका कारण असहज लागे तापनि खासमा प्रकृतिसँग कसरी घुलमिल हुने भन्ने कुरा सिक्न तपाईंलाई बुद्धिको…

झगडा, सबै जना विजेता बन्ने अवसर !

हिजोआज प्रायः परिवारमा विभिन्न आपराधिक घटनाहरू हुने गरेको छ । वार्तालापको कमी भयो भने सबैभन्दा प्रेम गर्नुपर्ने र सुरक्षा दिनुपर्ने सदस्यहरूसमेत अपराधको शिकार बन्न पुग्छन् । विशेष गरी लामो समयसम्मको मनमुटावचाहिँ गहिरो भावनात्मक टक्कर र एक आक्रामक व्यवहार उत्पन्न गराउने कारक बन्न सक्छ । “घर सम्हाल्नु भनेको बगैँचाको काम गर्नुजस्तै हो” भन्ने कसैको भनाइ पनि छ । जतिसुकै सुन्दर बगैँचा भए पनि यदि उचित समयमा त्यहाँबाट सामाहरू हटाएन भने आखिरमा त्यसले पूरै खेत भरिदिन्छ । परिवार भन्ने बगैँचाभित्रको सामा नै झगडा हो । एउटा खुशी र आदर्शपूर्ण परिवारभित्र पनि झगडाचाहिँ हुन्छ । झगडा, उनीहरू जीवित छन् र एक-अर्कालाई प्रेम गर्छन् भन्ने कुराको एउटा प्रमाण पनि हो । झगडा भयो भन्दैमा उनीहरूले एक-अर्कालाई प्रेम गर्दैनन् भन्ने कुरा होइन, अनि उनीहरूले एक-अर्कालाई…

बिरुवाहरूमा हुने एलिलोप्याथी

बतास चल्दा वा हावाले जडिबुटीलाई हल्लाउँदा, त्यसले मानिसहरूले मन पराउने कडा सुगन्ध फाल्छ । तर वास्तवमा तिनीहरूले त्यो सुगन्ध फाल्नुको कारणचाहिँ आफूलाई बाह्य आक्रमणबाट बचाउनको निम्ति हो । झुसिलकीराहरूले सल्लाको पात खान्छन् र बन्दामा लाग्ने कीराहरूले बन्दाको पात खान्छन् । तर ती कीराहरूले बिरुवालाई सजिलै खान सक्दैनन् । बिरुवाहरूलाई झुसिल्किराले आक्रमण गर्दा चोट लागेको ठाउँबाट एउटा रासायनिक पदार्थ निस्किन्छ । त्यो सुगन्धलाई सुँघ्दा बारुलाहरू झुसिल्किरालाई सिकार गर्न तीरजस्तै उडेर आउँछन् । आलुको टुसोमा हुने विषालु पदार्थ एलिसिन, लसुनमा हुने मसालेदार गन्ध पनि तिनीहरूलाई सुरक्षा प्रदान गर्ने रासायनिक पदार्थ हुन् । कीराहरूले बोटबिरुवाहरूलाई आक्रमण गर्दा रासायनिक स्रावद्वारा आफूलाई बचाउँछन् तर तिनीहरूले मानव र जनावरहरूले जस्तै आफ्नो सुरक्षा गर्न सक्दैनन् । बोटबिरुवाहरूले आफ्नो सुरक्षाका लागि जरा वा पातहरूबाट रासायनिक पदार्थ निकाल्ने गर्छन्…

खजाना बाँड्दा

जब थोमस एडिसनले फोनोग्राफको आविष्कार गरे, उनले वैज्ञानिक जर्नल र पत्रपत्रिकाहरूमा आफ्नो आविष्कारबारे सक्रिय रूपमा प्रचार गरे । पछि उनले बिजुली बत्ती (Incandescent light bulb)आविष्कार गर्नका लागि अनुसन्धान सुरु गरे जुन कुरा पत्रपत्रिकाहरूमा पनि छापियो, र मानिसहरूको अपेक्षा बढ्दैजाँदा ठूला लगानीकर्ताहरूले आर्थिक रूपमा सहयोग गरे । एडिसनका आविष्कारहरू अझ प्रख्यात भए, किनभने उनले ती आविष्कारहरू आफूमा मात्र सीमित राखेनन्, तर अरू मानिसहरूले पनि व्यापक रूपमा त्यसको प्रयोग गर्न सकून् भनेर सबैलाई आफ्नो आविष्कारबारे जानकारी गराए । जब हामी कुनै पनि फाइदाजनक कुरा आफूमा मात्र सीमित नराखी अरूसँग सक्रिय रूपमा बाँड्छौं तब त्यो कुरा अझ उपयोगी खजाना बन्नेछ ।

फिरफिरे घुमाउनको लागि

“बुबा, मैले बनाएको फिरफिरे हेर्नुहोस् ।” “वाह, राम्रो छ ! यसले कत्तिको काम गर्छ भन्ने कुरा बुझ्नका लागि एक चोटि परीक्षण गर्नुपर्ला ?” छोराको हात समाउँदै बुबा घर नजिकैको पार्कमा जानुभयो । उत्साहित छोराले हात माथि उचाल्दै फिरफिरे घुमाउन खोज्यो तर त्यो दिन हावा सुस्त थियो । “बुबा, मेरो फिरफिरे घुम्दैघुमेन ।” छोरा निरुत्साहित भयो । “यस्तो अवस्थामा यसलाई घुमाउने एउटा तरिका छ ।” तरिका के हो नि ? फिरफिरे समातेर, बुबा छिटो-छिटो दौडनुभयो । अन्ततः फिरफिरे तीव्र गतिमा घुम्न थाल्यो । बुबाले एक फन्को मारेर छोराकहाँ फर्किएर भन्नुभयो । “परिश्रमसाथ दौडनेहरूका लागि असम्भव केही छैन ।”

राजकुमारको पहिचान

छिमेकीबीच राम्रो सम्बन्ध नभएको कुनै एउटा गाउँमा राजाले भ्रमण गरेछन् । आफ्नो निरीक्षण पूरा गरेपछि, राजाले गाउँलेहरूलाई अनुरोध गरेछन् । “वास्तवमा मेरो कान्छो छोरा केही समय यही बस्ने भएकोले तिमीहरूले ऊसँग राम्रो व्यवहार गर्नू ।” तर राजाले राजकुमार को हो, र कहाँ बस्दैछन् भन्ने कुरा खुलाएनछन् । राजकुमार हो भन्ने कुरा सोच्दै गाउँलेहरूले बाटोमा भेटिने सबै बालकहरूलाई मुस्कुराउँदै अभिवादन गर्न थाले । केही समयपछि वयस्कहरूले पनि एक-अर्कालाई नम्र बोली र उज्ज्यालो मुहारद्वारा अभिवादन गर्न थाले । केही महिनापछि, राजा गाउँमा फर्किए । त्यसबेलासम्म पनि राजकुमार को हो भन्ने कुरा गाउँलेहरूले थाहा पाएका थिएनन् । “राजा, हजूर राजकुमार लिन आउनुभएको हो ? तर राजकुमार को हुन् ?” राजाले मुस्कुराउँदै भनेछन् । “मैले यहाँ छोडेको राजकुमारको नाम ‘प्रेम’ हो । राम्ररी हुर्किएर…

सुरुको अवस्था निम्न देखिए पनि

एक-एक थोपा पानीद्वारा नदी बन्छ । आकाशबाट झर्ने पानी र जङ्गलबाट रसाउने स-साना पानीका थोपाहरू जम्मा भई एउटा खोल्सा बन्छ, र जब चारै दिशाबाट बग्ने खोल्साहरू सँगै मिसिन्छन्, तब त्यसले नदीको रूप लिन्छ । दर्जनौं र सयौं सहायक खोलाहरू मूल नदीमा मिसिएपछि त्यो झन् फराकिलो र गहिरो हुन्छ । नदीमा जम्मा भएको पानीले न झगडा गर्छ न त गनगन नै गर्छ तर निरन्तर आफ्नो गन्तव्य, समुद्रतिर बगिरहन्छ । नदीले बग्ने क्रममा धेरै कुरा हासिल गर्दछ जुन कुरा एक थोपा पानीको रूपमा सोच्न पनि सकिँदैन । बलियो पानीको छालले चट्टानलाई फुटाउँछ, र सबै जीवित प्राणीहरू बस्ने न्यानो घर बन्छ । तपाईंको सुरुको अवस्थाहरू निम्न देखिनेछन्, त्यसरी तपाईंको अन्त अति महान् हुनेछ । अय्यूब ८:७ सानो पानीको थोपा सुरुमा निम्न देखिए पनि…

ढोकामा ताला लगाउनुजत्तिकै महत्त्वपूर्ण रहेको सामाजिक सञ्जालको सुरक्षा

सामाजिक सञ्जाल सेवा(Social Network Service, SNS)चाहिँ मानिसहरूबीच सूचनाहरू साझा गर्न मद्दत पुऱ्याउने र निःशुल्क सञ्चारमार्फत अरू मानिसहरूसँग सामाजिक सम्बन्ध निर्माण गर्न प्रयोग गर्ने अनलाइन मञ्च हो । फेसबुक, ट्विटर, काकाओ स्टोरी, इन्स्टाग्राम, ब्यान्ड, यूट्यूब जस्ता विभिन्न किसिमका सामाजिक सञ्जालहरू छन् । स्मार्टफोनको बढ्दो प्रयोगसँगै समय र ठाउँको परवाह नगरी सामाजिक सञ्जाल सबै ठाउँमा उपलब्ध भएको छ, त्यसैले यो अहिले आधुनिक मानिसहरूको दैनिक जीवनबाट अलग गर्नै नसकिने हिस्सा बनेको छ । एउटा कोरियाली पोर्टल साइटले ६९३ सदस्यहरूलाई लक्षित गर्दै ‘सामाजिक सञ्जाल प्रयोगको ढाँचा र त्यसको प्रयोग स्थिति’बारे सर्वेक्षण गरेको थियो । सर्वेक्षणका अनुसार ९१.३% उत्तरदाताहरूले सामाजिक सञ्जाल प्रयोग गरिरहेका छन् र त्यसको उद्देश्य नै अरूसँग कुराकानी गर्न(६३.२%) विविध जानकारी र प्रवृत्तिको खोजी गर्न(६०.७%), अल्छीपना कम गराउन(४६.९%), आफ्नो दैनिक जीवन रेकर्ड गरेर…

शुभ बिहानी !

“बिहानी भन्नेबित्तिकै तपाईंको दिमागमा के आउँछ ?” यो प्रश्नको उत्तरमा कसै-कसैले घामको प्रकाश, शीत, व्यायाम, स्फूर्ति, मौका भन्ने गर्छन्, तर कसै-कसैले चाहिँ हतार, अबेरसम्म सुत्ने, ढिलो हुने, व्यस्तता, र थकान भन्ने गर्छन् । बिहानीसँग सम्बन्धित मनमा आउने शब्दहरूको आधारमा, मानिसहरूले आफ्नो बिहानी कसरी बिताउँछन् भन्ने कुरा सजिलै थाहा पाउन सकिन्छ । प्रत्येक नयाँ वर्षको दिनमा, देशभरका सूर्योदय हेर्ने स्थलहरूमा उदाउँदो सूर्यलाई हेरेर वर्षको सुरुवात गर्नेहरूको भीड ठूलो हुन्छ । वर्षको सुरुवात नयाँ वर्षको पहिलो दिन हो भने, दिनको सुरुवातचाहिँ बिहानी हो । शुभ बिहानी नै शुभ दिनको आधार हो । किनभने बिहान खुशी भएमा दिनभरि नै खुशी रहन सकिन्छ । बिहानीचाहिँ हाम्रो सम्पूर्ण जीवनलाई नै असर गर्ने सुनौलो समय हो भन्दा फरक पर्दैन, किनभने बिहानीले दिनलाई असर गर्छ र त्यो…

परिवारले एक-अर्कामा भरोसा गर्छन्

हिजोआज कसैलाई पेय पदार्थ पिलाएर बेहोस गराउनु वा सार्वजनिक संस्थाको नाउँमा कसैलाई फोन गरेर ठूलो रकम ठग्नु कुनै नौलो खबर होइन । यस्तो ठगीको युगमा यस्ता घटना सामान्य भइसकेका छन् । त्यसैले छल कपट व्याप्त भएको हाम्रो समाजमा ‘राम्रो छिमेकी’ भन्ने अभिव्यक्ति लागमर्दो बनेको छ । मानिसहरूले आफ्ना छिमेकीहरूलाई समेत विश्वास गर्दैनन्, पल्लो छेऊमा को बस्छ भन्ने कुराको समेत पर्वाह नगरी झ्याल, ढोका बन्द गरेर बस्छन् । एक-अर्कालाई विश्वास गर्न नसक्ने भएकोले सानोतिनो सहयोगप्रति पनि शंका गर्छन् र सुरुदेखि नै सत्रक भएर हुन्छन् । तसर्थ अहिले हरेक ठाउँमा २४ घण्टा चल्ने CCTV जताततै जडान गरिएको छ । मानिसहरूले एक-अर्कालाई भरोसा गर्दैनन्, उनीहरूले आफ्नै परिवारलाई समेत भरोसा गर्दैनन् । उदाहरणको लागि, केही मानिसहरूले आफ्ना पति/पत्नीका गाडिहरूमा GPS ट्र्याकिङ उपकरणहरू राख्छन्, अझ…

घर चम्किलो भयो भने मन पनि चम्किलो हुनेछ

“घरका कामहरूमध्ये सबैभन्दा झन्झटिलो काम कुन हो ?”, “अनि शारीरिक रूपमा सबैभन्दा गाह्रो काम कुन हो ?” ग्यरब कोरियाले, कोरियाली गृहिणीहरूलाई घरेलु कामको बारेमा यी प्रश्नहरू गरेको थियो र माथिका दुवै प्रश्नहरूको उत्तरमा सरसफाइ पहिलो स्थानमा रहेको पाइयो । छोटकरीमा भन्नुपर्दा, घरको सरसफाइलाई एक थकानपूर्ण र झन्झटिलो कामको रूपमा लिइन्छ । त्यसैले कामबाट थकित भएर घर फर्किंदा, कसैले घर सफा गरिदिएर दराजका कुना काप्चामा भएका धुलोहरू पुसी, भुँइ बढालेर घर चिटिक्क पारिदिएको त्यो दृश्य हामीले कम्तीमा एक चोटि कल्पना गरेका हुन्छौं । थोरै रगड्दा सबै दाग जाने डिटर्जेन्ट, घर सफा गर्न प्रयोग गरिने टालो, स-साना धुलो समेत तान्ने भ्याकुम क्लिनर, र एउटा बटन थिच्दा घरको वरिपरि घुमेर सबै कोठाहरू सफा गरिदिने रोबोट क्लिनरजस्ता बजारमा निस्किएका सरसफाइका सामग्रीहरूले सरसफाइको कामलाई सरल…